Baby Kingdom - 親子王國 香港 討論區 › 首頁 › 婆媳關係› 偏心...

婆媳關係

收藏本版
發帖
返回列表
跳至頁
偏心... [複製鏈接]

首頁
12

尾頁
   1
Rachel_lee


民房

積分: 13


1#
發表於 08-5-15 14:38 |只看該作者
我生長係一個重男輕女既家庭. 有一個細我4年的細佬,
由細到大, 我都知媽咪偏心個細佬,
直到我嫁左, 媽咪叫我唔好成日番外家, 話我係外嫁女.
會比人話我痴外家. 自問, 我一路都無要外家既一分一毫,
平時都有打電話比媽咪傾下計, 噓寒問暖, 部佢食飯.
每月都比家用媽咪, 大時大節都有買野送比媽咪, 而我老公亦都對佢好好.
只從細佬搬左出去同女友同居, 細佬好少理屋企,
平時媽咪間唔中都會上去幫細佬執屋, 連水電煤管理費都交埋.
過時過節生日都係無乜點理媽咪, 禮物就更加唔洗諗.
上星期母親節, 係酒樓陪媽咪飲茶. 細佬帶埋女友.
我見佢淨係幫媽咪(針)茶, 媽咪已經笑到見牙唔見眼,
甜到入心咁. 那一刻, 我好不是味兒, 我等左兩個鐘先拎到位,
洗埋杯先打電話叫佢地落黎.
點解媽咪可以少少反應都無? 難道我仍然做得唔夠好?
跟著, 我又聽到佢地原來之前好開心咁去澳門玩,
但係完全無叫我一齊去. 我好唔開心,
成餐茶都唔多出聲,強裝微笑.

我老公有一個家姐, 老公都好鍚家姐. 姑奶亦都對我地好好.
但係我6299就非常偏心姑奶, 姑奶已經嫁左,
而姑奶同佢老公都搵到好多錢, 住豪宅讀名校.
但係6299為左住近姑奶, 係屋企附近買層樓比姑奶佢地一家.
而我同老公供唔掂層樓, 都只係可以寄人蘺下.
我一方面好羨慕我姑奶, 父母完全無重男輕女的觀念.
但係另一方面, 我唔開心6299重女輕男.
而家我成日覺得好似兩邊都唔討好,
平時麻煩事就專搵我同老公做..但係去到呢o的位,
我同老公永遠都係排最後.
私人傳訊

pigpig1971


大宅

積分: 2060


2#
發表於 08-5-15 14:56 |只看該作者
真是世上冇公平的野的. 或者是命運.
不如你張眼放遠啲.
世上有好多人, 生活在水深火焰中, 没得温飽.
生病, 傷殘,

你仍然是幸福的一群.
私人傳訊

kanas526


大宅

積分: 1639


3#
發表於 08-5-15 17:33 |只看該作者
原文章由 Rachel_lee 於 08-5-15 14:38 發表
我生長係一個重男輕女既家庭. 有一個細我4年的細佬,
由細到大, 我都知媽咪偏心個細佬,
直到我嫁左, 媽咪叫我唔好成日番外家, 話我係外嫁女.
會比人話我痴外家. 自問, 我一路都無要外家既一分一毫,
平時都有打電話 ...


rachel_lee,

呢個世界就係咁架啦! 我都係同妳一樣既家庭，
我細佬做小小野佢開心到死，而我做得幾好冇用，
我細佬以前又係無啦啦搬咗出住， 之後突然走返嚟
話個女仔大肚要結婚，亞媽都冇野不知幾開心，仲
打比我同我講話我就嚟做姑媽添，擺結婚酒 & 滿月
都係佢比。

妳唔係做得唔夠好，而係重男輕女既亞媽係覺得妳
係應份，我亦覺得妳唔需要去咁做，(我亦都唔係叫
妳對亞媽唔好)，我自己亦都係，我唔係對佢唔好只
係冇以前咁樣啫，如果唔係自己會好辛苦架，唔只我
亞媽連弟婦都一樣，因為之前真係對佢哋太好，佢哋
唔當我係野，我3月時同亞媽鬧交我一個月冇返去亦
冇打比佢，而家佢都當冇野發生過，有時係要咁先得
架，唔可以吓吓都對佢哋咁呵護備至，(最緊要對自己
好D乜都係假)
私人傳訊

onon1022


子爵府

積分: 12600

好媽媽勳章


4#
發表於 08-5-15 20:21 |只看該作者
其實十隻手指都有長短...你係為自己而活...唔係為左其他人而生存...唔好將自己同人比較...可能你會唔開心...但係試諗下...你有一個好老公...唔係人人都可以有一個好老公...做仔女孝順父母係應該...唔好計較付出幾多...回報幾多...




[url=http://lilypie.com][img]
私人傳訊

E@V


大宅

積分: 1312


5#
發表於 08-5-15 22:21 |只看該作者
其實我父母都好偏心o架!
對我阿哥同阿妹都好好多...
同一件事, 佢地會double standard! 我個心好唔開心o架!!

不過我而家自己有個家, 有老公..唔理佢地咁多lu~
私人傳訊

echo123


子爵府

積分: 10113


6#
發表於 08-5-16 09:34 |只看該作者
呢d唔係重男輕女, 定係重女輕男, 真係如你所講既 - 偏心 -
有無覺得自己係鍾無艷呢.

原文章由 Rachel_lee 於 08-5-15 14:38 發表
我生長係一個重男輕女既家庭. 有一個細我4年的細佬,
由細到大, 我都知媽咪偏心個細佬,
直到我嫁左, 媽咪叫我唔好成日番外家, 話我係外嫁女.
會比人話我痴外家. 自問, 我一路都無要外家既一分一毫,
平時都有打電話 ...
私人傳訊

minichong


禁止訪問

積分: 4035


7#
發表於 08-5-16 19:04 |只看該作者
提示: 作者被禁止或刪除 內容自動屏蔽
私人傳訊

Rachel_lee


民房

積分: 13


8#
發表於 08-5-17 10:53 |只看該作者
尋日終於忍唔住同媽咪傾電話呻左幾句,
媽咪話:係咁架啦, 通常做阿媽既, 心底裡點都緊個女多o的架啦, 我都係緊你多o的架.
我聽完心頭一暖, 而家先知原來媽咪心中, 原來我都有一定的份量.

睇左大家既回覆, 再望一望係我附近打緊遊戲機既老公.
明白到好多時都要睇開o的, 可能將來有時都仍然會唔抵得細佬,
不過有老公鍚真係乜都夠晒.
私人傳訊

yoyomum2002


子爵府

積分: 11108


9#
發表於 08-5-21 22:47 |只看該作者
睇開d. 唔好唔開心啦~~
偏心人人都有.
我同你一樣咁上下情形,不過唔打出黎啦,
因為自己打字慢,自己情況又要打好多字.

原文章由 Rachel_lee 於 08-5-15 14:38 發表
我生長係一個重男輕女既家庭. 有一個細我4年的細佬,
由細到大, 我都知媽咪偏心個細佬,
直到我嫁左, 媽咪叫我唔好成日番外家, 話我係外嫁女.
會比人話我痴外家. 自問, 我一路都無要外家既一分一毫,
平時都有打電話 ...
私人傳訊

Siuchoi


珍珠宮

積分: 32052


10#
發表於 08-5-21 23:03 |只看該作者
我呀媽又係好偏心細佬的......佢把口米又係話我最好~ 當我肓既咩~~
私人傳訊

joeydesu


複式洋房

積分: 419


11#
發表於 08-5-22 00:21 |只看該作者
我覺得我比你更慘, 我真係可以好大聲咁講!

我都係生長O係一個重男輕女嘅家庭, 我有兩個阿哥, 大哥42歲, 二哥40, 兩個男人身邊嘅女人不停轉, 生咗D孫, 但係BB D阿媽就唔知去晒邊, 我阿媽就義務幫佢地湊, 佢地從來都唔駛俾家用, 我就一出嚟做野就要俾.

我細細個就俾我D阿哥打, 身上仲有D疤痕, 佢地去完街玩, 返嚟就會叫我落街買汽水, 我果陣只得6-7歲, O係屋企用緊功課....我阿媽都唔會阻止.... 有時我阿哥為咗要零用錢, 會威脅打我, 打我一個鐘, 我阿媽都唔理, 終於住O係隔離屋個姨丈睇唔過眼, 撞爛隻門救返我.... 我細細個好乖, 年年考第一, 我媽應該好O錫我至O岩....

而家大個咗, 我都好孝順, 因為以前嘅事, 我當係我嘅磨練, 我無嬲我媽, 但係直至上年我結婚, 終於頂唔順...

我阿媽為咗我阿哥, 周圍問人借錢, D舅父阿姨姑姐阿叔, 個個借均, 連我阿婆D錢都唔放過. 我阿媽無收入, 只有我俾佢嘅家用, 佢一直用我俾佢嘅家用嚟還債..... 唔怪得有時遲一兩日都奪命追魂 call.

我其中一個阿姨好O錫我(就係佢老公撞門救我), 佢O係我結婚之前同我講, 話我阿媽周身債, 叫我俾禮金同酒席錢時, 唔好一次過俾晒佢, 因為分分鐘入晒落我D阿哥嘅袋... 我當時好嬲, 因為我唔知我平時俾佢, 我辛苦賺返嚟嘅錢去晒我D衰阿哥度..... 我質問我阿媽, 佢拎轉面唔理我, 我問佢係咪連阿婆D錢都借埋, 佢話只係幫佢再借俾人, 每個月都收到利息, 我問佢阿婆識唔識呢個人, 佢唔理我, 但係呢個人而家都唔知去咗邊, 只係還過兩次息, 佢話都無辦法, 唔關佢事, .... 我問佢其他債, 佢話就算佢唔還, 我D阿哥都會還........ 我心諗D錢係阿哥借, 唔係你, 你自己揹上身, 然後用我D家用同禮金去還??? 唔係嗎???

三年前我阿爸要入院做手術, $48000, 三個仔女平分, 每人要$16000, 當時情況危急, 我唯有用cash加credit card俾咗先, 事前我D阿哥都同意會俾返我, 我阿媽話會幫我問D阿哥拎返...當然一直無人還. 上年初, 我阿媽話有"辦法"問我大哥還返佢果份, 就係要我先俾$10000佢, 然後佢會一次過俾返我! 你當我傻架? 我嬲到出唔到聲, just hang up the phone! 直到年底結咗婚, 原本要俾$37000酒席錢我阿媽 (我幫佢還咗$5000俾舅父, 因為我出嫁條金鏈我阿媽都係問我舅父借錢買), 剩返$32000, 我同佢講我唔會俾佢, 當係兩個阿哥三年前要負責俾嘅手術費....佢好嬲, 因為佢已經問我另外一個阿姨借咗錢幫我大哥俾咗兩個月office 租金, 打算用酒席錢嚟還.... 呢個阿姨O係我阿婆嘅喪禮度問我有無俾家用, 話我媽欠佢錢, 我O岩O岩有咗BB一個月, 阿姨唔知, 我亦唔想動胎氣,我只同佢講: 邊個問你借, 你就問邊個還啦....

我而家有三個月無俾家用, 我阿媽無再打嚟追, 佢亦無問我駝BB辛唔辛苦...... (待續)
私人傳訊

Rachel_lee


民房

積分: 13


12#
發表於 08-5-22 09:45 |只看該作者
我覺得你可以同佢地仲有來往, 仲有比家用已經好
大容忍力. 我簡直係小巫見大巫.
私人傳訊

wttcly


禁止訪問

積分: 6646


13#
發表於 08-5-22 09:48 |只看該作者
提示: 作者被禁止或刪除 內容自動屏蔽
私人傳訊

Irismammy


別墅

積分: 697


14#
發表於 08-5-22 10:19 |只看該作者
原文章由 joeydesu 於 08-5-22 00:21 發表
我覺得我比你更慘, 我真係可以好大聲咁講!

我都係生長O係一個重男輕女嘅家庭, 我有兩個阿哥, 大哥42歲, 二哥40, 兩個男人身邊嘅女人不停轉, 生咗D孫, 但係BB D阿媽就唔知去晒邊, 我阿媽就義務幫佢地湊, 佢地從來都 ...




我都覺得你好克苦！
但係，我覺得做女嘅都要比吓家用，做自己本份，
私人傳訊

joeydesu


複式洋房

積分: 419


15#
發表於 08-5-22 16:59 |只看該作者
其實切肉不離皮, 我都唔想唔俾家用, 但係我諗到, 我俾佢=俾我D阿哥同咪D唔知O係邊度走出嚟嘅孫(1男1女), 我就好激氣!

我D阿哥洗腳唔抹腳, 結婚之後我同老公佢去澳門玩咗兩日, 仲要俾我O係最大果間賭場見到我大哥同一個妹妹仔.....真係天網灰灰!

我無即時話俾我阿媽聽, 不過影咗D相, 有咩事先拎出嚟, 點知我阿媽主動同我講, 話我大哥前幾日去咗澳門做野....... (可能我地影佢果陣俾佢發現, 所以先發制人......)


原文章由 Irismammy 於 08-5-22 10:19 發表




我都覺得你好克苦！
但係，我覺得做女嘅都要比吓家用，做自己本份，
私人傳訊

Siuchoi


珍珠宮

積分: 32052


16#
發表於 08-5-22 17:16 |只看該作者
原文章由 joeydesu 於 08-5-22 00:21 發表
我覺得我比你更慘, 我真係可以好大聲咁講!

我都係生長O係一個重男輕女嘅家庭, 我有兩個阿哥, 大哥42歲, 二哥40, 兩個男人身邊嘅女人不停轉, 生咗D孫, 但係BB D阿媽就唔知去晒邊, 我阿媽就義務幫佢地湊, 佢地從來都 ...


你好乖女啊~ 有左BB唔好咁唔開心~ 你外家唔揾你只係暫時, 到你呀媽山窮水盡時就會再揾你, 你係咁以比1,2千佢買野食好了~ 生BB要用好多$架~ 你冇$你外家唔會理你架~ 自己小心&保重啦~~
私人傳訊

美子媽


大宅

積分: 3336


17#
發表於 08-5-22 23:38 |只看該作者
看到這度, 我也是出生在重男輕女的家庭, 我的情況沒以上两位咁慘,老豆但都是偏心的啦，算啦，　我宜家好幸福，有個愛護自已的老公，同有一個可愛的囡囡，他都唔知幾怒我咁幸福 　
http://albums.vitapixel.com.hk/200706/vangie/portrait.htm
私人傳訊

Irismammy


別墅

積分: 697


18#
發表於 08-5-23 09:12 |只看該作者
原文章由 joeydesu 於 08-5-22 16:59 發表
其實切肉不離皮, 我都唔想唔俾家用, 但係我諗到, 我俾佢=俾我D阿哥同咪D唔知O係邊度走出嚟嘅孫(1男1女), 我就好激氣!

我D阿哥洗腳唔抹腳, 結婚之後我同老公佢去澳門玩咗兩日, 仲要俾我O係最大果間賭場見到我大哥同 ...



我都明白你嘅唔甘心，因為我個個月比晒啲$$媽媽，佢就拎晒去用，呀哥嗰啲就用嚟儲，之後買層樓比佢...

而我在未來嘅日子亦會仲慘同唔甘心，因為我BB快出世，要用很多$$，而媽媽就只顧幫姐姐湊，(也未出世的)，叫我自己請人，仲介紹埋比我添， ....(8千一個月的本地呀姐，每日只做8 小時的)，不過我無要，因為真的請唔起，唯有自己做！但我姐姐就只比一二千我媽，我就要比五千，(即我比嗰啲都係用嚟貼其他人) 但媽也同我講佢要用好多$$， 好慘，話我當年應承養佢而家又扣佢$$$(我以前比7千)，話我唔應數，不過我無理佢，只問佢係咪唔想要，仲同佢講我已做足自己嗰份，佢窮，係因為其他人對佢唔好，刻薄佢，唔係我！


所以，我覺得樓主有做自己嗰份就得喇！問心無愧！
其他的，一於好少理！
私人傳訊

juicypig


珍珠宮

積分: 30278

環保接龍勳章 hashtag影視迷勳章


19#
發表於 08-5-23 14:32 |只看該作者
有老公錫就夠啦, 唔好唔開心
一個人之所以快樂,不是因為她擁有得多, 而是因為她計較得少
私人傳訊

jj7723


子爵府

積分: 11408


20#
發表於 08-5-23 15:53 |只看該作者
我都係生長係一個重男輕女既家庭. 4個哥, 2個家姐, 1個細佬.
諗番以前既童年, 真係一殼眼淚.

我同家姐讀小學時, 買文具, 買白鞋, 亞爸亞媽都話無錢, 對白鞋穿晒底都要頂硬上著返學, 落雨天對襪會濕, 唯有墊d廁紙係鞋入面. 實情係我屋企係有間廠既, 比上不足, 比下有餘. 亞哥細佬就日日有零用錢, 有新文具, 有新鞋著.

同學叫我去街, 我會推, 因為我無出街衫, 只有幾件爛衫係屋企著, 及校服. 冬天返學重死, 唯有著多件底衫係入面, 外面就只有件爛冷衫.

我好記得有次亞爸亞媽去完台灣旅行, 買俾亞哥細佬每人一件運動t-shirt, 一對新波鞋. 我同家姐任何都無. 所以我同家姐好細, 3年級, 已經開始自己推架車仔, 去d山寨廠問人攞外發返屋企做, 每個月賺個十零, 二十元, 應付俾學校既雜項.

到小學六年級既暑假就偷雞去做暑期工. 我記得中二開始, 有時會早一份, 晚一份, 一直做到開學前一日 . 因為我亞爸開始間歇性唔俾錢我同家姐交學費啦.
但我亞爸亞媽好市僧, 平時過年利市錢, 佢地會收晒我同家姐所得, 亞哥細佬除外. 暑期工又會揾本簿仔mark低晒我同家姐既工時, 時薪, 加班費咁, 每個月出糧都要俾佢check, 然後俾佢地取走一半. 相反, 亞哥佢地, 可以掉轉頭有零用錢tim.

.....

到我亞爸有cancer, 原來最關心佢, 陪佢去覆診既, 竟然係我. 佢死後, 我見亞媽以淚洗面, 我都好唔開心. 我向公司申請2個月返半日, 出半份糧, 每日下午陪佢, 買送煮飯俾成家人食, 減少佢既辛勞. 但係直至現在, 亞媽既遺囑, 都只係有5個仔既名, 無我地3個女既名. 唉, 我唔係計較要佢d錢, 只係原來由始至終, 我地3姐妹係佢心中都係無任何地位既.

但我大家姐就好慶, 話誓要爭番一份, 因為亞媽唔俾佢讀書, 要佢小學出社會做野, 每月都要將份糧俾晒屋企, 好慘 (但其實果時屋企係有間士多, 有廠, 算係小康之家).

唔好意思, 長篇大論. 呻完啦.

[ 本文章最後由 jj7723 於 08-5-23 15:56 編輯 ]
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy