第4次iui
雖然唔知今次會唔會bingo,但都好想記錄一下
我一向的排卵日都好準時,所以我Xmas前已打去約周醫生,想黎緊呢個cycle做iui,都是例牌先叫老公早幾日上去驗丁丁先,而我就約定接近排卵期(Day 14)見醫生及聽丁丁報告(已經做第4次iui,程序都已經熟晒,哈哈)
(Day 14):
早上8:00am check紅d,顯示是陽,但條線唔算深色又無咩分泌物,9點幾就見周醫生,已經無見周醫生
1年半了,都是好nice~~首先講左丁丁報告,佢話比起之前數量少左,形態都差左(其實都估到,年紀大左,返工又繁忙), 周醫生都有問我地考唔考慮做ivf,我都老實同周醫生講上天已經對我好好,第一次iui就成功,以我呢個陰道X攣怕陰超怕鴨咀鉗既人都可以擁有一個小朋友,已經是奇蹟…如果多一個小朋友就是bonus,試左有就有無就無,做ivf比做iui承受既身心壓力大好多,我諗我未必承受到….成個傾計過程都好舒服,今次已經做第4次,亦是心情最放鬆的一次,可能已經歷過失敗
,知道失敗過後日子還要好好過,要珍惜自己正擁有的人同事,學懂了釋懷….之後又到我好驚既環節- - ->照陰超,醫生好好,用1支幼dd儀器做檢查,今次無咩痛感,醫生照左有一粒卵應該就快排,問我直接做natual iui ok?咁我地就決定今日做,老公要放丁丁,醫生建議今次用埋上次d雪丁,希望增加成功率…
10:35am check紅d同Cb排卵棒(今次落重本買埋Cb一起check,原來Cb都幾準),顯示是強陽,條線已經深色,底底有一大pat蛋白分泌物
1:00pm 做iui,醫生話雪丁+新鮮丁的數量都好少,但都可以照做,佢話我成功果次都係差不多呢個數量…今次iui是自己一個面對,老公同小朋友在出面等我,iui仲緊張過我當時開刀生B…成個iui過程,醫生一如以往手勢好好咁完成,只係我克服唔到鴨咀鉗又慘叫左幾聲…放完丁丁係床攤左15分鐘就走得~~不得不提,每次在仁安做iui當天都遇到好好既姑娘,感恩^^
(Day 15):
早上9:35am check紅d及Cb,顯示是強陽,條線已經超深色,keep住有拉絲蛋白分泌物
10:30pm check紅d及Cb,顯示是強陽,肚開始谷谷地唔舒服
(Day 16):
早上8:35am check紅d及Cb,顯示是弱陽,條線已經轉為淺色(我估應該半夜可能已經排左卵)
(Day 17):
check紅d及Cb,顯示是弱陽,條線是淺色
(Day 20~24):
Keep住三角位扯住扯住,同埋護墊上有淡柯華田色既分泌物,分量都好少
今次最搞笑係DD 竟然係我老公生日正日,我就話到時睇你有無生日禮物喇,haha
發表於 
返回列表
