母乳餵哺今日: 0|主題: 85706

收藏本版

回覆發帖

返回列表

跳至頁

查看: 5012 | 回覆: 6

一個富媽媽的分享 [複製鏈接]

NBmama

複式洋房

積分: 426

1^#

發表於 17-7-2 21:09 |只看該作者 |倒序瀏覽 |打印

因為聽完一位媽媽分享佢餵人奶既困難，所以我決定係度分享自己既經歷，希望同大家交流一下。我相信每一位媽媽只要有決心、知識、同技巧，都可以做到奶源充足。

我是一個富媽媽，我平日有埋身餵同泵奶。

我生完頭一、兩日未上奶，每兩個鐘埋身/用手揸奶+按胸，每次30-45分鐘，一日十二次。如果bb肯啜，我就埋身，佢訓覺唔啜，我就用手揸奶。奶量由一滴變0.5ml，0.5ml變1ml，1ml變5ml，5ml變10ml，慢慢咁升。但頭兩日我都係追唔到我bb既需要，點解咁講呢，因為我bb出世後12小時後因爲呼吸問題被send入special care unit，果面第一、二日係俾30ml每餐x一日7餐。我好唔想佢地補奶粉俾bb，但無辦法！所以我係病房好努力揸奶，儲起佢係每次姑娘俾奶bb食前，先埋身俾佢啜，再將揸出黎既奶用杯餵，最後先補返30ml既差額俾bb。當時我既目標就係要追到每四個鐘有30ml，差d追到，但第三日醫院既要求已經係45mlx7。

第三日上奶，每次可以揸到10-20ml，但由於我頭兩日太堅守每兩個鐘揸奶按胸去bb病房，基乎完全無訓過覺，最後我被姑娘勸喻休息，唔好去bb病房，至於揸奶，我當然有繼續，但變到三、四個鐘一次。

第四日同bb一齊出院，出院時拎住4杯50ml冰奶返屋企。當時奶量已經多過我bb需要的，所以一直都唔需要食冰奶。

第一個星期平均一日會多出一包冰奶（200ml)。第二個星期我開始意識到我要減奶量，因為差唔多一日多兩包冰奶。開始隔長d時間先泵奶，又用冰、冰椰菜敷胸，希望減慢脹奶。一直由bb食量既3倍，慢慢減到而家兩日多一包奶（250ml）。復工後奶量都一直平穩，我相信我可以一直餵到bb戒奶。

如果問點解我會咁順利有奶，我相信係因為我懷孕時有充足既準備。
第一，家人支持。捉家人一齊上workshop、睇書了解餵人奶，因為家人都要清楚餵人奶既知識，先support到媽媽。因為事前準備好，我家中既老人家們都無講過「餵人奶唔夠營養」、「餵人奶bb唔夠飽」等說話，佢地既支持對我好重要！你既情緒會直接影響你既奶量。
第二，及早求助。有唔清楚、有懷疑既情況下就快快求助，第二至第六星期係調奶期，過左調奶期再想調高奶量會難好多。我當時脹奶脹得太快、奶量太多我都好困擾，但求助後我情況係有好轉既。
第三，正確技巧。正確學習點樣埋身餵、用手揸奶、用泵泵奶等技巧。
第四，合理期望。唔好期望生完頭幾日就即刻有奶，唔好因爲初期唔夠奶就放棄唔餵唔揸奶，越少刺激就越少奶。就算要補奶粉，都唔好放棄，因為上奶後奶量可以慢慢升。
至於飲食，其實都係大同小異，我相信無乜magic food。唯一我諗到既就係我飲好多水，由大肚時到而家我都飲好多水。
如果各位準媽媽決定餵人奶，我鼓勵大家上多d workshop，坊間有好多免費ga！另外，早d準備好你家人，佢地既支持好重要。醫院同母嬰健康院都會教授媽媽餵人奶既技巧，有唔明既即管問姑娘，重有好多熱線可以打電話問。最後，搵定一個成功餵人奶既朋友做同行者，有咩事都可以同人傾下，事半功倍ga！

餵人奶既路唔易行，但值得。共勉之。