心聲留言今日: 1|主題: 17505

收藏本版

發帖

返回列表

跳至頁

查看: 15226 | 回覆: 0

如果放不低上一段戀愛關係，可以考慮以下做法 [複製鏈接]

hihi123ah

別墅

積分: 554

1^#

發表於 24-7-22 10:25 |只看該作者 |倒序瀏覽 |打印

介紹：
0.通常話move on，100個入面100個都只係將心事收埋，但未必能真正move on，一個原因可能係以前段關係入面有好多野仲等緊我地去做，去表達，同埋仲有好多既遺憾改變唔到。

0.1 仍要完成的事情
一段關係可能因某D原因話完就完，但一段關係係相處之中會產生左好多事，而係關係完結之後呢D事仲等緊我地去完成:
例如我地做錯事需要向佢道歉，
佢做錯事需要我地原諒，
佢幫助過我地而我地好感激想多謝佢，
我地仲有好多野想講想俾佢知，
而呢D事就仲未去做。

過去有好多事想以另一個方式發生，
但過去左既遺憾改變唔到；
亦有好多未實現但實現唔到既願望，
但我地仍然想去實現佢地。

0.2: 感受
另外，相處之中亦會產生好多感受，亦可能會想俾對方知道但仍未表達俾對方知，

例如係關係入面我地會開心，傷心，無奈，焦慮，後悔，憤怒，欣慰，懷念...

呢D感覺仲屈係我地個心度，未好好咁一樣一樣咁梳理同表達俾對方知。。。

0.3: 所以要完成番呢段關係入面要做既野：
係未必能與對方坦誠和耐心對話既大前提下:
將一段關係入面
未道既歉道左佢，
未原諒既原諒左佢，
未多謝既多謝番對方，
未鬧既鬧番對方，
未讚既讚番對方；
想改變而未能改變既遺憾，想實現而未能實現既願望/期待，谷係心度既感受講番哂俾對方知道。。。

0.4 完成要完成既事情後
咁一段關係入面要/講做既野做左，要表達既遺憾/願望/期待/感受表達左，
呢段關係入面我地無野需要再去完成、再去表達，就可以話我地已完成哂所有事情，所以就可以同以往感情中既不愉快經歷，遺憾，未能完成既事，未能實現既願望…正式道別。
咁就可能可以move on到。(但美好回憶仍可保留，回味)

0.5
但move on 只係走去完成呢D野既其中一個原因，
另外一個更重要既原因就係
呢段關係無論最後如何，本身都係人生當中一D好重要、不能被磨滅既經歷。
佢值得我地係繁忙既人生中花少少時間坐底，完成番未完成既事情，表達番未表達既感受。

咁具體可以點做?

具體做法

(最好唔好post上網，只係用紙筆寫低。)：

1. 搵個空閒既時間，安靜既地方，用紙筆私下寫一封信俾對方(一般而言最好唔寄出去，不過真係想寄既亦可衡量對方反應之後，自行決定寄唔寄出去)，(以下只供參考，可自行選擇/加減/更改)

將真係好想俾對方明白/感受到既事，例如：

感到後悔，希望當初唔好咁講/做既事；如果俾你回到過去，你希望當初係點樣對佢(例如當初應該對佢唔做/唔講/做/講D咩)
如果有得選擇，你想佢當初點樣對你
有遺憾，如果可以想同對方一起回到過去一起改變/重新開始既事
心入面曾經對呢段關係有過既期望/憧憬
未能達成既心底願望，理想，期待
如果可以，希望有朝一日對方可以體會到你既心意/感受
如果可以，希望有朝一日對方願意真正原諒你既事，並重新接受你
如果可以，希望對方明白/體會到你既苦衷，特別係因某D原因有口難言既時候
對方做錯，令你好傷心/好嬲的時候
關係入面你受到既創傷/冤屈/不公
覺得受輕視，唔重要，被擺埋一邊既時候；如果可以，希望對方係呢D時候可以明白並重視番自己
當初想做但做唔到既事/想講但講唔到既事
如果可以既話，希望對方明白自己既傷心/焦慮，並耐心陪伴，讓你好好依靠既時候
願意/唔願意原諒對方既事，及原因
令你感到矛盾，掙扎，茫然，不知如何面對既時候
如果可以，希望有朝一日對方明白你受過既傷，因此真心向你道歉及彌補既事
如果可以，希望有D事完滿解決左，之後大家可以繼續好好相處既事
屈係內心想俾對方知道既諗法/感受
如果可以，希望有朝一日對方會明白你貢獻/辛苦過及所代表既心意，之後感激你既事
如果可以，希望有朝一日對方會同你講既說話，會為你做既事
感受到快樂及善意，所以想多謝對方既事
對方既照顧及付出，如果可以，想以甚麼方式回饋對方
如果可以，想同對方一起永遠停留係度的美好時光
感動既時刻
覺得受重視，被珍惜既時候
自己被溫柔對待既時候
感到滿足既時候
最後想對方知道既心聲

完完整整，仔仔細細咁表達出來。
不論大小，誰對誰錯都好好咁寫出來。
歡樂同淚水，滿足同遺憾，憎恨同記掛都寫哂出來。

呢D都係好重要既回憶，係人生中不可磨滅既一部分，無論結果如何，都值得去完成番未完成而要完成既事: 將去到最後好想俾對方明白既事: 收埋左既感受，未能改變既遺憾，未能達成既願望...仔細咁表達番哂出來。

2. 寫哂D事情出來之後：

2.1 道歉
如果係件事入面你認為對對方唔住，寫完果件事之後可以係信度好好向對方道歉。

2.2 原諒
如果果件事對方做錯而你係嬲對方/好有怨氣:
寫完果件事之後就係信入面提及是否原諒對方。

2.2.1原諒的含義
但原諒及跟呢段回憶講再見之前(呢度可按需要自己調節需要同對方講既說話，無下面D諗法就唔洗理):
對方做得唔好既地方就好好咁指責，
並且係信入面令佢明白到:
當初佢既言語/行為/不作為到底點樣傷害左你，同埋(如果合適，亦可自行加減更改):

你會唔會想佢明白番你既痛苦
你會唔會想為自己爭取公道
如果可以既話，希望佢有朝一日可以真係明白你所受既傷害，同埋為此而真誠後悔及還番個公道俾你
希望佢可以重新回歸善意，對於你既損失以善意彌補/補償番，希望佢真心希望你快樂番
如果可以回到當初，你想佢點樣好好對待你，你又會點做，件事點發展，咁就會有一個更快樂既結果。

2.3 尚未放下的事情
當然唔一定所有負面經歷/感受都一定會係嬲對方/好有怨氣，例如件事入面你只係有D好想同對方講番而未能講既傷心事，不滿，焦慮，無奈，過去未能改變既遺憾，之後未能達成既願望及期待，咁可能就未必有野要需要被原諒，對方亦未必會有野你係想鬧/指責的。

2.3.1如果想放下：
就係信入面同佢講而家要放下:
正式放低對呢件事既遺憾/期待，唔再追求去改變令人遺憾既過去，唔再追求實現曾經有過既願望。
但放下及接受件事之前，諗下係呢件事入面你真正需要既係D咩，係理想中有得選擇既話件事本身會係點樣的，你會點做，以及佢係會如何對待你的；
如果事情係理想既或者願望可以實現，係咁你會唔會開心D/少D遺憾，係信入面仔細咁描述出來。

2.3.2如果唔想放下/放低唔到：
都可以解釋一下原因，你既感受，如果真係可以回到過去你想點做/想佢點做/想件事如何發生。

2.4 感謝
如果件事為你帶來好既感受，寫完果件事之後可以係信度好好多謝對方，並好好回味。

2.5 道別及道別的意義
最後係信入面寫下再見—
亦即是同以往既生氣/傷痛回憶，
想發生但未能發生既事情，
想改變但未能改變既遺憾，
想實現但未能實現既願望講再見，並結束今次既書信溝通。
但呢段關係及當中既美好回憶，如果想的話，可隨時回味。

2.6
如果可以，最好就將呢封信讀俾信得過既人/輔導員聽。

2.7
唔得就當佢係你面前，清清楚楚咁講一次俾佢聽，將遺憾，期望，期待，心底話好好咁講出來。

***請注意，封信一般而最好係唔寄出去的，不過真係想寄既話都就自己小心衡量對方收信後反應再決定寄唔寄。