我一直都好想搞好99同我老公關係點知越搞越禍...
佢地兩個關係已經去到無計傾ge地步...
都唔知咁係好定唔好...
最起碼唔駛驚老公聽晒99話...
我99係寫字樓做文職 間公司係佢d親戚開...
佢禮拜六/日先會入黎
平日會係放lunch打黎傾計
佢係電話講到唔夠人講就cut線 都唔止一次...我都慣喇~
62話佢(99)up乜照聽...唔駛理佢(叫我唔好駁嘴)
老公直頭叫我唔好聽佢電話...
我無聽老公講 結果同99炒獲金...
99佢個日打黎如常傾閒計...
跟住傾到生育問題...
問我紥左未...我話醫生唔俾 要做就要排期
跟住佢就黎料...又話我點解生完個陣唔叫醫生做埋
我話我問左喇~醫生話我仲後生唔會幫我做架...
跟住又話我追仔黎仲乜...xd
我係恨仔~我最想都係一仔一女tim啦...
呢d都無得強求架...唔好講到我咁鍾意生咁...
由陀到生唔辛苦架唔痛架?係恨仔 我生到 梗係想揀生仔定女架喇~
不過無追過囉...我都有做避孕架帶左環都中...
(跟住又翻舊脹話第一個唔講 到第2個你唔去好好咁做避孕)
生完第2個我有抑鬱個陣...邊到仲有精神會諗點去避孕...
第3個一有都已經唔要啦...99話我咁你索性去結育啦!
第2個生完我夠有講啦...醫生俾先得架!
跟住佢即刻一輛嘴咁講話
佢果陣生完第3個就即刻同醫生講
要做結育醫生都同佢做左...
我話:咁你當時幾歲呀?
佢答就黎4張...我咪同佢講~咁又點同我得廿幾咋~
佢又話我就算求都要求醫生做...
我都有求過醫生都係話唔會做~咁我可以點wor...
又話生仔生到好似我老公咁要黎都罷啦~
之後聽得最入耳就係~你唔紥睇住黎啦好快有第5個...
仲話我得廿幾歲太唔識諗...簡直有理說不清
就算我個plan幾好都唔係一定可以按部就班架~
如果可以就無意外ge發生啦~
我都好想出黎做野...日日係屋企你認為係享受...辛苦無人知!
跟住佢鬧我呢d係自己攞黎...跟住收線><xd佢呀~
個陣俾佢話同鬧完好鬼嬲...
嬲到老公放左工返黎一見我嬲飽包咁問我咩事...
我就一五一十咁同我老公呻...
本應呻完就算...點知我老公仲嬲過我...
問我 佢黐左邊條根...我話~果個係你阿媽我點知wor
佢跟手打電話返屋企~個陣係夜晚1點幾...
我即刻阻止老公 如果你打去咁你阿媽一定嬲爆我架...
老公話:你唔講 佢會繼續去煩你!咪由得佢嬲爆囉!
你成日俾佢咁話法聽得多咪嬲得仲多囉!!!
佢就打左返堅企 無人聽...就打俾佢細妹(訓緊覺)老公照講
你同阿媽講~有咩同我好啦~講同xx(我個名)講仲乜野...
仲乜野事先下下都要炮轟人一輪...唔好再煩xx!
第2朝99就打黎 仲話:xx(我個名)我都係同你傾下計啫
琴晚呀~你老公三更半夜打黎吵醒個妹...唔駛訓咩!
你老公話我炮轟你...叫我唔好煩到你!!!
我以後都唔會煩你...你地都唔好煩到我地!
我生完細細仔個陣要經常出入醫院 好彩得62過黎幫手
99同我地唔妥之後唔鍾意62過黎...
如非必要我地都唔想麻煩62
個一日62都照樣過左黎...我地帶62去飲完茶
99就奪命追魂call62同老公 佢地都唔聽...99都有打俾我
不過我真係無勇氣去聽...一定會俾99勁鬧...
老公同62都叫我唔好聽...其實我都好想解釋清楚...
我唔係想告枕頭狀 99講d野真係令人好嬲
而且有佢講無人講 真係激c人架...
我99~d煩功 無一個人會唔怕囉!!!
(我都唔明99佢 生仔應該係每個做99都會好開心先至岩)
我ge99完全相反囉~
當我係23歲時有左...
佢係個陣已經話我地一黎仲後生係博殺期...
二黎又話連屋都要租人地 搵左間屋先
第三話佢揍我老公3個已經好驚...
心諗關我差事咩...
我個陣都同佢講 我地無打算叫你揍 而且我地搞得掂自己咪得囉...
佢無聲出 我知佢個陣唔多鍾意我...呢家更加唔鍾意我地啦~
唉~我究竟係咪我唔應該同老公講...
咕一聲吞左去就算...就算俾我忍到...
佢一開始都唔識鍚佢個仔多一d...又唔鍾意我地咁早生仔...
我間中都有同62聯絡
早排62同我講 細叔仔帶左女朋友見過佢地~
又話個女朋友仔好識做...逗得99好開心...99勁鍾意佢
其實我知62ge暗示想我識做d~
而細叔好乖每個月出糧會俾錢佢(塞住佢把嘴)
細叔係咁講~
其實一屋人都係好驚99煩到佢地...
我老公同我住個陣 直頭覺得甩難...
同我住期間叫親佢返佢阿媽度食餐飯都唔肯~
]http://www.baby-kingdom.com/static/image/smiley/comcom/30.gif[/img]
發表於 
返回列表
