吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我的極品姑奶

婆媳關係今日: 0|主題: 27782

收藏本版

發帖

返回列表

跳至頁

查看: 3056 | 回覆: 6

我的極品姑奶 [複製鏈接]

littlerae

大宅

積分: 2329

1^#

發表於 18-4-26 16:58 |只看該作者 |倒序瀏覽 |打印

1.每次做節食飯總遲到，姑奶同佢果女，完全唔識咩叫尊重。奶奶就做大龍鳯，話唔等啦，成日咁遲，又話打電話無聽。我只會唔出聲。奶奶話唔等食先，但次次好似去飲宴咁，15分鐘上一個餸，一個鐘實等到。星期日晚上食飯就唔會遲咁多，因為她們要早走回家明天番工，但星期六唔駛番工就會去行街行到遲曬到，唔理我們在家等。一句講到尾，自私只諗自己唔理其他人。明知星期六會最遲仍她們亦最鍾意㨂星期六食飯。有次仲勁，佢果女話星期五放假星期五做節，結果佢果女放假都遲一個鐘先到，她遲半小時，跟著好委屈話放工放得遲趕得好辛苦。嘩，真係神又係你，鬼又係你。

2.次次病緊都唔理人唔用公筷仲唔認病。昨日發完燒今日無燒就叫無病，喉嚨痛到沙喉聲失聲咁叫無病。我同c6都無爭議係咪病，但我姑奶會話她都無病用咩公筷？佢個女成廿歲退左燒就已經攬住我果幾歲女玩。完全無文化無衛生常識。

0 0 0

私人傳訊

littlerae

大宅

積分: 2329

2^#

發表於 18-4-26 17:00 |只看該作者

回覆樓主

3. 最識拎著數。我老爺走果時去大酒店。我姑奶一黎就話所有數我老公出住先，到時遺產扣。我奶奶仍在生，即係一開始就諗住奶奶俾，仔女唔夾錢她唔俾。
最勁係去大酒店當日，我地分兩架的士去，她身上一蚊都無，叫埋佢果女唔好帶錢，去到打俾我叫我俾的士錢，之後話公數扣！嘩，我心諗咁都得，自己老豆，都可以連車錢都唔想俾。事後奶奶都話笑笑口話咁都得，之後她竟然whatsapp 我老公解釋係去親大酒店都咩唔帶，怕污穢！下！咁我係咪應該學佢唔帶錢怕污穢等佢搭霸王車？己所不欲勿施於人！

4.我大肚時，36周幾，佢果女可以朝早六點同夜晚十一點打來，我家不嬲早睡，十點前睡，大肚婆更要休息，我會睡到早上十點。我已經叫她不要咁夜打來，結果第二朝晨早六點打來，我忍唔住鬧她唔好打屋企電話打手提好啦！果時佢果女得果16歲，我姑奶唔阻止唔教，真係無家教。之後仲同我老公投訴我話她，結果果晚我同我老公開火，搞到果晚穿水早左出世。

私人傳訊

littlerae

大宅

積分: 2329

3^#

發表於 18-4-26 17:00 |只看該作者

回覆樓主

5.最識搵著數。我姑奶起我未生時同我老公話我奶奶年紀大唔好要佢湊B.B。我老公太天真應承，點知原來我姑奶係要奶奶湊我姑奶個十六歲女，拎埋午餐晚餐由我奶奶葵涌到去姑奶香港仔。我初生bb連幫我睇頭睇尾買下野送下飯都無，我同我奶奶住得大約半個鐘車程。我同我老公講，佢話佢同姑奶唔想奶奶辛苦。係奶奶自己要去香港仔。實情係我姑奶日日同奶奶講定想食咩餸佢個女日日話要奶奶陪佢。真係唔想奶奶辛苦？只係想奶奶幫佢地唔理我個初生b!
我同我老公講，我地同奶奶本來唔一齊住，我地住附近都唔肯過來幫手睇頭睇尾好等我落去買餸，寧願去香港仔兩粒鐘照顧一個十六歲的。唔緊要，佢地關係咁好，第時奶奶老左應該我呢個外人唔駛照顧她啦，留番俾姑奶啦！我老公話當然啦，奶奶應該到時寧願同姑奶住都唔同我住，咁我就話ok。
結果我62走左，我老公問姑奶，她竟然話等奶奶自己㨂啦，結果由得奶奶自己住，次次睇醫生就搵我老公，番大陸又搵我老公。我唔理佢地家事，但我亦同我老公講我係一定唔會同奶奶住的。佢有幫我湊b我照顧番奶奶有咩所謂。但問題係奶奶唔去近果邊去遠果邊，唔睇初生去睇十六歲，大家擺明親疏有別啦！
我老公話姑奶低收入請唔到工人所以奶奶睇，但我老公無請工人囉，即係我做辛苦d?低收入的姑奶有層供完的居屋，一年至少去一次日本，國泰日航最愛搭，除非無直航先搭hkexpress,最愛行sogo,上兩年仲睇埋北極光，真係低收入喎！
我呢個咁識搵人著數的姑奶，真係勁.....賤！
北極光我都想睇，日本我都想去。幾時我呢個唔係低收入的可以去呢？

私人傳訊

Panda366

男爵府

積分: 7507

4^#

發表於 18-4-26 18:38 |只看該作者

你姑奶仲要搵着數就唔使講,但係睇嚟你老公都好願意俾佢搵着數，仲要幫佢搵埋藉口。你都冇得嬲咁多，唯有自己醒目啲唔好俾佢影響到。

私人傳訊

gloriamcy

男爵府

積分: 8366

5^#

發表於 18-4-26 22:46 |只看該作者

littlerae 發表於 18-4-26 17:00
5.最識搵著數。我姑奶起我未生時同我老公話我奶奶年紀大唔好要佢湊B.B。我老公太天真應承，點知原來我姑奶 ...

支持你記得比多啲野你老公做因為係你老公揀屋企啲野全部要老公出返份唔好有機會比佢借啲依慳埋比奶奶同姑奶

私人傳訊

cancan2013

大宅

積分: 1265

6^#

發表於 18-4-27 12:34 |只看該作者

回覆樓主:

同dd人少接觸為妙。你都識講啦佢係你99咋。人哋幫自己個女湊唔幫你正常不過啦～
dd叫禮尚往來，樓主到時你識做啦～完全可以唔洗理99幾好呀～

私人傳訊

littlerae

大宅

積分: 2329

7^#

發表於 18-4-28 18:31 |只看該作者

回覆樓主

我c6d性格對佢地唔敢出聲，番來對住我最多講兩句，他自己明知被拎著數但又唔敢出聲，口口聲聲幫佢地搵籍口，其實他都覺得好麻煩。
我姑奶離左婚，唔知係咪無人頂得順她的性格，成日發放負能量。呢樣似足我99，兩母女一模一樣！但只識打俾我c6講d雞毛蒜皮，左挑右剔，煩到嘔。我老公次次見到佢地打來，總面變色，哦哦哦，哦完收線。
我c6收收埋埋d負能量就最鍾意向我發脾氣。
我次次都叫佢同番佢地發，怨有頭債有主。
我次次都多得我奶奶同姑奶兩個7+1婆唔少。