想生BB 今日: 2|主題: 109642

收藏本版

發帖

返回列表

跳至頁

查看: 8135 | 回覆: 36

回饋各位，分享Bingo經歷同徵狀，體溫 [複製鏈接]

peggiesag

複式洋房

積分: 470

1^#

發表於 17-6-28 10:10 |只看該作者 |倒序瀏覽 |打印

同老公一結左婚就開始做人，本來以為半年實得，但一試試左10個月，終於成功，之前一直睇左大半年中醫都唔得，聽到身邊人一個一個咁中，自己愈來愈失望，之後去做檢查，先知自己子宮後傾，多囊，比其他人難受孕，晴天霹靂。一直都有睇中醫，用哈哈笑，紅D都有用，之後兩個月前開始量埋體溫，今個月轉睇西醫，終於有好消息！我之前一直狂上網睇下人地有咩徵狀，體溫係幾多，用咩姿勢，依家到我同大家分享少少經歷，等大家都快啲有好消息

子宮後傾 - 之前我唔知道，次次做完都抬腿，抬左半個鍾都係漏出黎，後尾兩個月前有個中醫同我講子宮後傾一定要用狗仔式射，之後就咁趴係度等15分鐘，轉左呢個姿勢之後真係一啲都無漏！所以如果大家次次做完都漏，可以試下換姿勢，中醫話做完即漏一定係姿勢問題

薑水浸腳 - 凍野我已經好耐無食，但我長期手腳冰冷，呢兩個月我試埋薑水浸腳，薑水係性質平和，唔燥，我隔晚訓之前都有浸，浸完成個人都暖晒，另外朝早我有浸薑片水飲，真係個人唔再手腳凍，好有效

運動 - 以前我一啲都唔郁，今個月我有間中係屋企跳5分鐘繩，已經成個人出晒汗，唔想出街做運動既可以試下

紅D ，量體溫 - 相信各位仲熟過我，唔多講，我量左兩個月體溫，上個月見自己排卵黎體溫跌得勁快，先知自己黃體不足，之後我就開始每日都食一樣增加黃體既食物，菠菜，西蘭花，蕃薯，紅羅白，香蕉，提子，今個月個體溫終於可以維持，雖然我既高溫無其他人咁高，但醫生話高低分明，算係好靚，所以如果體溫唔夠高唔緊要，只要夠分明就得，同埋一定要補充多啲黃體素食物。

DoDo - 今個月我係Day7一次，之後排卵前一次，排卵後一次，咁就收工。今個月我係睇西醫，佢比左5日排卵藥我食，有幫我打左破卵針同兩次黃體素。佢幫我一個Cycle攪店。

綠D - 排卵後第13日偷驗，有淺控，再用CB confirm, 2秒就出十字啦！

0 0 0

私人傳訊

peggiesag

複式洋房

積分: 470

2^#

發表於 17-6-28 10:11 |只看該作者

回覆樓主：

本帖最後由 peggiesag 於 17-6-28 12:08 編輯

本帖最後由 peggiesag 於 17-6-28 10:11 編輯

（唔夠位，繼續）

徵狀 - 比起之前未中會有排卵痛，今個月真係無咩徵狀，無排卵痛，DD前兩日開始胸漲，好似來M咁，好似仲無來M咁谷添，林少少，其餘真係無咩感覺，分秘物都無乜，無著床血，但我呢兩星期覺得特別口渴，飲極水都唔夠咁。

最後多謝各位係呢度教左我好多野，互相鼓勵，仲未得既姊妹唔好灰心，盡量食多啲有益既食物，戒凍野，希望大家都快啲有好消息，成功過版！