少少長文分享, 有興趣可以睇睇
之前唔諗住買樓, 因為覺得樓價太貴, 租又好似幫人供咁, 好唔抵咁, 決定住響老公屋企先, 睇下同佢屋企人夾唔夾到, 夾到就可以慳好多錢, 無諗過一齊住會有咁多問題,原來佢地可以乜都講餐, 相處好, 同住難, 無錯的 (好在未有BB, 有仲大制)
同佢地住左一年, 生活上太多唔習慣, 有房唔等於有空間, 衰D講句仲衰過住劏房, 6299太多難聽說話, 死忍+唔出聲, 因為唔想有正面衝突, 喊住同老公呻, 慢慢選擇回避佢地, 收工日日搵節目, 等佢地訓曬先番, 其他時間都響房入面, 但有時無可避免, 點都會有說話聽, 人生攻擊, 話我生活習慣點點點 (太多detail講唔曬, 寄人離下, 6299的屋黎架嘛, 總之樣樣野都可以話你, 入門前講乜野以後屋企人, 有咩唔習慣講出黎, 全部都係假, 外人此終係外人, 住左一年我好肯定佢無當過我係屋企人), 直到幾個月前99 D小動作令到我好嬲, 老公更加嬲, 決定馬上搵屋, 當租屋變成需要時, 呢筆錢係值得洗! 好快我地搬走左
我果時成日同我媽呻, 我媽叫我張就下, 出面D樓好貴, 直至我同佢講, 我好似屈到有少少情緒病之後, 佢先叫我搬, 無人明白, 同6299住有幾咁辛苦, 我相信呢度有同路人, 如果有能力, 婚後最好同6299分開住, 唔好好似我咁, 關係返唔到轉頭時先搬走… 依家同我佢地完全唔會聯絡, 99只會每日打比佢寶貝仔, 唔會提我呢個人, BUT I don’t care, 由頭到尾我唔覺得佢地當我係家人, 由此至終我同老公都係靠自己, I don’t care佢地同人講我地幫人供樓, so what?!! 得把口!
搬出黎自後先開始我同老公嘅新婚生活, 雖然搬屋好忙好多野搞, 但真係好開心, 我同老公關係親密返!!! 情緒上好多太多, 正常返曬, 無再因為6299的事情影響工作, 過去1年係人生中最痛苦嘅1年, 同6299住的你地一定明白, 希望各位人妻都加油, 盡努力去脫離佢地有自己嘅生活, 你先會得到真正嘅幸福, 共勉之!!!
發表於 
我呢一世都唔會忘記
返回列表
