想生BB 今日: 4|主題: 109632

收藏本版

發帖

返回列表

跳至頁

查看: 1994 | 回覆: 25

老劉 vs 王家瑋 [複製鏈接]

sukihys

大宅

積分: 1486

1^#

發表於 17-11-2 13:46 |只看該作者 |倒序瀏覽 |打印

本帖最後由 sukihys 於 17-11-2 13:49 編輯

有點長

因為自己輸卵管雙塞，老公丁丁5得，政府第二次見醫生去到2020年，所以選擇去台灣做。

老劉
我今年4月時去左佢度做第一次ivf，好多人話老劉有點惡，唔多說話，但我又感覺唔到，只覺得佢忙，同做事好明快果斷，我只抽到3粒卵，3粒都結合到，最後得2粒用到。
雖然我有左2個多月bb就無左心跳，但佢總算令我第一次成功，而且d姑娘好好，分功得好好，我抽卵時好緊張，姑娘又系甘同我傾計講笑，而老劉仲氹到大家哈哈笑，姑娘分工得好。前台姑娘只會負責接待，報到，填表，另有會計，幾個打針講解，抽血，抽卵手術幫忙姑娘，會比較井井有條。

王家瑋(新開)
系老劉度失敗左之後，我選擇左王家瑋，因為佢都好多人睇，而且想驗下免疫問題，因為老劉不太信免疫，驗了3樣常見，都正常，其實王師生真系好好人，有問必答，而且好細心，只系覺得佢都好忙，佢d姑娘仲忙，特別系前台姑娘，好似萬能的，又聽電話，又報到，又收錢，又比藥，好忙，只系5洗抽血打針，頭幾次都系同一個姑娘，佢都算系醒目，只系有1次5記得叫我抽血，令我等多左d時間姐，因為要即時等血報告，需要再見醫生。
到我抽卵日先搞笑，我已經比原定時間早左3個字到，交晒老公精子，點知前台大年紀姑娘，唔醒目唔記得叫我去抽卵地庫手術室，令我發呆等左成半個小時，好啦。。到佢叫我去手術室度啦～比個手術室姑娘系甘鬧同話我，做咩比原定時間遲左甘多時間，我當時無理佢唔想影響心情，但佢仲5放過我，好啦，我真系好想發火，我一開口就話，我已經早到了，什麼都交了，系你同事無安排同叫我，我在等，我又5知道你們運作，呢一刻我普通話變到好流利，連個清潔阿姨仲以為我系台灣人，個衰姑娘聽完仲系度鬧前台同事，唉…大佬啊～你唔安慰我，唔令我放鬆，已經算啦，仲影響我心情，又唔查清楚先鬧人。
抽卵王系全身麻醉，而老劉只系打震靜，王抽完我醒系痛同流血，老劉抽完我系小小唔舒服，無流血，但嘔左一下。
王抽左4粒，即時話只有3粒夠大，到第三日，話得返1粒分列，我好傷心，好啦今日我會等佢sd分列圖比我，因為我放雪胎，只希望唯一一粒生存到啦～因為我有少少灰心。

總結：我覺得自己仲要做第三次ivf但系台灣選擇邊個，同做咩令卵多，成功率高，要再想想，老劉其實都ok,王醫生都好，只系佢太好人感覺食唔住d姑娘，同埋分工管理要再檢討。完~多謝大家，祝大家好孕到!
Ps：為左ivf生bb工都辭埋