婆媳關係 今日: 0 | 主題: 27784

積分: 1690

1^#

發表於 09-4-9 13:39 |只看該作者 |倒序瀏覽 |打印

其實之前我都post左好多個topic,如果有少少記得的sis都知道.....哎...我做人好似好失敗

唔單止同99&大姑9的關係搞得唔好,一家三口搬左出來住後,又到同媽咪關係搞到好覆雜,全因為我老公有官非,現階段我們好努力儲緊律師費,到現時為止,老公簽簿都簽左年幾了,件事仲查緊,但知道不太明朗.老公擔心到時佢自己有咩事,唔想麻煩到雙方的家長,於是我地嚮呢半年來都無俾家用雙方家長,咁都公平.
我99知道自己個仔有事,都好諒解,而佢自己有積蓄,暫時都無需要擔心生活費,可是我阿媽反而就一d都唔體諒,仲同我的姊弟唱我老公,話我老公特登講d咁嘅野來呃佢地,怕俾錢老婆外家,仲話邊有d咁嘅事,其他的是非真係唔知點數曬出來,搞到我地幾姊弟的感情而家都好差,家姊仲經常責怪我,我同佢地解釋過好多次,我自己真係嬲到爆,我真的好怕,半年了,好多難聽的說話,我喊左無數次,我而家想俾返少少家用外家,佢地都係因為我無俾家用之後,不斷數落我兩公婆,可是同父母住的細佬一家4口都無交出家用,家姐嫁得普通,都係一年俾一次,為何只唱我地呢?雖然覺得好唔公平,但為左塞住佢地把口,我想自己有多困難都要俾返家用外家,希望佢地唔好再冤枉我地兩公婆

,我地已經夠煩了,唔知各sis認為點呢?如果俾,又會俾幾多呢?(我父母都有工作)
thanks!

0 0 0

私人傳訊

ik2006

積分: 2905

好媽媽勳章

2^#

發表於 09-4-9 14:04 |只看該作者

你有無同自己父母交代過你而家既情況呀?? 通常父母都比較體諒自己親生仔女的, 所以如果你經濟情況唔許可, 應該開心見誠同佢地商量一下, 佢地了解左, 可能解開佢地既心結, 無咁多是非呢~

私人傳訊

yvonne18

積分: 1276

好媽媽勳章

3^#

發表於 09-4-9 14:08 |只看該作者

我唔會比由得他們唱, 佢地而家都"禁"對你, 到你老公真係出事你估佢地會幫你嗎? 不如留個錢係身重好. 不過你外家是否很"躬"沒錢開飯要等你養先.

私人傳訊

積分: 1690

4^#

發表於 09-4-9 14:10 |只看該作者

原帖由 ik2006 於 09-4-9 14:04 發表
你有無同自己父母交代過你而家既情況呀?? 通常父母都比較體諒自己親生仔女的, 所以如果你經濟情況唔許可, 應該開心見誠同佢地商量一下, 佢地了解左, 可能解開佢地既心結, 無咁多是非呢~ ...

我當然有解釋啦,開頭我老公俾人請去飲咖啡,我屋企所有人都知,但因為件事到而家都沒完沒了,我媽咪認為我地唔想俾著數佢囉.佢唔會體諒我的,因為我的家庭是典型的重男輕女型

私人傳訊

積分: 1690

5^#

發表於 09-4-9 14:13 |只看該作者

原帖由 yvonne18 於 09-4-9 14:08 發表
我唔會比由得他們唱, 佢地而家都"禁"對你, 到你老公真係出事你估佢地會幫你嗎? 不如留個錢係身重好. 不過你外家是否很"躬"沒錢開飯要等你養先.

你講得對,就係因為我知道人嚮錢方面佢地唔會幫我的.所以我地先決定兩邊都無俾家用.我知道佢地近來用左好多錢,都有d事發生左,又沒去到無錢開飯嘅.

私人傳訊

chaklongma

積分: 5958

6^#

發表於 09-4-9 14:19 |只看該作者

係我就話之佢
而家都咁對你地
不如留個$$向身邊好過啦
呢d咁嘅父母, 兄弟姊妹, 當無算啦
當自己係孤兒算喇

難得連99都明白, 自己亞媽竟然咁樣~~~~
唉~~~~~~~~~

私人傳訊

meinatmn

伯爵府

積分: 19413

7^#

發表於 09-4-9 14:22 |只看該作者

我會選擇由得佢地唱，既然知道你老公出事佢地係唔會幫，咁不如留個錢傍身。

私人傳訊

janetgordon

積分: 4776

8^#

發表於 09-4-9 14:33 |只看該作者

既然你父母同家人唔體諒你,就算你可以比好多錢佢地又點?佢地到時都未必會多謝你,不如留起d錢,第時就算邊個有事,都叫做可以幫輕吓

私人傳訊

Melody_Che

積分: 4192

9^#

發表於 09-4-9 14:35 |只看該作者

如果你自己死慳難慳俾家用佢,我覺得都唔可以塞住佢把口羅!!

私人傳訊

mi1660

積分: 3035

有「營」勳章好媽媽勳章

10^#

發表於 09-4-9 14:36 |只看該作者

你都話你的家庭是典型的重男輕女型
你覺得你比返丁屎咁多家用比佢地,佢地就唔會唱你....咁多咩?你咁做佢自會話你心虛...但係又比咁少~付出左都要比人唱,我覺得唔值囉~
最多你咪學下你家姐咁大時大節先比DD囉~
千祈唔好以為你比返果少少錢佢地就會積口德.

私人傳訊

maggie35201

別墅

積分: 682

11^#

發表於 09-4-9 14:40 |只看該作者

當然唔好比喇!好似小朋友咁講法呀!你比得一個,另一個又會唔鍾意架喇!姐係你比左你屋企,你99個邊,你估佢地唔會話你呀!而且你係外嫁女,點解要你比錢返外家呢?仲有如果你地自己都搞唔掂,點解仲要理佢地呢?你唔好唔開心喇!把口生係佢地到,佢地鍾意講咩未講咩囉!有咁樣既屋企,不如就真係當自己係孤兒好過呀!

私人傳訊

iampaulineko

積分: 5826

12^#

發表於 09-4-9 14:45 |只看該作者

你都係留d錢係身邊, 就算有剩都暫時唔好俾住你媽咪. 等你老公件事告一段落, 有的話先一次俾多d家用. 相信如果你依家俾左, 萬一你要用到錢, 你媽咪果邊應該都唔會幫到你地.

私人傳訊

littlecarey

積分: 8097

育兒性格勳章畀面勳章

13^#

發表於 09-4-9 14:54 |只看該作者

妳嫁咗，唔係食佢哋住佢哋，又唔係借咗佢哋錢，妳有困難，沒錢比外家就唱妳,妳就不要比家用佢哋，如果佢哋講說話比妳聽，妳就連外家都唔好返
家姐細佬沒有每個月比家用，他們沒有資格話妳，妳不用理他們

私人傳訊

積分: 1690

14^#

發表於 09-4-9 15:06 |只看該作者

有時我真係覺得自己好似孤兒,好似同佢地的關係都係用$$$來維繫咁,而家大家都有難喇,我唔係唔想關心佢地,係佢地咩都唔肯講,係全家上下十幾口得我一個唔知,到頭來我媽竟然可以話我老公無情,佢根本日夜返工,一d都唔知情,而且我都唔知得多啦,點會又拉埋我老公落水?我老公有事,竟然可以無人相信,無人關心,竟然佢地有事就要求我老公去關心佢地!真係無天理!
而家我問大家需唔需要俾返d家用外家平定下先,想修補下關係,因為我真的好怕呢種孤兒的感覺...

有家人好似等於無家人咁..
99果邊都係同多數sis情況一樣,99覺得我搶左佢個仔咁,所以以前經常襯我老公返工,就+埋大姑9來欺負我,後來老公都頂佢地唔順,我地一家人就搬左出來,以為無左99,我仲有媽咪,點知媽咪同屋企人又唔體諒我地,真係頭頭碰著黑,好彩99衰極都仲對佢自己個仔憐憫.

私人傳訊

心抱

子爵府

積分: 13095

好媽媽勳章醒目開學勳章畀面勳章

15^#

發表於 09-4-9 15:09 |只看該作者

家家有本難諗的經
因為我係旁觀者,我會好輕鬆咁講,負擔得到咪俾一二千老人家買野食囉
但如果我係當時人,我都會好煩,比又死吾俾又死

俾-因為你係知道你mammy唱你,你先俾返家用,你mammy可能會覺得你驚佢唱衰你先俾,到時仲衰多幾成

吾俾-你又過吾到自己果關,話哂自己阿媽
如果比我,我有能力我會用1-2千塞住佢把口,叫佢吾好再嘈,再嘈就乜都無.

私人傳訊

MK2006

伯爵府

積分: 17387

醒目開學勳章

16^#

發表於 09-4-9 15:11 |只看該作者

你就算比返, 一樣話你, 除非你補返哂啦. 既然係咁, 留返d錢係身啦, 遲d要用錢, 你都唔洗咁擔心

私人傳訊

積分: 1690

17^#

發表於 09-4-9 15:16 |只看該作者

原帖由心抱於 09-4-9 15:09 發表
家家有本難諗的經
因為我係旁觀者,我會好輕鬆咁講,負擔得到咪俾一二千老人家買野食囉
但如果我係當時人,我都會好煩,比又死吾俾又死
俾-因為你係知道你mammy唱你,你先俾返家用,你mammy可能會覺得你驚佢唱衰你 ...

我開頭都好似你咁諗過,當我同老公商量時,老公就話佢自己阿媽都無俾,但佢話如果我想俾佢都無意見.因為而家我係全識媽咪,得老公一個返工.但諗諗下,俾左,佢地又唔會咁易滿足.好多sis都話唔俾,因為我自己都覺佢地對我真係.........哎...

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

18^#

發表於 09-4-9 15:33 |只看該作者

就算你俾返家用, 佢地都唔會滿意, 一樣會唱你以前有錢都唔俾. 係我會攤開黎講, 家姐一年俾幾多我照跟俾幾多.
你同老公有困難佢地都唔會幫你, 你好好地儲錢搞掂單官司先啦. 日後有錢有心情先再搞番同外家嘅關係囉.

私人傳訊

christy1012

水晶宮

積分: 67532

2025勳章蛇年勳章 2024年龍年勳章 2023年兔年勳章醒目開學勳章畀面勳章 BK Milk勳章

19^#

發表於 09-4-9 19:12 |只看該作者

樓主,如果你俾得少分分鐘你屋企人一樣會唱你,
話你俾得少,話你cheap,既然都捱左半年囉,
咪繼續努力捱囉,佢地唔體諒都冇辦法,
一講到錢幾親都冇情講,冇辦法啦,
努力呀

私人傳訊

Leomummy