心聲留言 今日: 4 | 主題: 17563

積分: 11

1^#

發表於 04-11-19 15:03 |只看該作者

我係咪好有問題………

我係咪好有問題………..

我同老公都結左婚好多年, 重有個女, 二夫婦相處得好好. 但近日發生左一件事, 係我問題, 唔關我老公事.

件事係咁, 我每星期都會帶囡囡去學游水, 我囡囡跟這位教練學游水已經有半年, 都已經幾熟. 但近幾個月, 我覺得囡囡教練有少少怪, 教練經常眼定定望住我, 望到我有少少"kum kai", 我初期都唔覺有問題.

每次到落堂時, 教練都同我講番囡囡的進度, 但近日他與我傾談的口吻, 好溫柔, 真係好溫柔, 同時雙眼又望到我實, 加上佢只係著泳褲, 又貼得好近同我傾. 呢種感覺, 令我想起我同老公剛剛拍拖.
問題就係我度, 我發覺自己近一個月, 對住佢時, 竟然............心跳得好利害.

有一次我老公有時間, 我地陪囡囡一齊去學游水, 呢次教練就無望實我, 放學都無同我講進度. 呢次我竟然有少少失落...........

本來想同佢轉教練, 但我囡囡又好痴呢個教練, 而且學得唔錯.

我每星期都好驚見到佢, 但又想見到佢, 我現在好內疚, 唔敢同人講, 但係一想起佢, 個心又不其然咁跳, 我真係好過份, 好內疚.

而家講出來, 個心舒服好多.

私人傳訊

積分: 89578

好媽媽勳章王國長老

2^#

發表於 04-11-19 15:21 |只看該作者

Re: 我係咪好有問題………

唉呀…..mud咁呀？！不要想太多，同老公可能平淡左D，但為左你眼望我眼既fantasy而破壞一個大好家庭？唔值得。加上教練同你都係囡囡信任既人，如果你地有D咩…對個女影響好大！
天氣開始凍喇，學咩游水呢？學第樣喇！見唔到就唔會諗咁多。

私人傳訊

蘇菲姨姨

大宅

積分: 2768

3^#

發表於 04-11-19 15:43 |只看該作者

Re: 我係咪好有問題………

agree with 麟媽媽

私人傳訊

積分: 11

4^#

發表於 04-11-19 15:52 |只看該作者

Re: 我係咪好有問題………

麟媽媽,

係, 你講中了我所想, 我同老公真係平淡左D. 但我老公對我好好, 又好錫囡囡, 不過佢返工時間太長, 好少時間陪我地.

你講得好正確, 我唔可以做任何事破壞個家, 而且我只會鐘意我老公一個, 唔會有第二個, 我地結婚時係承諾過, 我同老公一齊已經有十二年. 但係每次見到佢, 我真係有心動的感覺, 我真係好過份, 最可怕就係, 我唔捨得呢種感覺.

我想我可能會唔比囡囡學游水, 但要找個藉口同老公解釋.

私人傳訊

積分: 89578

好媽媽勳章王國長老

5^#

發表於 04-11-19 16:12 |只看該作者

Re: 我係咪好有問題………

你是全職媽媽？可唔可以叫第個帶個女去上堂？
有時唔知係定唔係、你眼望我眼，個心囉囉攣的感覺，我諗我地個個少女時期都經歷過，但人大左，有好多責任同burden，唔可以任性地去愛….只有小說才有那些驚天動地，不顧一切的愛情故事….尤其大部份做媽媽的，實在唔忍心做出傷害子女的事。唉…只有男人先至大多慾望戰勝理智，係BK都見唔少呢！

私人傳訊

積分: 11

6^#

發表於 04-11-19 16:15 |只看該作者

Re: 我係咪好有問題………

麟媽媽,

唔知點解, 再看你的說話, "見唔到就唔會諗咁多", 我就好想喊, 又內疚, 又不捨的感覺, 好難受.

其實真係要停, 近來想得太多, 尤其見到我老公時, 須然我無做過任何事, 但個心好唔舒服, 好自責. 拖住老公時, 越叫自己唔好想, 但個心就不斷想.

私人傳訊

積分: 11

7^#

發表於 04-11-19 16:30 |只看該作者

Re: 我係咪好有問題………

麟媽媽,

我係全職媽媽, 無工人帶囡囡.

我都唔知點解, 年紀都唔小, 已經28歲, 做了人的媽媽, 竟然會有呢種感覺. 我16歲就同老公拍拖, 之後結婚, 生bb, 一些都係好平穩地生活, 大家都好珍惜大家.
可能老公大過我8年, 剛拍拖時, 大家都好開心, 亦有激情的時候, 但係佢而家都係工作至上, 我知佢係為一家生活安穩, 但有時我都有少少悶.

麟媽媽, 我好清楚自己應該怎樣做, 好多謝你. 我講出件事之後, 個心好似輕鬆了.

私人傳訊

積分: 89578

好媽媽勳章王國長老

8^#

發表於 04-11-19 16:45 |只看該作者

Re: 我係咪好有問題………

有時有D小火花唔出奇的，將來當你回頭看可能已沒有那種感覺同情懷。講出黎好啊~~人總要air out的，同老公咁多年亦不是易事，個男人咁多年來都對自己好更加唔係易事，可能經過今次你更加發覺同老公之間係咁密切，你唔愛個老公又點會咁煩？如果唔愛仲唔數佢比個值口自己咩？唔好再煩喇！
祝你同老公仔百頭到老！

私人傳訊

Qing

大宅

積分: 1328

9^#

發表於 04-11-19 16:51 |只看該作者

Re: 我係咪好有問題………

麟媽媽,
你真係一個好人, 亦係一個冷靜既人.
"煩人",
希望你可以擺脫心魔啦.
不過平淡的生活, 真係好需要兩夫婦去維繫架.
"煩人"別輕易放棄你手中的幸福呀.

衷心祝福你及你一家

至愛巧沛B既 Blog : http://hk.myblog.yahoo.com/kitqinghypy-happyhome

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

10^#

發表於 04-11-19 17:01 |只看該作者

Re: 我係咪好有問題………

其實"平淡"就是福，所以要好好珍惜而家既日子。

私人傳訊

積分: 89578

好媽媽勳章王國長老

11^#

發表於 04-11-19 17:09 |只看該作者

Re: 我係咪好有問題………

係呀！有時我地都不自覺唔識珍惜的。
我同老公相識到結左婚成20年了(講明我好細個識佢架！)，佢而家仲成日打比我，有時我會不耐煩，同事跟我說：”你老公咁好打比你仲話佢煩，我老公唔打比我架，我打比佢只會問個女架咋！”。之後諗，如果有一日我再聽唔到佢把聲，我會點呢？所以而家老公打親比我，我都唔會話佢煩，趕收線喇！

stkyo 寫道:
其實"平淡"就是福，所以要好好珍惜而家既日子。

私人傳訊

積分: 11

12^#

發表於 04-11-19 21:48 |只看該作者

Re: 我係咪好有問題………

Qing,

我一定要擺脫呢個"心魔".
好多謝你!

stkyo,

我都好接受"平淡", 亦相信是"福". 我一生人到目前為止, 都係平平淡淡, 所以我唔會需要任何的激情, 我亦唔會鍾意. 但今次呢個考驗, 比我感覺好怪, 真係感覺到自己, 再下一步會做錯事.

麟媽媽,

看過你的留言, 我唔知點解哭了, 覺得自己好有罪惡感, 我真係好離譜, 都唔係細個, 竟然會因為這樣而心動.
好怕星期日會見到教練, 好想老公陪我去, 但係近日佢公司好忙, 希望佢可以陪我. 真係好驚, 但我好明白清楚自己日後要點做, 現在好想老公快些回來.

麟媽媽, 衷心多謝你, 你真係好好, 我唔敢同朋友講, 好怕佢地多事, 講給我老公知. 今日比你提醒, 好似打醒了我, 好多謝你. 今日在這裡講出了件事, 心裡好像好過些, 我會好好珍惜現在的一切.
主佑!

私人傳訊

andreaaaa782004

禁止訪問

積分: 30347

13^#

發表於 04-11-19 23:20 |只看該作者

Re: 我係咪好有問題………

提示: 作者被禁止或刪除內容自動屏蔽

私人傳訊

YanYeeMaMa

複式洋房

積分: 208

14^#

發表於 04-11-20 00:08 |只看該作者

Re: 我係咪好有問題………

千祈唔好有婚外情,去自己一手破壞幸福嘅家庭!
前幾日我同老細吹水,
佢話点解同個前妻離婚,
原來因為個女人同咗另一個男人有感情
要同佢離婚,
佢個女就因為咁唔開心咗好耐,由細到大都好似缺少咗d嘢!
佢自己又痴呆咗幾年先振作!
本來幸福嘅家庭就攪到咁!
老細仲話前妻同嗰個男人最終分手!
但我老細都巳經再婚了!

私人傳訊

承承媽媽

男爵府

積分: 8313

15^#

發表於 04-11-20 01:02 |只看該作者

Re: 我係咪好有問題………

煩人,
其實除咗避開個誘惑之外,另外你必須做的,就是重新找出你丈夫可愛的地方,和你必須與你丈夫彼此潤飾你們的婚姻.我最近聽一對輔導員夫婦的CD,他們說婚姻有兩種拉力,如果外面的拉力不強(誘惑不大),你們兩人之間的婚姻關係佢算還可以,但若外在拉力大,內在的拉力小時,就會容易破壞了婚姻.如果內在的拉力大,儘管外在有拉力,但破壞不了這段關係.
或者在這段時間開始,找些時間出來讓你倆口子傾吓,拍吓拖,或者趁你女女返學,中午時你去搵老公食LUNCH,都是一個方法.

私人傳訊

carol_kk

男爵府

積分: 7395

16^#

發表於 04-11-20 11:36 |只看該作者

Re: 我係咪好有問題………

煩人 :

一段感情唔會永遠激情架~~~激情過後咪又會歸於平淡, 你越叫自己唔好諗, 偏偏就係咁浮現出黎, 你不如做其他野去分散自己注意力好D

私人傳訊