心聲留言

跳至

首頁
1

尾頁
   0


大宅

積分: 1032


1#
發表於 04-8-18 07:42 |只看該作者

舊情人突然話你聽已結婚.....

聽到這個消息,有點不自在,也許仲未對佢死心或者說是唔甘心......我知唔應該有這想法,因自己亦在四年前結左婚,仲有一個小朋友,但無奈個心真係唔舒服又唔可以同人講......我同佢斷斷續續一起三年,佢係我最愛的男人,四年前佢特然同我講自己在外國已婚,仲有小朋友,果一刻心如刀割,我立即同佢斷絕關係,之後佢又話自己冇講過(因當年佢知道我好想結婚,而佢唔想,佢亦知道我係一個好任性的人,佢唔想拖我,就話自己已婚)後來我識左我老公,好快仲結埋婚,就咁大家一路都冇來往,但身邊嘅朋友話佢而幾年女友日日新,而佢一路都唔知我已婚,直至一年前我再遇到佢,係而一年間我地都有電話聯絡,佢仲成日暗示自己仲係單身,有時我返大陸做野都會打電話比佢,但尋日佢特然同我講上個月已婚,咁我好唔開心點解唔同我講(但事實自己亦冇同佢講自己已婚)我同佢講若果我知道他已婚,我係唔會揾佢,佢話冇所謂.......真係唔知自己做緊物.....可能你地會話我不知所謂,但我只係想搵個地方舒發下姐


男爵府

積分: 6259


2#
發表於 04-8-18 08:48 |只看該作者

Re: 舊情人突然話你聽已結婚.....

你吾識珍識你現在的一切, 失去只需一刈那, 珍惜眼前人啦.你不是愛情小說入面的女主角, 不要活在個人的幻想中, 好好愛你的家人吧.


大宅

積分: 1032


3#
發表於 04-8-18 08:55 |只看該作者

Re: 舊情人突然話你聽已結婚.....

monalam,
多謝你的訓話,我真係唔接受現實啦,我實在要學識走出幻想世界啦


大宅

積分: 1013


4#
發表於 04-8-18 09:01 |只看該作者

Re: 舊情人突然話你聽已結婚.....

過去﹐回憶無防﹐笑下便算﹐因為係對方唔珍惜你﹐係拒損失。
現在先係你可以掌握係手既﹐你要好好珍惜
唔係第日自己回憶返就會係喊﹐而唔係笑架啦~



子爵府

積分: 11986


5#
發表於 04-8-18 09:32 |只看該作者

Re: 舊情人突然話你聽已結婚.....

之前知道多年前自己暗戀嘅人結咗婚,仲要有個朋友send埋佢張結婚相過我睇, 我都結咗婚成5yrs,以為已經忘記咗呢個人,點知睇完佢張相,我個心一直戚住戚住咁,有d好唔甘心嘅感覺!


水晶宮

積分: 59997

畀面勳章 貢獻勳章 環保接龍勳章 大廚勳章


6#
發表於 04-8-18 09:50 |只看該作者

Re: 舊情人突然話你聽已結婚.....

bebe_c,

人係有感情既動物, 可況果個係你曾經深愛既人結左婚, 總有點無奈同嫉妒, 但所有都係一剎那的想法, 當你返回現實的你, 你就會發覺一切都只係你的幻想世界, 一點都不真實.

:wink:


別墅

積分: 544


7#
發表於 04-8-18 10:20 |只看該作者

Re: 舊情人突然話你聽已結婚.....

如果係我, 我會好慶幸自己嫁了而家個老公.


大宅

積分: 1032


8#
發表於 04-8-18 11:39 |只看該作者

Re: 舊情人突然話你聽已結婚.....

WongMing,
我而家嘅感受同你之前一樣,個心一直戚住戚住咁.......我唔咁心以佢一個對感情唔重視的人唔值得上天比一個家庭佢 :evil:


大宅

積分: 1032


9#
發表於 04-8-20 15:15 |只看該作者

Re: 舊情人突然話你聽已結婚.....

個賤人咁日特然同我講,佢之所以結婚係因為年紀大要結一結婚先得,仲要比我知佢娶左個大陸妹,都好條氣都順d,起碼佢唔係真係鍾意而個女人先結婚,知不過係人有佢有,真係不知所謂


大宅

積分: 2249


10#
發表於 04-8-20 15:50 |只看該作者

Re: 舊情人突然話你聽已結婚.....

呢個男人值得你再提咩?

我覺得佢係果d鍾意四圍搵食既人, 佢可能知道你係好愛佢, 所以佢mic keep住要同你有d"僾侮"感覺lor...

講真丫, 佢結婚係為左咩原因, 根本巳經唔重要, 最重要係你走得快, 無同佢結婚....如果唔係, 你可能都係屬於佢既"人有佢有既另一半"....

我唸你都係唔好咁care佢既現況la, 珍惜你身邊既人, 佢先至係同你行埋下半生既人....
媽媽, 我真係好愛好愛好愛好愛好愛好愛好愛好愛好愛好愛好愛好愛好愛好愛您!!..........冧晒 :-) ~~


大宅

積分: 1032


11#
發表於 04-8-20 15:59 |只看該作者

Re: 舊情人突然話你聽已結婚.....

b_B,
係呀,我尋日都好清楚同佢講我唔會再鍾意佢,我一口氣同佢講左我而多年對佢嘅掛念,這些掛念一直都放在我心,沒親口同佢講過,這是我的遺憾,而家講左比佢聽,總算比左自己一個解脫...完了 :-P


伯爵府

積分: 15018

2025勳章蛇年勳章 2018復活節勳章 醒目開學勳章


12#
發表於 04-8-20 17:53 |只看該作者

Re: 舊情人突然話你聽已結婚.....

唉!.....算罷啦!
"珍惜一個得來不易的家庭"


別墅

積分: 894


13#
發表於 04-8-22 00:15 |只看該作者

Re: 舊情人突然話你聽已結婚.....

你都嫁左人啦~佢講咩都唔應該影響到你,
你如果仲同佢影響到係你傻,亦對你老公非常唔公平,
你話佢係你最愛,咁不過你做佢亞二啦~
做乜仲霸住個好老公??仲要生囝姐....
你要搞清楚「得唔到係最好」係你諗得好,唔係真係最好,
一切都係你的幻想,佢話為年齡大而結婚根本信唔過,
因為大把男人嫌煩唔結婚,佢呃你分分鐘係想同你再續前緣,
同d男人呃女仔話同老婆無晒感情一樣...
如果我舊情人話結左婚,我一定問佢幾時生仔,等我教佢湊囝,
因為佢唔係一個好人,所以佢唔應該影響到我的婚姻生活...
我同佢一齊,我問佢當我咩,佢話女朋友,點知無耐,
有個女仔晌icq add我話佢地一齊,個男仔即刻話佢係佢老婆,
之後佢地鬧親交,個男仔都call我,當我牙籤,
最後我識左我老公,我就無理佢,
如果我仲諗住同佢一齊會開心,而破壞我而家美滿婚姻,
實在好唔值,個男人都唔覺得自己重要,仲玩緊愛情遊戲,
我又做乜咁豬俾佢得逞呢??都係老公好,肯娶我~~ :lol:
:party: :-D

首頁
1

尾頁

跳至
Presslogic Logo
Baby Kingdom Logo