想搵人傾下!
琴晚同今朝真係好唔開心，琴晚CUT左男朋友線。我今日都仲嬲緊，事源係咁0既.............
我男朋友咩都拿佢個妹黎講，例如成日都話"我鍾意食0既，我阿妹就一定鍾意食" "我鍾意睇尼出戲，我阿妹實鍾意睇" ，之不過......佢鍾意食0既，我就唔鍾意食，佢鍾意睇0既，我就唔鍾意睇，但係每次聽到佢咁講，我個心都好難受，但係我唔識講個種感覺。好似上次咁，我好想睇鬼片，但係佢唔鍾意，咁我都算啦!因為始終驚會嚇親佢，但係我好驚個D片(活死人凶間、明日之後)，佢就叫我睇，但為左佢無計啦!我就陪佢睇，睇完仲成日形住形住咁!上一次佢竟然好好咁話陪我睇"餃子"，我就好開心啦，當時佢阿妹都一齊睇，不過原來佢係話叫佢阿妹陪我睇，佢就睇漫畫，咁都算啦!點知睇到D"核突"野時，佢阿妹就好似好驚咁，跟住佢就即刻話"都唔你唔好睇D咁0既野架啦!係咪呢"講左幾句，我當時真係想即刻關機走，但無奈當時係佢親寂屋企，我只好強顏歡笑忍。
琴晚，我只係同佢講我阿媽話用風筒唱下張被先俾我訓落去，雖然咁做係就係誇張左D，但係都唔駛話"多餘"架!話晒都係我阿媽一番心意，想我訓落床度無咁凍! :cry: 但係佢就話我阿媽"多餘"，唉!我聽完都唔知點應佢好，跟住又話如果我凍就著隻襪訓教，咁我就話我試過，但係有時半夜醒左會好熱，跟住佢就話"下，都話你身體唔好架啦!又唔見我，又唔見我阿妹係咁"，佢又搵阿妹撻我!我真係好鬼谷氣，跟住就CUT佢線。
而家好谷氣呀!唔好意思各位，要你地睇咁多字添!
看得起肩膀，放得低重擔!大家活在快樂中 :-)
開心係成功0既開始 :cheeze:
發表於 
，其實我唔係想佢得我一個，我好明白始終最親都係自己D家人，好似我咁我都會將心比已，我都會明白佢，例如我阿媽D送煮得好好食，連佢自己都話好食，但係都要講佢阿爸阿叔都煮得好好食!就算係，你都可以讚下我阿媽掛，話晒佢都煮俾你食，話晒你都話好食，但係佢唔會架喎!
返回列表
