自由講場

跳至

首頁
12

尾頁
   1


子爵府

積分: 12801


1#
發表於 3 天前 |只看該作者
本帖最後由 蝦米豬 於 26-5-24 16:38 編輯

沙田乙明邨阿爸墮樓案,不知那位兒子是否副學士升大學要學貸?政府資助學位和自資課程的學費會差很遠。如是讀碩士,尤其是靠上課的那種,學費會更貴,不知是甚麼攪到阿爸和阿仔都咁激動?可能把口唔收,例如:你無鬼用,你好癈,正垃圾,生舊叉燒好過生你,點解隔離xxx個仔咁好你唔係?人有阿爸(阿仔)我有阿爸(阿仔)點解我嗰個會咁,點解你生我出嚟…… 之類,如果想破壞家庭關係,講多D呢D,包有用有效,報紙傳媒報多幾單。

這件事也使我想起當年與多名三大同學的對話。

大家都是寒窗苦讀,很多住公屋,住居屋私樓是少數 (可能我圈子的問題?),當年大家都有申請政府學貸,20年前我忘了是否有不用審查的學貸,大家的申請都要面對家中阿爸,

有位同學同我講,即使他入到三大(廿年前更難入?),佢阿爸為了達到五十歲退休的計劃,要佢出嚟做嘢,唔好讀。後來佢阿爺知道,同個孫講,你阿爸正衰仔,你阿爸唔供你,我供你。最後呢個同學申請學貸grant loan完成學業(沒有靠阿爺),要‘蟻’阿爸簽名,阿爸很不情願簽,因為要資產審查,如不簽自己也不願拿幾萬一年供仔讀書。同學的零用錢靠幫人補習賺番嚟,一蚊都無拿過屋企(他住宿舍),畢業後五年還晒學貸。

到大學畢業一齊影畢業相,我見到佢一大班親戚來,包括佢阿爺,唯獨無佢阿爸,後來我問點解佢爸唔嚟影畢業相(畢業禮當然都無參加),佢話家人認為佢爸唔抵得個仔咁叻,個仔係佢家族第一位正式大學生,讀書從來無叫屋企人擔心過。

呢個同學EQ很強,加上學業勁,後來畢業入到大行做management trainee,現已成為企業高層,年薪7-8位數,唔知佢阿爸有無繼續眼紅佢,和是否完成五十歲靠仔提早退休的大業?


珊瑚宮

積分: 101326

馬年勳章 2026勳章 父親節2025勳章 母親節2025勳章 2025勳章蛇年勳章 2024年龍年勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章


2#
發表於 3 天前 |只看該作者
蝦米豬 發表於 26-5-23 16:52
沙田乙明邨阿爸墮樓案,不知那位兒子是副學士升大學要學貸,政府資助學位和自資課程的學費會差很遠。如是讀 ...

咁多年,我相信佢老竇反而想同佢和解因為有老又冇錢,可能真係要靠個仔!
如果係我,我會和解,但不會原諒


大宅

積分: 4755

父親節2025勳章 母親節2025勳章 2025勳章蛇年勳章


3#
發表於 3 天前 |只看該作者
一聽到呢個新聞, 就已經覺得個阿爸好有問題, 上進求學都唔同意, 其實都係辛苦捱多幾年個仔就畢業, 就唔好阻住個仔以後發達啦, 佢要退休咪遲幾年囉, 阻人發達尤如殺人父母


公爵府

積分: 28798


4#
發表於 3 天前 |只看該作者
本帖最後由 moma1023 於 26-5-23 17:02 編輯
蝦米豬 發表於 26-5-23 16:52
沙田乙明邨阿爸墮樓案,不知那位兒子是副學士升大學要學貸,政府資助學位和自資課程的學費會差很遠。如是讀 ...

嗰單新聞真係撲朔迷離,冇人知真實發生咩事。
但係我睇咗呢度都不少評論,我係有啲愕然,我作為一位母親,我真係覺得幾辛苦都要供書教學,呢個係作為父母嘅基本責任。 今時今日喺香港,佢有能力嘅話,供佢讀完學士學位係基本。 甚至我預咗要能夠支持佢完成碩士,確保佢有能力喺社會上立足。最多到時叫佢做兼職、暑期工幫補下自己使用⋯⋯
但原來有家長唔係咁諗的⋯⋯

點評

ificould    發表於 前天 14:39


水晶宮

積分: 54950

馬年勳章 母親節2025勳章 2018復活節勳章


5#
發表於 3 天前 |只看該作者
蝦米豬 發表於 26-5-23 16:52
沙田乙明邨阿爸墮樓案,不知那位兒子是副學士升大學要學貸,政府資助學位和自資課程的學費會差很遠。如是讀 ...

同學爸爸真係又懶又廢(似李泳漢那種人),同學投錯胎,又係好彩有阿爺。


水晶宮

積分: 63052

2026勳章 2025勳章蛇年勳章


6#
發表於 3 天前 |只看該作者
唔知内情不好自己作野再批判


子爵府

積分: 12801


7#
發表於 3 天前 |只看該作者

回覆樓主:

本帖最後由 蝦米豬 於 26-5-23 17:37 編輯

講番同學的故事,如果是我,我會慶幸自己有個咁生性又讀得書的仔,唔知佢得罪佢阿爸D乜,定阿爸番工很辛苦想阿仔快D出嚟做嘢幫補吓。五十歲靠人退休會否太早?


侯爵府

積分: 23655


8#
發表於 3 天前 |只看該作者
水土空氣噪音污染和經濟臨界點都影響
氣宇軒昂清爽旋風神采飛揚赤馬飛馳


伯爵府

積分: 17150


9#
發表於 3 天前 |只看該作者
目光要放遠
長遠个仔上進又有學識
肯捱肯做前景吾會差得去邊


子爵府

積分: 13006


10#
發表於 3 天前 |只看該作者
本帖最後由 萍pig 於 26-5-23 17:42 編輯
蝦米豬 發表於 26-5-23 16:52
沙田乙明邨阿爸墮樓案,不知那位兒子是否副學士升大學要學貸?政府資助學位和自資課程的學費會差很遠。如是 ...

愈窮的父母愈早退休。
窮人思維:你辛苦是你的事,最緊要我舒服。生你出嚟,就係比福我享。這就是生育目的。


珍珠宮

積分: 40967


11#
發表於 3 天前 |只看該作者

回覆樓主:

到底父母要供書教學到甚麼程度才算完成責任呢?
中學?
大學?
碩士?
博士?


水晶宮

積分: 60410

馬年勳章 2025勳章蛇年勳章


12#
發表於 3 天前 |只看該作者
蝦米豬 發表於 26-5-23 16:52
沙田乙明邨阿爸墮樓案,不知那位兒子是否副學士升大學要學貸?政府資助學位和自資課程的學費會差很遠。如是 ...

你個同學仔咁生性,好彩最後讀得成,如果唔係呢個阿爸真係改變咗人哋一生,係衰嗰方面…

我諗而家呢個阿爸都想黐返呢個仔,因為老咗都要靠佢…

我個親戚個阿媽對個仔好嚴,冇100分都唔得嗰個,不過供書教學就寧願自己去返夜班,因為晏晝可以煮飯俾個仔食,佢而家真係好叻,又係好似你咁講初時做MT,佢個老婆初時都係做MT,而家係某行業最頂尖嘅人,年薪而家有七位數字,但都去緊八位數字

好多老一輩好㒼塞,唔係咁願意俾錢啲後生去讀書,但我覺得你生得佢出,就係你個責任供書教學,起碼佢讀得上係要讀到大學,而家職場最基本嘅入場券,希望佢可以平平穩穩搵兩餐,望都望佢過得好過自己


男爵府

積分: 5299


13#
發表於 3 天前 |只看該作者
我而家喺仔女教育上已經洗了不少錢


大宅

積分: 3453


14#
發表於 3 天前 |只看該作者
蝦米豬 發表於 26-5-23 16:52
沙田乙明邨阿爸墮樓案,不知那位兒子是否副學士升大學要學貸?政府資助學位和自資課程的學費會差很遠。如是 ...
你個大學同學同我中學朋友好似,又係好耐之前,佢成績好好,入到大學,但屋企好窮,我朋友每年申請學資處資助交學費,都要同爸爸嗌交嗌一餐。而家佢已經係專業人士,有幾好嘅生活,但當傾起大學往事,佢會話讀大學個陣最怕要叫佢爸爸簽名


珍珠宮

積分: 31871

母親節2025勳章 2025勳章蛇年勳章 牛年勳章


15#
發表於 3 天前 |只看該作者


我們反倒而, 有點麻煩囝囡, 要填咁多文件 , 又吾可以寫錯
幸好, 他們的朋友都有做, 有共鳴, 叫做吾會特別


水晶宮

積分: 64921


16#
發表於 3 天前 |只看該作者
本帖最後由 幸福花 於 26-5-23 20:14 編輯

雖然話周街大學生!其實能讀上也不易!鄰居仔仔讀了兩年大學升唔上!out了出校!所以仔女讀得上是高興!不過父母冇能力又是另一回事了!


水晶宮

積分: 64681

馬年勳章 2024年龍年勳章 好媽媽勳章


17#
發表於 3 天前 |只看該作者

回覆樓主:

莫欺少年窮


伯爵府

積分: 17150


18#
發表於 3 天前 |只看該作者
幸福花 發表於 26-5-23 20:13
雖然話周街大學生!其實能讀上也不易!鄰居仔仔讀了兩年大學升唔上!out了出校!所以仔女讀得上是高興!不 ...
同意
只系比以前容易d入大學
旦系要畢業
都系要花心机去讀



珍珠宮

積分: 30859

牛年勳章


19#
發表於 3 天前 |只看該作者
萍pig 發表於 26-5-23 17:40
愈窮的父母愈早退休。
窮人思維:你辛苦是你的事,最緊要我舒服。生你出嚟,就係比福我享。這就是生育目的 ...

我6299幾係咁,後生嗰陣揾到吃喝玩樂賭,到我老公讀到高中時就話冇錢,叫我老公做嘢唔好讀書,結果我老公17歲就要出來做嘢養家。一邊做嘢一邊讀夜校進修。我地兩個真係日捱夜捱揾錢建立自己的家庭,同埋我地住得離佢地比較遠,冇事經常去探佢地,佢地想要咩買遲D俾佢地都話我老公不孝,搞到我忍唔住噴咗99一面屁,叫佢唔好係我面前講折墮,話佢咁樣講好折子孫的福氣,好似佢呢D唔理仔女,冇湊過一日孫,又成日挑撥仔同新抱離間,佢想要咩我老公都儘量滿足佢,孫子孫女又乖又聽話,佢話自己折墮講到D仔新抱孫對佢好差,係折緊我地福,我話以後唔要聽到佢係我面前講話自己折墮兩個字。又經常話我老公不孝搞到我老公唔開心。我直情同我老公講你已經好過好多人,要錢俾錢佢,要物質又滿足佢,仲想點?人地話父慈子孝,父母慈愛,仔女孝順係應該,但你老豆老母自細就係只顧吃喝玩玩樂賭,根本冇為你將來做過任何打算,你讀書交學費的錢佢去咗邊度?係賭檯度輸晒咋。唔好俾佢地洗你個腦啦。有時真係覺得我老公都幾慘,由細到大父母都冇鼓勵過佢,搞到佢從小就很自卑冇自信,大個又道德綁架佢,當人成長睇清楚好多事實之後,真係唔好怪仔女同父母關係疏離,這種疏離都係從小父母對仔女缺乏關愛同理解所造成的。父母之愛子必為之計深遠,係愛仔女就要由佢地出世為仔女計劃好將來條路,而唔係仔女讀到書借政府錢都唔肯簽名俾個字讀書啦。


伯爵府

積分: 17445


20#
發表於 3 天前 |只看該作者
我好奇點解今時今日嘅香港,竟然有人覺得仔女讀到21-22歲係唔啱,係依賴父母!
正常大學畢業其實係21-22歲,根本就唔存在不停咁讀!更何況呢個case 嘅兒子只係叫父親簽紙核實資產審查
根本就係嗰阿爸短視自私,想個仔早啲出嚟做嘢,幫補家計,養返佢轉頭!
有啲父母其實好自私,生仔女係養兒防老,養到仔女18歲就完成咁,然後期望仔養返父母幾十年,直至終老,當中生仔女不是出於愛,而是為咗自己年老時有人養有人照顧,自私自利!

首頁
12

尾頁

跳至
你需要登錄後才可以回帖 登入 | 註冊

Presslogic Logo
Baby Kingdom Logo