吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我99大我, 我老公話我有問題, 我真係唔0岩咩? (好長,請 ...

婆媳關係今日: 0|主題: 27782

收藏本版

發帖

返回列表

跳至頁

查看: 3966 | 回覆: 24

我99大我, 我老公話我有問題, 我真係唔0岩咩? (好長,請見諒) [複製鏈接]

金仔媽媽

侯爵府

積分: 22985

2025勳章蛇年勳章最關心BB問題熱投勳章畀面勳章

1^#

發表於 08-7-5 01:28 |只看該作者 |倒序瀏覽 |打印

事緣係因為我個b發燒~

前2日, 我工人打電話比我話我知bb發燒, 咁0岩我99去左我屋企, 我就叫佢幫手帶bb去睇e生, 叫左佢先打電話去某診所book左睇下重有冇得睇先, 叫埋佢打的去同埋返啦, 因為我住得村屋, so等的士係比較麻煩, 多數都要call既, 我咪諗住再打返去叫99等我call埋的士先出去睇e生囉, 點知工人話我知佢已經帶左bb出去, 重有係咩bb物品都冇帶, 我99重要係手抱我b出去, 我問工人你做咩唔跟住去, 佢話我99冇叫佢, 跟住我已經火都黎埋, 即刻打電話比我99叫佢等埋工人先去睇e生, 佢就死都話"唔使咁麻煩啦" 講左2-3次, 我即時嬲到爆, 即call c6鬧佢話佢阿媽一個人帶bb去睇e生, 唔帶埋工人, 99比佢仔話完先好地地等埋工人去....

今日bb重未好返, 我請左半日假返去, c6話我知99都想入去睇bb, 咁我就直接同佢講, 我放假返入去湊b, 我唔想99都入去費事爭湊b啦, 同埋我唔想見到佢, 跟住c6今晚返黎就同我講, 99話: "如果xxx(連名帶姓講我個名)講一句話唔鍾意我入去佢屋企既話, 咁我以後都唔會黎, 如果唔係因為個孫仔, 我都唔會入去佢屋企" 我覺得我99講依番說話黎大我, c6又話我生完仔後個人變晒, c6話佢問番99既情況同我講返比佢知既係唔一樣, 我覺得c6偏幫佢阿媽, 因為我問:

1) 出去睇e生前or返屋企之後係咪應該打電話通知聲我呀? c6話冇可能咁樣要求佢阿媽咁做
2) 99話工人手腳慢, 帶埋佢出去睇醫生都幫唔到手我同c6講係想工人幫手拎下野, 開下車門擔下遮都好, 實在唔放心比99一個人帶b出去, 但c6話99話工人冇幫過手
3) 我話都唔使咁急咁趕去睇e生, 去到工人話要等成半個鐘 c6話99話去到有人睇緊, 下一個到bb唔通叫人出黎咩, c6覺得工人講大話佢阿媽唔會講大話
4) 我安排好晒d食奶時間, 99同我改晒, 要跟佢果套 c6就一句聲都冇講過

我非常之想即刻打電話比99大返佢叫佢以後都咪入去我屋企

0 0 0

私人傳訊

kumara

大宅

積分: 4280

2^#

發表於 08-7-5 02:29 |只看該作者

如果係我就會即刻打去同佢講以後都唔嚟.
可能你99睇死你唔敢講先會講呢番說話.睇吓佢會點.

私人傳訊

colinhoc

別墅

積分: 535

3^#

發表於 08-7-5 06:49 |只看該作者

1) 出去睇e生前or返屋企之後係咪應該打電話通知聲我呀? c6話冇可能咁樣要求佢阿媽咁做 (因為c6覺得99唔係工人, 所以冇可能咁樣要求佢咁做; 但係如果99係醒d嘅唔使叫都會自動做啦, 將心比己. 不過你要知道, c6同奶奶開口通常就得兩個結果, 一係就俾99食住, 一係就反面收場. 一家唔知一家事, 我都係人c6, 我亞媽都同我講過我唔想佢嚟咁密, 佢就唔嚟睇個孫. 而家差不多半年都無喺我屋企出現過. 有時我都會諗, 自己都幾不孝, 但係老婆同老母點都有取捨. 試下唔好咁激, 平心靜氣同c6傾, 最緊要係一家人(你, c6同亞b)和和氣氣, 整整齊齊.)
2) 99話工人手腳慢, 帶埋佢出去睇醫生都幫唔到手我同c6講係想工人幫手拎下野, 開下車門擔下遮都好, 實在唔放心比99一個人帶b出去, 但c6話99話工人冇幫過手 (唉...好多工人都好醒, 識得喺老細d6299, 外父外母面前扮蠢, 最好你地做埋, 佢乘機可以偷懶. 加上6299, 外父外母好多都唔識吩咐d工人, d工人又踢一踢, 郁一郁, 所以佢地先有咁嘅諗法. 一係你就俾把尚方寶劍你99, 可以對個工人先斬後奏; 一係就同工人講事無大小都要通知你. 前者, 捉隻老鼠入米缸(後患無窮); 後者, 唔俾工人煩死, 你c6都俾99煩死(家無寧日). 唉, 死症).
3) 我話都唔使咁急咁趕去睇e生, 去到工人話要等成半個鐘 c6話99話去到有人睇緊, 下一個到bb唔通叫人出黎咩, c6覺得工人講大話佢阿媽唔會講大話 (呢d咁小事都要嘈, 我就真係覺得你住郊區屋企太靜, 驚耳鳴. 算把啦!)
4) 我安排好晒d食奶時間, 99同我改晒, 要跟佢果套 c6就一句聲都冇講過 (做人公道d, 如果我係一個正常人, 見到個BB喊, 最直接嘅諗法唔係換片就係肚餓 (因為最正常), 俾少少奶佢食, 有d安全感都好過任BB喊. 你要知道, 亞B係99個孫, 佢唔鍚亞B會去你屋企, 貪坐車定見你個工人呀. 你叫佢跟你d食奶時間, 有時未必咁實際. 工人唔同, BB喊佢唔會肉赤, 佢同你有親, 佢認錢. 我亞B九個幾月, 無一日d食奶時間有規律, 上落一兩個鐘都好平常. 難為我老婆. 我勸你唔好覺得佢特登同你作對就會好d.)

私人傳訊

hinhofion

大宅

積分: 4120

4^#

發表於 08-7-5 07:37 |只看該作者

冇法la,求99做野係咁,唔好唸住佢會向自己交代d乜,因為佢地唔會lor,所以以後有乜事,盡量唔好要99幫手,否則欠左佢人情之餘,如果有d乜野唔岩,你都唔出得聲,一出聲你就變左罪人
e件事就算la,再同c6拗都冇用,當踏左一次屎,不過你99個番話有d玩野,你要同c6表明"我唔係唔鍾意99入我地間屋,bb去醫生同鍾唔鍾意入我地間屋係兩回事,唔好屈我唔like佢入黎",就算你個心好想99永遠唔入黎,都唔好係c6面前講出口,你一話"唔入咪唔好入lor" ,e番話,你就中左99計la,到時c6當左你專針對99,99做乜都唔順你眼個隻,咁就踏大舊屎la,d 99好叻玩心理戰架,小心d

私人傳訊

KoyeBaby

子爵府

積分: 12904

醒目開學勳章畀面勳章

5^#

發表於 08-7-5 09:50 |只看該作者

你99梗係覺得"我依家幫你做嘢都咁多要求,有無尊重我呢個99呀~"你叫得佢做嘢就唔好諗住佢會有交帶!就算個工人真係想跟足你指示做,你99喝佢一聲,佢都唔敢再講嘢啦!下次寧願請半日假自己跟返好過,小朋友病已經擔心架啦,仲要為咗d人激心就無謂啦~

私人傳訊

wxxyxn

大宅

積分: 2339

6^#

發表於 08-7-5 10:00 |只看該作者

唔...就咁睇又好似唔覺妳99有問題

佢都係緊張個bb先即刻帶佢去睇醫生啫，佢一個老人家隻手都冇力，其實咁抱法都好攰好辛苦，加上天氣又熱

同埋佢係99，唔係工人，佢冇諗過做咩都要同妳report，習慣問題，大家睇野唔同啫，佢又冇特登令妳唔開心，唔好嬲啦

私人傳訊

IaMMoYY

子爵府

積分: 12198

7^#

發表於 08-7-5 13:02 |只看該作者

Yes, you 真係唔0岩. It's so obvious. But I am surprised you didn't know you are the one who is wrong.

Your mother-in-law is not your paid emplyee. So, if she didn't call you before she left and after she came back as you would like her to, it's OK.

When you needed her help to bring you BB to see the doctor, you called her to come over. The next day when you stayed home adn didn't need her help, you "changed face" and said you didn't even want her to be in your house. You don't just "use" someone. It's important to know how to respect people too.

私人傳訊

bigbigsnake

男爵府

積分: 5569

8^#

發表於 08-7-5 13:17 |只看該作者

99唔係工人, 你要佢係咁report比你, 唔係因為個孫, 我係你99我都唔想理你, 因為都幾霸道...

工人有時冇做到工人要做既...因為工人始終係打工.一定講D有利自己的說話.當工人說99不是時, 理應先聽, 不可盡信.一定要自己親眼看到, 親耳聽到至可信..

私人傳訊

IaMMoYY

子爵府

積分: 12198

9^#

發表於 08-7-5 13:39 |只看該作者

原文章由 bigbigsnake 於 08-7-5 13:17 發表
99唔係工人, 你要佢係咁report比你, 唔係因為個孫, 我係你99我都唔想理你, 因為都幾霸道...

Please don't mind, LZ is 幾霸道... Your husband seems to be a reasonable guy. Treasure your relationship with your husband and his mother. Not everyone can stand 霸道 and unreasonable people for too long.

私人傳訊

JFL

伯爵府

積分: 17193

10^#

發表於 08-7-5 13:50 |只看該作者

好同意其他mami咁講,９９唔係工人, 唔須report比你, 佢都系緊張個孫啫.雖然佢出去睇e生前or返屋企之後冇打電話通知聲你.但好似系你叫佢同亞Ｂ去睇醫生喎.佢冇等工人一齊去可能都係太緊張個孫,所以一打完電話比醫生就拿拿聲出門口囉.可能佢返黎系忘記咗同你講番醫生点講,或者佢都諗住你返梗黎屋企喇,到時同你講囉.至於你請左半日假同ＢＢ再去睇醫生, 唔想99入黎,你咪好聲好氣同佢講話唔想佢咁操勞,又要走黎走去,自己帶亞Ｂ去得嘞,咁人地又唔會話你有事就求佢,冇事又唔比佢黎,條氣都順Ｄ,老公又唔會難做.

私人傳訊

BigChoi

別墅

積分: 537

11^#

發表於 08-7-5 14:11 |只看該作者

其實妳99都唔係咁差, 佢都係緊張BB, 又帶BB去睇醫生. 妳C6都話妳生完BB之後變晒, 妳自己留意下啦. 我知妳緊張BB, 可能第一個, 但有時要放鬆下.

私人傳訊

onon1022

子爵府

積分: 12600

好媽媽勳章

12^#

發表於 08-7-5 21:38 |只看該作者

其實算啦...大家出發點都係為bb好...唔好唔開心...

[url=http://lilypie.com][img]

私人傳訊

小小太陽

大宅

積分: 2301

13^#

發表於 08-7-5 22:03 |只看該作者

你真係對你99一D RESPECT 都冇....

係你99角度, 你都幾難頂, 難服侍, 講說話又難聽

你掉轉諗如果個仔第時個老婆咁樣同你講野會點先, 完全係好心著雷劈

佢以前湊你老公果時都冇工人架啦.......咁帶個B 出去睇醫生又搭的士有咩問題?

唔REPORT 比你知 - 你真係當自己係佢老闆

外人睇都覺得你好難頂

私人傳訊

tongyimtong

複式洋房

積分: 183

14^#

發表於 08-7-5 22:51 |只看該作者

99靠得住，豬乸會上樹。

hihofion說得好，啲99真係好奸的﹗

私人傳訊

driedpork

禁止訪問

積分: 2182

15^#

發表於 08-7-6 00:00 |只看該作者

提示: 作者被禁止或刪除內容自動屏蔽

私人傳訊

54heima

水晶宮

積分: 55644

16^#

發表於 08-7-6 00:15 |只看該作者

以前我同老公投诉99一D也时
老公会话
算喇
巨个仔养到甘大都跟左你罗
未计较甘多喇
其实谂下又系哦

私人傳訊

金仔媽媽

侯爵府

積分: 22985

2025勳章蛇年勳章最關心BB問題熱投勳章畀面勳章

17^#

發表於 08-7-7 17:25 |只看該作者

多謝大家回應, 其實其他媽咪都幾中肯, 可能我真係當局者迷, 依件事一直以為自己冇錯(你地唔講又真係唔知喎) 原來係第3者眼中我係唔0岩既~ 不過點都好, 其實我唔係太鍾意佢干涉我點樣湊BB, 因為BB係我湊既, 我覺得應該跟番我想要點樣湊既方法, 因為我唔係好認同佢湊BB既方法(我覺得out), 而佢平時入黎我屋企, 我都冇干預過, 只要佢同BB玩下, 錫佢就得啦, 其他野唔好理咁多, 我既要求都係好簡單唧, 已經同c6反映過, c6亦都有同99表示我既意願, 可能係佢性格問題, 因為平時都係老佛爺一樣, 佢d仔係聽晒佢話既, 咩事佢都會有佢既意見而習慣覺得人地都要聽佢講一樣, 我唔係唔尊重佢, 我知佢平時冇我見到BB咁多, 每次見到佢我都一定唔會同佢爭B, 由佢抱飽BB, 就算離開視線範圍都冇話一定要跟住佢地去, 佢平時話依樣果樣我都冇頂過咀, 由佢講, 我覺得自己都算係過得自己, 自問比晒面佢~

不過好似driedpork話, 第時咩野都係要自己親力親為, 唔好再靠人, 有咩都係自己照顧返BB最好~

另外, 問返工人點解唔幫mama手, 工人話佢唔係唔想幫手, 係佢抱住BB而幫唔到手, 都唔知邊個講真邊個講假啦~

私人傳訊

joyfong

禁止訪問

積分: 1022

18^#

發表於 08-7-8 00:13 |只看該作者

提示: 作者被禁止或刪除內容自動屏蔽

私人傳訊

debbieip

大宅

積分: 1113

19^#

發表於 08-7-8 11:44 |只看該作者

我都同意JOYFONG說的!

BB係要定時食奶的! 特別係我地依家多數BB都係食奶粉, 如果食人奶就唔同, 人奶係餓就要比佢食~(可能係咁, 好多奶奶都唔明白點解要家定時食)

其實樓主BB幾大? 如果係6個月以下, 健康院姑娘話/兒科醫生話不需要定時, 唔需要規定每3/4小時一次, 係按BB需要比佢食(當然唔係一哭就比, 係BB真係肚餓就比)!
6個月以上就要教BB一個固定的飲食時間, 亦開始引入固體食物!

其實我都同奶奶住過, 我好明白樓主緊張BB的心情, 我BB出生後我同奶奶的關係都緊張左, 大家都想BB好, 大家都有自己一套, 大家都覺得自己那一套好D....老人家, 係咁, 既然唔知邊個啱, 我當時係問健康院姑娘, 醫生及奶粉商給我護士熱線問! 我奶奶都算講埋, 問左就算佢唔同意都引住唔出聲, 但如果問左係我的方法唔啱, 我都係跟醫生的吩咐, 因為大家都係想BB好! 而且每次我都係叫老公話比奶奶聽係醫生/姑娘教的...因為如果係我講,好易大家有誤會...以為我大佢, 所以語氣上都盡量輕鬆!

其實你奶奶都唔係咁差, 只係有一D老人家的通病, E.G. 唔帶工人去睇醫生,--唔知自己今時唔同往日, 仲後生咩; 唔通知你醫生話BB點--佢一向做野都冇通知人, 佢係呀媽, 邊鬼個管佢....

其實係依件事上, 你係可以做好D, 我咁講唔係因為你唔啱, 而係因為佢係奶奶, 你唔可以改變佢, 只好改變自己....
1. 我以前叫奶奶幫忙帶BB睇醫生, 我一定係自己BOOK好時間, 如要CALL的士會自己CALL, 再告訴她資料, 我會叫佢帶工人, 如果佢話唔駛, 可以話工人係屋企冇野做, 一齊去仲好, 冇謂比佢講電話! 或者直接交代工人一定要跟去, 因為66年幾大, 如果一個唔小心整到點算?!
2. 交代工人回家打電話比我報平安, 或自己打去問BB情況!
3. BB病佢想入去睇佢其實好正常, 如果真係唔想佢來, 就話BB都係需要休息多, 食左藥都係睡覺多, 叫佢放心你地會睇緊, 不如到佢好番D先來睇佢, 又可以陪佢玩, 又或者可以煲D湯水比BB好番先飲...(當然全部都係老公講)

[ 本文章最後由 debbieip 於 08-7-8 11:47 編輯 ]