心聲留言今日: 1|主題: 17557

收藏本版

發帖

返回列表

跳至頁

查看: 1680 | 回覆: 3

小心!藍田匯景商場無耻童裝舖--得x屋 [複製鏈接]

irenenghm

男爵府

積分: 7361

好媽媽勳章

1^#

發表於 04-7-29 23:34 |只看該作者

小心!藍田匯景商場無耻童裝舖--得x屋

一日都係臭b百厭闖禍!佢真係越黎越百厭,婆婆又教佢唔掂.今日重攪到婆婆個朋友蒙上不白之冤呀!
話說今日因為落雨,婆婆就同個朋友, 一人推一部手推車去匯景行商場,行到一間買bb衫既舖頭,佢地就停低睇間舖頭放向門口既特價衫褲, 買15/2件,咁佢地睇左一輪, 見唔啱咪走囉!
走到下一條行, 婆婆朋友諗住攞野比佢個b, 咁伸手去車仔下面個籃時就發現多左條褲仔, 佢果時都好奇怪咁講 : 咦, 點解有條褲既? 正當佢諗住轉身攞番去果間舖頭時, 個老闆竟然已經企向佢後面,咁佢地就梗係同佢解釋話小朋友百厭攞左啦, 但個老闆就話佢地偷野,都唔緊要, 因為係佢地唔啱在先, 咁婆婆就道歉兼諗住賠番$10比個老闆啦! 但呢個老闆竟然話 : 本來要妳地賠$100嫁啦!不過而家賠番$50就算啦!” 咁婆婆聽到佢咁講, 就覺得佢係 "考"咋啦!咁就梗係唔賠, 就叫佢報警啦! 到警察黎到時, 個衰人老闆竟然話見到係婆婆個fd放向個籃度, 重話佢地兩個想去厠所收埋佢(因佢地向厠所方向行), 咁婆婆就解釋比警察聽(因臭b有前科, 不過比佢地見到), 最後d警察就叫佢地大事化小, 叫婆婆賠番$10囉! 婆婆因為怕事, 所以都應承左, 但最pk係隔離果兩間舖既八婆(唔好意思, 忍唔住要咁講)竟然重向度煽風點火, 話要佢地兩個對歉喎! 咁婆婆咪同佢地講 : 如果我地道歉, 即係話我地有做啦, "所以婆婆就唔肯道歉啦!
其實我自己都知呢件事係婆婆佢地疏忽, 無好好睇住同管教臭b. 理論上係應該道歉, 賠錢亦無可口非. 但個老闆一早就知佢地有條褲向車仔度, 但都無向佢地走時即時喝止(就算係鬧佢地都得), 而專登跟住佢地尾, 好明顯佢係有心. 到婆婆朋友發現想攞番去時, 佢就話要賠$50, 就更加擺明係想蝦佢地老弱婦孺. 再加上隔離個兩間舖頭既八婆向度攪事攪非. 所以我頭先咪走去果間舖頭鬧鬼個無耻老細囉!佢擺明係有心蝦佢地. 87號舖個八婆重話我係自由行添. 妳話係咪賤到無人有呀!
而我話完要唱佢地之後, 其中一個八婆都唔係好咁出聲嫁, 但87號個水八婆就唔同啦!係咁話我自由行. 我咪串番佢話就算我係自由行都好呀, 起碼我可以自由行呀, 行去邊都得呀
所以妳地真係要小心. 唔好再比機會呢三間無良舖頭欺騙呀!
呢三問舖分別係係一上去第三條行行入, 叫得x屋呀同隔離兩間賣女人衫同胸圍底褲既舖頭.得x屋就92號, 另外果兩間就係87同91. 希望其他媽咪小心啦! 唉~~不過都係怪婆婆太竉臭b啦!