Baby Kingdom - 親子王國 香港 討論區 › 首頁 › 論盡家傭› 講下入屋半年的印姐姐

論盡家傭

收藏本版
發帖
返回列表
跳至頁

首頁
1

尾頁
   0
yyoouu


伯爵府

積分: 17419


1#
發表於 21-9-2 01:35 |只看該作者
疫情期間用咗3萭有多請印姐姐，去年12月中申請，3月頭入屋，算幸運又請到一個滿意的印姐姐，算好彩過去十幾廿年從未遇過一個做做下唔做的印姐姐，個個都做到滿約。

依個新印姐姐，係我舊印姐姐即將完約時介紹佢印尼住佢隔屋的朋友比我
(新印姐姐曾經在香港一個顧主做咗8年，之後返咗印尼生BB，再嚟香港我就成為佢第二個顧主)

下面分享一下姐姐好幾樣值得一讚的事
私人傳訊

yyoouu


伯爵府

積分: 17419


2#
發表於 21-9-2 02:01 |只看該作者
本帖最後由 yyoouu 於 21-9-2 02:02 編輯

回覆 yyoouu 的帖子

值得一讚
1)佢係酒店隔離21日期間，日日都有同我舊姐姐在電話溝通工作上的細節。
佢放假日會主動煮埋午飯比我奶奶(已90幾歲)食11點幾先出去，下晏5點幾一定返到屋企煮晚飯比我奶奶食(因為佢試過第一次放假7㸃幾返到見亞嫲未食藥，所以佢自己主動提早返)，返到屋企一定WhatsApp我。

2)佢知道亞嫲年紀大，唔係咩都食得，例如雪糕(我奶奶勁鍾意食)，腐乳嗰D，佢一定會WhatsApp我舊姐姐或我老公問亞嫲食唔食得。

待續！！
私人傳訊

大拇指


男爵府

積分: 7184


3#
發表於 21-9-2 15:01 |只看該作者
yyoouu 發表於 21-9-2 01:35
疫情期間用咗3萭有多請印姐姐，去年12月中申請，3月頭入屋，算幸運又請到一個滿意的印姐姐，算好彩過去十幾 ...

恭喜你！我哋請左20年菲傭，依家兩個老人家年紀大，係呢度取經，都諗住試吓印傭。請問你姐姐有冇喺香港就嚟完約姐姐介紹？唔該晒！
私人傳訊

yyoouu


伯爵府

積分: 17419


4#
發表於 21-9-2 22:44 |只看該作者
回覆 大拇指 的帖子

唔好意思，如果十年8年前你叫我介紹我可能會介紹比你，但依家D外傭.....，我真係唔敢介紹，我有好多朋友見我請的都好好，叫我介紹我都唔敢介紹，因為睇見身邊D朋友請的外傭好多都做1個，2個月，3個月就唔做，有一個朋友請的菲傭仲快3個星期就辭職唔做。

好老實講我一定要請個姐姐照顧我奶奶，所以我一定要博一博希望請到個好的，如果我可用可唔用的話，我一定唔會再請外傭，見到太多太多貼錢買難受。

私人傳訊

yyoouu


伯爵府

積分: 17419


5#
發表於 21-9-2 23:15 |只看該作者
回覆 yyoouu 的帖子

值得一讚
3)唔揀飲擇食，隔夜飯餸都食，連豬肉都食，依個係我請咗十幾廿年從未之遇過會食豬肉的印姐姐，會食豬肉就非常好，因為只有印姐姐同我奶奶兩個人食飯，咁就容易準備飯餸。

4)印姐姐係一個非常非常節儉兼環保的人，例子
a)平時超市買生水的保鮮袋全部留起，佢話留起裝食完飯的餸汁才掉垃圾桶。
b)平時我買蒜頭係1斤2斤咁買，聽講每個蒜頭包錫紙可以放好長時間都唔會出芽，所以我教佢包住，但佢每開一個蒜頭用就留起嗰張錫紙下次用。
私人傳訊

大拇指


男爵府

積分: 7184


6#
發表於 21-9-2 23:44 |只看該作者
yyoouu 發表於 21-9-2 23:15
回覆 yyoouu 的帖子

值得一讚

多謝！唔該晒！
私人傳訊

yyoouu


伯爵府

積分: 17419


7#
發表於 21-9-3 00:10 |只看該作者
回覆 大拇指 的帖子

以我經驗想比少少意見你參考，如果請照顧老人家最好搵D已結婚生咗小朋友的姐姐比較好，佢哋比較唔介意幫老人家整大小二便，我老爺今年90幾歲剛離世不久，雖然我老爺離世前行得走得大小二便不用服侍，但我已交帶舊印姐姐同佢朋友(即我現在的印姐姐)講，今時今日亞爺亞嫲行得走得可自行大小二便，但始終年紀大，今日唔知聽日事，有可能將來唔行得就要照顧佢哋的大小二便，講清楚比較好，等佢有心理準備。
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy