Baby Kingdom - 親子王國 香港 討論區 › 首頁 › 少年成長› 唔放心

少年成長

收藏本版
發帖
返回列表
跳至頁
唔放心 [複製鏈接]

首頁
1

尾頁
   0
csir3290


子爵府

積分: 11958


1#
發表於 23-12-10 10:29 |只看該作者
上個禮拜細佬升咗中學之後，第一次同同學出街做地理科專題研習，地點係香港仔。雖然唔係第一次自己出街，但係呢次算係佢第一次自己出街去到咁遠嘅地方。佢哋呢次專題研習嘅目的係要去視察唔同嘅土地用途，當然仲要影啲相啦。對於一個啱啱升中嘅同學仔嚟講，呢件都係一件大件事，所以佢一早已經同我哋講咗要同同學去做呢個專題研習，亦都一早同啲同學傾好曬大約會點樣做。其實我同老婆開頭都有啲擔心，佢同啲同學全部都係中一仔，要去到咁遠會唔會有問題呢？老婆仲問阿仔使唔使車佢去，阿仔就話因為同埋同學一齊，所以佢哋已經計劃好點樣去，我就諗住都已經中一應該係時候畀佢自己試下。

去之前見到阿仔好仔細咁睇地圖，計劃緊當日嘅路徑。見到阿仔咁努力，咁我都陪佢一齊睇下google map計劃一下當日嘅行程同埋要影嘅目標。阿仔仲記低曬當日嘅路徑驚自己唔記得。到出發前一日老婆都仲問佢需唔需要車佢返嚟，阿仔都係話唔想，因為如果我哋去車佢走，就好似唔理其他同學咁，好似唔係幾好。我老婆都話車埋佢啲同學一齊走，但係最後阿仔都係話自己同啲同學搭車。

到佢出發咗，老婆都有少少擔心，不過見佢都一路間唔中有whatsapp老婆去到邊度，又好似冇乜嘢咁。到佢返到嚟我哋問佢做成點，佢話都完成曬事前準備嘅嘢。不過佢話原來去到集合嘅地方，先至見到原來有兩個同學嘅媽咪跟埋一齊去，呢個係佢哋事前全部都唔知道嘅。由於有兩個媽咪喺度，所以阿仔話佢哋全程其實都冇乜講嘢，到去到香港仔，嗰兩位媽咪就主導所有影相工作同埋去邊度影，最終都唔係好跟佢哋啲事前嘅預備，而且因為有家長跟埋去，所以佢哋全程都唔係太多嘢講，坐車嘅時候，佢啲同學大部分時間都係各自玩手機。

其實我都理解同體會嗰啲跟埋去家長嘅心情，就正如阿仔去之前，其實我同老婆都有啲唔放心，因為始終都係第一次去咁遠嘅地方，但係始終我哋都覺得需要畀佢嘗試，而且又帶住手機又畀咗足夠嘅錢佢，照計都冇乜嘢大問題，況且佢哋又有成四個同學一齊去，都應該可以互相有照應。但係嗰兩個位跟埋去嘅家長，可能都仲係唔放心，所以最終都係跟埋一齊去，但係咁樣都幾影響班細路仔，好似阿仔咁，其實佢前一晚自己已經同同學計劃好曬要做嘅嘢同要去嘅地方，但係忽然嗰兩位家長嘅出現就打亂曬佢哋嘅計劃，阿仔話連影相都係嗰兩位家長影，所以到而家佢都未收到啲相做功課。況且都讀到中學出去做專題研習都仲有家長跟住，連阿仔都話嗰兩位同學都好似有啲尷尬咁。雖然嗰兩位家長冇乜干涉佢哋傾計，但係佢話始終都有啲唔係好自然。

我明白家長會有擔心，但係其實呢啲都係細路仔慢慢長大學習獨立嘅機會，好似呢次專題研習咁，話曬都係幾個同學一齊去，而且都係搭港鐵，點對點咁到目的地，照計出問題嘅機會唔大，係一個好嘅機會畀呢班細路仔嘗試自己去完成任務，所以阿仔同啲同學事前都好小心咁去計劃。我明白家長有擔心，我自己都有，但係細路仔始終都係要學獨立，如果仲係事事干涉，細路仔可能會唔開心甚至乎會反感添，而且唔搵機會畀佢哋慢慢學習獨立，做家長又要跟到佢哋幾時呢！
私人傳訊

MissMaMa


水晶宮

積分: 52343

母親節2025勳章 2025勳章 2025勳章蛇年勳章


2#
發表於 23-12-10 14:47 |只看該作者
csir3290 發表於 23-12-10 10:29
上個禮拜細佬升咗中學之後，第一次同同學出街做地理科專題研習，地點係香港仔。雖然唔係第一次自己出街，但 ...

吓，已經中一咁大個，仲唔放心？
私人傳訊

小飛亞


子爵府

積分: 11597


3#
發表於 23-12-10 17:46 |只看該作者

回覆樓主：

本帖最後由 小飛亞 於 23-12-10 17:47 編輯

唔使咁擔心，信任佢地可以做到的，如果你地放手俾佢地去，佢地會好有滿足感的，如遇到困難佢地會從中學習放心
私人傳訊

dougiewoodie


大宅

積分: 3736


4#
發表於 23-12-11 17:43 |只看該作者
本帖最後由 dougiewoodie 於 23-12-11 17:44 編輯
csir3290 發表於 23-12-10 10:29
上個禮拜細佬升咗中學之後，第一次同同學出街做地理科專題研習，地點係香港仔。雖然唔係第一次自己出街，但 ...

年代不同. 1977年, 我小學4年級, 因為鍾意集郵原因. 我1個細路, 搭車搭船由屋企慈雲山去中環新郵政總局 買只有在郵政總局才有得賣的郵票. 回到家後, 我老媽問我成日去咗邊? 我講我去咗中環, 搭天星小輪過海時, 有個外國人問我的簡單英文問題, 我可以簡單的回答, 我同個外國人交談了大約3分鐘.. 我老媽好高興我啲英文可以同外國人溝通, 佢一啲担心都無.


如果換轉是現在, 家長肯定担心細路會否遇著個GAY佬



私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見