爸爸專區今日: 0|主題: 16422

收藏本版

發帖

返回列表

跳至頁

查看: 1070 | 回覆: 3

台中自駕遊 [複製鏈接]

alvinlam333

複式洋房

積分: 301

1^#

發表於 15-9-4 22:14 |只看該作者 |倒序瀏覽 |打印

小弟嚟緊諗去台中租車自駕遊，有冇人試過。
係咪同香港的路好唔同，有冇好路線可以推介下。

0 0 0

私人傳訊

arki727

複式洋房

積分: 149

2^#

發表於 15-9-8 00:31 |只看該作者

回覆：alvinlam333 的帖子

我一年都去4-5次，都自己開車。自己開車可以去到好好好多地方。特別是有D景點比較散。
台灣油便宜，所以租車有大租大。開長途會爽好多，我自己同老婆就會用Hybrid Camry。多兩個人就會用7人車。
停燈後，有一樣野要預左就系停燈之後會有一大班電單車9衝，你一定一定要比佢地行先。因為佢地起步會好快。
高速有一些路段會有「HOV」高乘載車道，在指定時間內要有一定人數先可行。人數唔夠唔行得果條線。
上高速路，在高峰時段可能會有車流管制（特別是周未早上回台北），限制上高速數量，要排隊上，但上左道會超流暢。
高速車距好似最小50米。影左堅會罰款，會由租車公司比錢先，再用你簽的信用卡白單過返錢。
高速收費系用電子自動收費的，沒有收費站，你在高速路上不時會見到好像天線的東西就是收費系統。費用通常（我用開果間）會還車時間比返現金租車公司。所以到最後要留小小現金，我一般7日行程，，，好似不用300台。。。。如果無記錯。但點都唔會好貴。
泊車，如果停在街邊，小心有兩種顏色的線，黃色最多交罰款，但是紅色是有權拖走。如果停在劃左格的停車位，會有人放張收費單比你，佢會半個鍾（大約）回來吸個印，用來同你計時。到時候帶張單去便利店交錢。不用急立即交錢，到你離開台灣時一次過貢多張單去交就可以。
又或者泊停車場，首選公立，再下面就私人（貴小小，以台北計，20-40台一個鐘）。車場大多無人收錢，入場時會有個電子coin比你，出車果時，先用這個coin去收費機交錢，記得攞返個coin用來出閘。台灣停車好便，租人車最好停入場安心一點。

唔明有問題可以再問。再講清楚比你知。

私人傳訊

circleda

伯爵府

積分: 19487

3^#

發表於 15-9-8 01:18 |只看該作者

回覆 arki727 的帖子

學到野

私人傳訊

kimib

複式洋房

積分: 355

4^#

發表於 15-9-14 17:43 |只看該作者

本帖最後由 kimib 於 15-9-14 17:46 編輯

我都去過幾次台中租車玩, 仲試過渣落墾丁再番轉頭, 次次都租艾維士, 台中機場有得拎車, 次次我都好滿意, 車好新, 服務又好.

以下純粹個人建議, 純粹係我同老婆既個人喜好:
一落機第一個景點, 建議去天馬牧場睇草泥馬, 因為只係20分鐘車程, 冇渣車係唔會去的, 機場附近有高美濕地同梧棲漁港可以去下.

台中兩個大夜市, 一中街同逢甲, 我自己就鍾意住夜市內既民宿, 一中街有個政府停車場, 過夜唔使錢, 逢甲都有民宿包泊車.

台灣香蕉新樂園, 食唔肚痛既洪瑞珍餅店, 渣車既話都要去下. 鼎王麻辣鍋幾特別, 不過都係大陸既麻辣鍋比較好食. 買滷味推介黑竹園.

大遠百貨內鼎泰豐, 十二點前好去到啦. 泊大遠百貨就得, 停車費好平.

推介台中日光溫泉會館, 間房好正, D溫泉水同日本果D一樣咁堅! 有時做特價好抵住呢.

台中渣車多數上埋清境, 好雞婆土雞城一定要食(訂位時訂埋雞, 等隻雞差唔多到先叫其他野食喔), 魯媽媽雲南擺夷料理同老英格蘭莊園既下午茶都係熱門選擇. 住宿方面, 黃慶果園民宿係大熱(我未住過),
歐鄉美邸民宿同頂代格拉斯渡假莊園都抵住, 歐鄉美邸就感覺新淨, 頂代格拉斯房間可睇日出, 仲有浴池房. 對自己手車有信心, 可以開埋車上位歡山睇日出呢. 清境有間蕪衣草森林, 蕪衣草森林賣既蕪衣草都好新鮮, 唔同我地香港買到果D. 山下真正蕪衣草森林就比較遠.

另外, 森之芳庭好細, 安妮公主花園好流.

有間coffe shop我好想去, 但係去唔到, 拉花可以拉你個樣, 叫吉米好站藝文咖啡.