我好辛苦.......想死呀
我係呢度見到你地有些媽媽同奶奶關係好,陀寶寶時有人照顧,我真係好羨慕呀...因為我連奶奶都冇...~我今年18歲,今年4月生左個囡囡出黎,因為我男朋友帶我離家出走,所以我屋企人唔鍾意佢,唔會同我簽紙,因此我同我男朋友仲未結婚~上年11月度,我陀住囡囡時(大約4個月度)同我男朋友離家出家,個時我屋企人唔知我大肚,我一走就走左4個月,一路諗住出左黎就落左佢...點知一路冇錢...到我2月返去搵返我媽媽的時候已經係7個幾月,冇得落了....唯有生佢出黎...我媽媽安排我住左係mother's choice的宿舍,係宿舍我一直都諗住生左佢出黎就比寶寶比人領養...點知生左出黎好唔捨得,而決定同我男朋友養大佢....其實而家寶寶都唔係我湊,而係我男朋友的父母湊...始終囡囡係佢地的孫,所以佢地都好樂意接佢返去湊,而我對呢個"哎呀新抱"就不聞不問....(因為我父母認為係我男朋友帶我走,所以我走左期間,我媽媽成日打去佢地屋企噪,關係勁惡劣!)佢地知我生左之後,仲打比我媽,同我媽講"個孫我地會湊,不過你接返你個女走"....開頭我媽同我講佢地要仔唔要"那"我都仲安慰自己,佢地唔會咁對我,我仲唔信我媽的說話,覺得佢有心離間我同我男朋友,點知過耐左先發覺佢地(bf's parent)好憎我,佢地完全將對我媽媽的憎恨轉移到我身上...佢地之前同我媽講"你個女都唔慌係好野呀"..."唔識教女,叫佢醒下啦,我個仔有老婆仔女架喇,狐狸精"呢d說話...我都算....佢地覺得我係狐狸精係因為佢地唔知我男友同佢既ex-gf已經散左(個女仔同我bf之前仲生左個女)....但我而家真係好憎佢地.....我生完女女同我男朋友出左黎住,唔夠錢交租...求佢地幫我地一次,佢地唔肯,淨係同我男朋友講"你冇地方住就自己一個返黎住,唔好帶埋佢"...我一個18歲的女仔已經為了佢個仔而冇晒屋企人,仲生埋個女....佢地都要咁對我...我個時岩岩生完,試過係屋企暈低左,但冇錢睇醫生,佢都唔會借住比我地...到真係交唔到租比人趕,冇地方住,我同我男朋友兩個人就去海旁坐通宵...過左一兩日我男朋友出糧先有地方住....個時我仲坐緊月,唔單止冇人煮薑醋比我食,我仲要係海旁吹風...我真係好憎好憎佢地..<--(雖然係佢地湊我個女..)
早幾日,我男友的婆婆過左身,佢地問我男友會唔會同我去喪禮...我男友就返黎問我去唔去,我就晦氣話"唔去,你帶埋個女去囉~!"點知我男友就話"咁你話晒都係BB個媽嘛"..咩野話晒呀??我真係好嬲,好唔舒服,佢老豆如果係認同我係佢地新抱就應該叫我一定要去,而唔係問我去唔去,佢地成班人都唔理我感受....我陀住個女咁耐,咁辛苦生佢出黎有冇人理我??我陀B呢10個月淨係得我一個人係度捱,我一個人係宿舍過日子日喊夜喊,有冇人關心?(根本佢地係為我著想就會接我去佢地屋企安胎,而唔係又得我去宿舍等生......)佢地淨係識問我幾時生得...根本淨係關心我個肚.....冇人理過我係生係死....我係宿舍日喊夜喊...生完又係日喊夜喊...唉.....真係好辛苦......我冇晒屋企人,開頭諗住我當人地係一家人,佢地都會接受我,咁都叫有返d屋企人嘛..點知原來係我一廂情願.....男朋友又唔明我諗咩...而且佢維護佢父母.......我真係好唔開心....好想死.......
過去的留不住,
未來的難預測,
守住現在,當下即是~
發表於 
返回列表
