吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 老公為左佢丫媽同我講離婚，我想公開我寫俾我老公的信 ...

婆媳關係今日: 0|主題: 27782

收藏本版

發帖

返回列表

跳至頁

查看: 6425 | 回覆: 36

老公為左佢丫媽同我講離婚，我想公開我寫俾我老公的信 [複製鏈接]

emilywpy

大宅

積分: 1028

1^#

發表於 08-4-27 02:42 |只看該作者 |倒序瀏覽 |打印

其實已經係響4月頭寫俾我老公的了,.........
橫掂之前都打左，就公開當中我99的惡行
有時間有興趣先睇喔

因為實在太長，唔知有無破BK婆媳關係O既紀錄呢？

老公，其實我尋晚後來好唔開心，個心好唔舒服，尋晚同你“傾”你丫媽的事我動左火，我後來訓唔到覺，我知道依個問題遲早會影響我地o既夫妻關係，尋晚我已經感覺到，可以話係揭開左序幕….
依個email可能解決唔到任何問題，亦無任何改變的意圖，只係我明白我地係無可能平心靜氣去傾依件事，所以我就用文字來解釋一下，我唔係想你話幫哂我，我只係想你知我o既感覺，可能講左你都係覺得有問題，但唔緊要，我志在講出黎o者。
我都有同我d朋友講過我唔鍾意你媽係有d唔理智，但我真係好唔鍾意，佢地都叫我忍o下，以前D舊同事都覺得我忍功一流，無理由忍唔到，但唔知點解我真係唔想就範，湊仔再辛苦我都無同人申過怨過，但你媽我就會去到邊見到邊個都可以申一大餐，講到你媽我就變成一個控制唔到自己o既八婆一樣，講到口臭都仲想繼續講，唔知係你媽有種魔力令人唔想見到佢，定係佢今世係我煞星‧
如果要我形容一o下我唔鍾意佢o既程度，我覺得我寧願對住2個xx(一個我同我老公都一致好憎o既人物)都唔想對住你媽，起碼xx點衰都好佢點都對住我笑口茜茜，假又好咩都好我唔介意因為我唔當佢係屋企人，我亦無包袱要忍佢，真係唔o岩聽我會話俾自己聽我隨時都可以串佢姪佢，過份得緊要 o既話就無面俾，扯鑊勁o既一世唔見；但你媽長時間都黑口黑面怨天怨地，唔理場合唔理時候鍾意就黑起塊面，對所有人都係咁，對你丫婆對我媽我爸都係咁，唔好再話咩佢唔係黑俾我/我媽我爸睇，我話你聽無人會理佢究竟黑俾邊個睇，大家只會覺得佢態度差，人品差，我唔知佢幾時心情okay亦唔得閒就佢“時間”，次次見到佢鬧人 (你爸/佢d鄰居/你丫婆/表哥/姑媽/舅母) 個個都唔好，個個都唔識做人，就覺得其實最乞人憎o個個就係佢，唔好同我講佢當我係屋企人先俾個真面目黑口黑面我睇，如果係咁我寧願佢唔當我係屋企人，不過佢對所有人其實都係咁，所以依點係根本唔成立的。我知道佢係你媽你感激佢生你養你幾十年感情根底，所以無論點你都會就佢，但老實講，對於我來說佢其實同我無拉無能，以佢o既性格人品，如果佢唔係你丫媽，咁o既“朋友”我識左都當自己無識過。

0 0 0

私人傳訊

emilywpy

大宅

積分: 1028

2^#

發表於 08-4-27 02:43 |只看該作者

我知你會話佢其實係對我地好好的，但你媽對我地的“好”我唔覺得係真係好好，因為我媽我爸，對一個普通的鄰居/游水friend甚至山上的野狗野貓都已經超越你媽對我所謂好，我知道對於你媽來說已經叫好好好好，可能你媽慣於吝嗇，連對人好也很吝嗇，所以佢好奇怪點解我媽幫我幫都今時今日都未叫辛苦，更奇怪我d朋友結婚時幫我幫得咁徹底咁無微不至，因為佢都無咁對過佢自己O既兒女，甚至可能諗都無諗過；佢亦無感情咁深o既朋友，可能經常聯絡的朋友也沒有，我唔會妄想佢明白。
我同你媽價值觀實在相差太遠太遠，我同你大家姐一樣，痛恨佢“錢字放在頭，感情放在後”的人格，唔係我唔鍾意錢，只係我唔會將世界上任何一件事物都搵錢黎秤一秤先，唔好講相唔相處到，而係共處都好有問題，我媽話婆媳o既野有緣o既話可以做個朋友，唔o岩o既話就做點頭之交羅，同佢血濃於水o既都頂唔順，唔見佢咁多，所以我會問點解我要呢？你成日話唔好理人地，做好自己，咁係因為你係佢個仔你覺得應該要咁，這點我是認同的，就如同你會話我媽以前要求我俾家用，但就唔要求我哥我細佬俾，甚至調返轉頭我媽俾返錢佢地係好唔公平一樣，我亦接受格，自己丫媽自己就慣，只要自己開心就得，但就唔得叫一個同自己丫媽無感情o既外人去同自己一齊就，就算係兩公婆我覺得都係的。
你成日話我唔好理其他人，做好自己就得，但有時好難話對一個人o既覺只係睇o個個人同自己之間的關係，正常人睇一個人究竟係點，第一，係佢對自己點，第二，好大部份睇佢點對人。你都成日響街度睇人的眼光眼神而去覺得o個個人係咪好人啦，響地鐵非禮人的人佢地都唔係非禮你甚至無碰撞到你，但你點解會勁憎佢地？？甚至會挺身而出，夠唔關你事啦！就係因為你會睇唔過眼d人點解咁衰！！？？
老實講，我唔覺得佢對我好，我永遠記得我在百佳暈左那次佢截住你爸糾正我係“朋友黎格咋”，我唔係唔開心佢當我係佢朋友，而重點係“糾正”o個o下野，你話佢入門前入門後係分得好清楚，但我唔係咁睇，如果同一情況，我d老友暈左有人問我係咪佢o既屋企人呢？我唔會介意認，就好似你爸一樣，你會話佢知我有事都即刻走來百佳啦，第一，咁o既情況你打到電話去，係人o既都會去啦，第二，你爸點會唔理丫(所以我唔係成日話你爸，雖然同佢都唔係話夾，但亦覺得佢真係真性情o既人，我到依家都好感激他在我受傷期間同丫b出世前後幫我帶狗落街，不過佢始終同你媽係夫妻，好多野好難分開處理)後來唔想要你爸幫我地帶狗，一來唔想他年紀大了太辛苦，二來，我希望我地能夠處理我地自己家庭中的事，不過更重要的是你媽俾說話我地聽，作埋d咩….你爸係男人黎，話帶狗俾人笑，男人要面之類….我受夠了，我似我爸，骨氣點都有，你要我覺得受你恩惠俾說話我聽，我就算捱死都唔會接受。你成日叫我顧佢感受，咁我又唔覺得佢有顧我感受喎，以前我地前屋主上黎，你媽竟然要我入房鎖門聽到咩都唔好出聲！！！我成世人唯一一次有被人捉姦o既感覺就係依次，我有咩咁唔見得人？？如果佢覺得係o既話應該叫人唔好黎或者上佢屋企啦！我諗依d唔係叫唔理人感受，應該叫唔尊重人吧！我媽我爸唔知咋，知道o既話唔嬲就有鬼。不過就算好多野我唔講俾我媽我爸知都改唔到我媽我爸對你媽的壞印象，百日宴o個晚，你媽大大聲叫你過第二台坐，其實係好唔合體統的，你估我媽我爸傻的嗎，不過算啦…但你媽成晚超黑口黑面挖住丫太，係咁鬧你爸又大聲喝丫太，喝到連隔離台我d朋友都話我知佢聽到，d氣氛差到前所未有，除左你外甥女唔知佢知唔知之外，我地全台都俾佢影響哂，就唔理野o既我細佬都feel到，只好由我表姐同我媽我爸係咁盡量攪氣氛，你話幾肉酸？！雖然我地係少少地擺兩圍，但我其實真係好唔開心佢攪到我個仔o既百日宴咁樣，一d都唔俾面，如果係因為佢覺得係佢出錢就可以咁樣，咁我情願俾返佢，如果佢覺得佢係有資格要來的，我情願佢開個價幾多錢佢可以唔黎，唔好攪喎當晚的氣氛，本來仲想話唔想俾丫婆黎，真係離哂大譜！但無法子啦時間已經過左補唔返，但當晚o既野我點都記得，我諗記得最緊要的還有我媽我爸。

私人傳訊

emilywpy

大宅

積分: 1028

3^#

發表於 08-4-27 02:44 |只看該作者

講到依度我好似突然之間變左一個好記仇的人，但我真係只係對你媽先係咁，你成日問我如果突然響街撞到yy(以前一個對我超級衰的同事)會點，撞到zz(再一個以前對我超級衰的同事)會點，老實講我已經唔嬲了，感覺已經好淡，我會當睇佢地唔到羅，我感覺係d野過左去就算了……但每次同你傾你媽，次次都好似o岩o岩俾佢用刀界左一野咁，非常氣在頭上，每次我都有控制的，但永遠一定越講越大聲，我都好辛苦，愛一個人同恨一個人都一樣痛苦，我都好想放低，但放唔到，我唯有唔見佢，依個係我唯一覺得舒服D o既方法。
我都有檢討過我自己，點解以前雖然都係唔夾格啦，但都可以照做門面功夫，蛋糕麵包湯水糖水我幾乎次次都叫你羅上去，新鮮熱辣諗住乙水o下佢地開心，因為住得遠我都無試過咁對我自己丫爸丫媽…..咁點解依家唔得？？分水嶺就係我生左丫b之後…..
我生緊o既時候佢就響出面發臭脾氣拔頸走人，我無講錯的，真係唔黎好過，佢黎到還是黑口黑面，我都唔知發生左咩事，響床試左兩次痾尿都痾唔到已經好擔心好驚，又唔可以好似其他媽咪咁有丫b響自己身邊，又唔知丫b點，見左一眼就無得見，好想見佢，個傷口又痛到死，第一次落床試痾尿你媽又懶係要做返d野咁陪我去，我情願叫丫嬸同我媽陪，但你媽又要響我媽面前懶係好咁要陪我去，根本就係佢自己要去廁所，好勒佢痾完之後就係咁催我，我又急又痛當時真係忍得好緊要想叫佢出去，俾著依家我諗我會發返佢脾氣了，響醫院佢全程黑口黑面，連我d friend我爸我媽同我細佬都唔知發生左咩事，個個驚我擔心唔講我知住但你估我傻o既咩，你丫媽個面口超難睇，傻都知有事啦！我媽係有d重男輕女的人，佢會覺得我都生左個仔出黎你媽仲咁樣真係好衰，唔知仲想點？我爸無講過野，只係係咁叫我媽睇住我，整多d野來醫院俾我，我DFRIEND就叫我咩都唔好理最緊要自己休息夠，你二家姐就來幫我執野和解釋，但點解都解唔掂啦…..你媽信口開河同我媽我爸講佢第二日會煲湯來給我，我媽話唔駛啦因為我媽已經煲定兩日唔同的湯，但你媽誓神劈願話佢一定要拎黎，咁我媽唯有話好啦，點知第二日我媽我爸見到係無，你覺得我可以點兜，我唔係話飲湯好緊要其實飲唔飲好閒，但我媽我爸錫我就會好緊張，覺得O岩O岩生完緊係要補O下，擔心我第日老來身子唔好，點知所託非人仲要係本來唔諗住託，你媽死要請纓，為左依件事我爸就話我媽好信唔信信你媽，話你媽邊捨得丫….我知你會話你有份開口過叫你媽唔使煲，但係大佬丫你媽話到自己點忙點忙又話要玩咩萬人耍太極咁，好心就唔好應承我媽啦，應承左人唔做係咪都要話聲俾人知呢？？？我媽都話一早煲左響屋企咯，又要死要面定唔知怕咩又唔話返俾我媽知，我爸最憎人無黎搭圾，你媽到今時今日都無題過啦，成日就係識話人依樣做得唔好唔O岩依樣做得唔足，咁佢自己呢？？？
不過老實講佢唔煲來對我來講係好事，我怕你媽的“湯”嚇死我爸我媽，到時我都唔知點解釋俾我爸我媽知你媽話菜水即是湯。對你媽我從來無諗過投桃報李，就算未嫁你時你媽入醫院整腳趾我都日日有湯水到，我仲要用貴野去煲足好多個鐘，之前一晚又要做好多功夫準備好D鹿根，你有眼見格，你話我唔行出第一步？？我晨早已經行出過不止幾多步啦！o個時我媽仲諗住都係未來襯家仲買左野諗住上來探病，去到樓下你媽都唔俾我媽上來又點計丫？？你覺得我同我媽可以點解釋？
更多更多o既事我亦唔知點解釋，我爸車我出院，你媽平時又唔見佢咁勇打俾我媽，o個日又竟然打去問我媽用咩車車我出醫院？！之後仲問我媽我爸係咪會原車走？？！！唔怪之得我爸我媽o個日走得咁快，我當時其實唔開心，點解爸爸媽咪會咁趕住走？好似唔係好錫我同丫b？無理由格？！！我的朋友未走時我仲好d，後來佢地都走埋我個心就慢慢沉……個傷口又痛丫b又成晚喊…..後來第日問我媽，我媽先講返俾我聽，我真係好嬲，其實依家都有嬲。老實講我貪全世界任何一個人封利是都唔會貪佢o個封利是，唔捨得可以唔俾，我丫b大把人錫，竟然話“唔食飯都俾你”都唔係人講o既說話，如果俾著我我就唔收，仲衰過乞，我同丫b訓街都唔會求到佢。

私人傳訊

emilywpy

大宅

積分: 1028

4^#

發表於 08-4-27 02:45 |只看該作者

之後我坐月，你媽攪攪陣無幫襯，黎到只係睇報紙同問我邊個掣開電視，我媽響廚房做到死o下死o下，我就響房試餵奶滋到死o下死o下大汗淋漓，有空閒時候就出來爬高收衫，你媽睇住當睇唔到，不過我痛住個傷口都唔會求到佢，你媽問我最多o既係點解丫b個頭咁長，我媽都答過幾次，一時話丫b耳仔摺左似豬耳咁，一時話佢二趾長過公，又話佢瘦好似我唔捨得俾丫b食咁，實在令人好討厭，我真係想同佢講我個仔就算殘缺都唔會煩到佢用到佢d錢，亦唔關佢事，我係為我自己生仔並唔係為佢，佢唔鍾意可以扯，當時我情緒其實好差好唔開心，我唔係想賴，但當時好少奶好大原因都係因為成日好憎佢落黎，之後向你投訴先慢慢開始多返d奶。到左我十二朝，你媽無薑醋雞酒，其實依樣野我無所謂，因為我一早估到你媽唔識煮，煮左我都唔敢食，但我媽就好介意，覺得做奶奶最最低要求都無，好離譜依d野無可能遲，後來“15朝？”o個時你爸先拎薑醋雞酒來，仲話你媽通左兩日宵來煲好辛苦，講到好為我好偉大咁，我就覺得，第一，唔想煲覺得辛苦不如直情唔好煲，我無要求過，我都同你講過佢顧掂佢自己o個邊就得，我只會食我媽煲o個d，我根本唔敢食你媽o個d，第二，如果自己選擇覺得要煲就應該提早準備，唔係我要佢到左“13朝”之後先開始準備，佢通左兩日宵係自己羅黎唔好講到好似我攪成咁。
之後就到佢要食過佢薑醋的人要俾利是佢，無論咩鄉下都好，講穿都係因為貪心貪錢，連你公司d同事無俾返利是佢佢就話人“怪”同責怪你無問人羅利是，我咁大個人都係第一次見人貪成咁！！！話自己唔係賣薑醋我就覺得根本就係響度賣啦……講多無謂，不過依件事對於我媽我爸來說就好好好憤怒，連個孫d利是都貪…..貪到走火入魔，大開眼界！

可能佢自己貪，覺得我都會貪個仔d利是錢，百日宴o個日除左極小心眼地施施縮縮問我邊條鍊係打邊條係屬於邊個送之外，仲千叮萬囑佢封利是係點樣的，講好鬼多次，得閒就講o下，我爸夠封一千蚊啦，封過唔只一次添啦，都無講過一次，唔捨得就唔好封咁多，唔係話唔置在，只係封得咁唔安樂不如收返把啦。到左新年，見你二家姐派利是俾丫b，又“教”我將丫b d利是要另外放開，話自己當年好均真，會俾返d利是d仔女，我駛咩要佢教我點做o者，我點做又關佢咩事？又係o個句，唔放心就唔好俾，佢可以好似對你咁對丫b格，話歷年o既利是錢都幫丫b儲起佢，第日丫b要用錢先一次過俾返佢都得格，係咁均真之前呃你話幫你儲o既錢響我地結婚要用錢時就俾返你啦，一邊要偷雞一邊仲要做司令。坦白講，邊個真係錫我個仔邊個唔係，做丫媽o既我又點會唔知？依件事上我好挑通眼眉的。我唔出聲唔好當我傻，只係我唔想你難做。丫b滿月咁大件事，你媽竟然好日都唔出街(搭車要錢…)，新年都唔去你大家姐襯家度但響滿月正日一早就走左去，我媽估到你媽唔捨得買燒肉拜光天拜你地祖先，突登之前一晚整定哂d紅雞蛋帶埋兩份大燒肉黎諗住帶埋丫b上去佢屋企，點知你媽咁樣，我媽話打死都話你媽係突特走左去，但我就覺得根本你媽就無心裝載，邊個有心邊個無心，撫心自問一下就知道。唔係話送好貴野俾丫b我先認為係錫，如果有心，唔送野我一樣會feel到，求其是旦搵個鼠年金牌洗都無洗過俾我豬年的丫b，仲大條道理話唔係金丫唔係錢丫！響屋企摷d舊野俾人叫有心的話，咁我識o既人之中就只得你媽最有丫b心了，都係o個句，唔想送根本無人迫過佢，無人要貪佢o個d野。成日話掛住丫B掛住丫B掛住丫B掛住丫B掛住丫B，真係聽到都毛管動，我坐月時佢落黎攪攪陣，丫B賴左尿佢即刻俾返丫B我叫我去幫丫B換片，連條片都唔肯幫手換，依D叫錫？？？！！

私人傳訊

emilywpy

大宅

積分: 1028

5^#

發表於 08-4-27 02:46 |只看該作者

以上依一切一切，唔好同我講“佢份人係咁……無心o既……算啦……”最多都係“佢又係衰o既”，你係佢個仔，就算事實擺在眼前，我有無作野你係知o既，你都忍佢就佢縱佢，我無野好講，亦無權反對，雖然你兩個家姐都唔會好似你咁，但我係你老婆，我只係嫁俾你，我同佢無拉無能非親非故無傾無講直頭朋友都唔可以稱得上，佢憑咩要我就佢？唔好再話因為佢係我“奶奶”，佢無做過我認為奶奶應該做的事，唔好再話唔好理人只要做好自己，對佢我唔會以怨報德，我真係無咁高道行。除左佢對我同丫b的種種之外，我眼見佢對自己丫媽都咁差，話以後唔睇佢，自己丫媽都咒佢風光大葬；終日當住好多人面前喝自己老公，開口埋口成日鬧佢老人痴呆，迫到個老公想要跳樓死都仲唔改；我地結左婚，你大家姐無封利是，鬧佢反骨孤寒鬧到你大家姐俾返先收口，攪到你大家姐又喊又急住俾返利是我地，你話幾唔好意思？好似我地同佢一樣咁貪錢；永遠唔會尊重人，你二家姐講左幾廿次叫佢唔好成日失驚無神鍾意就去開人地屋企度門，佢永遠唔理他人感受，自己覺得無問題就將自己o既開心建築響別人o既煩惱上；佢對其他孫由細到大都好少去睇佢地，但點解佢又好似好錫我地個仔呢？成日話要睇佢呢？講穿左咁係因為我地住得近，唔駛佢點郁就已經有BB玩之麻，執埋D又爛又污糟O既衫俾我個仔，我爸我媽都唔捨得個孫好似要窮成咁，叫我俾返你丫媽，你知我唔係介意要人舊衫，你二家姐個FRIEND俾D衫仔我地個仔我都不知以幾多謝人地，不過唔好當我個仔係乞兒丫，D衫又爛左又有黃積，唔係窮到o個個地步卦…；你表哥老遠響美國返黎，有心先話上黎探o下你o者，反而當正人地係慍神咁，自己小人之心諗人地係想屈佢請食飯，係咁鬧定人地先，話人地係大爺次次返黎想要佢請食飯，正宗小人之心猜度君子之腹；姑媽打個電話俾我地，死問爛嗆話姑媽邊有咁好死打電話黎！見到佢鬧依個鬧o個個d嘴臉，我成日都問個天點解我會識到一個咁o既人？？連落樓下大牌檔食野佢貪到連隻碗仔都要偷，第日俾個仔見到我都唔知點教仔，依d究竟係咩人黎嫁？？？因為我係佢新抱所以要我當佢“奶奶”咁對佢？？！！咁佢又點對佢自己奶奶丫？我都話會過時過節笑笑口應酬佢，聽講佢係完全唔理佢奶奶喎，我諗佢會響佢奶奶去了之後去睇一下羅…….種瓜得瓜，種豆得豆，其實你媽已經賺多好多。

我爸我媽就算知d唔知d都知道我“奶奶”係一個點o既人，會覺得個女生活一定唔會開心，做人父母亦好正常會咁諗，俾著第日我地個女嫁著個奶奶係咁o既我地都會好驚，所以你會發覺每一次返親屋企食飯我爸都買定好多野俾我地羅返去，比起以前再多好多，我媽腳跛跛親身拎上黎o既有幾多你都有眼見，連丫bo個d都買埋…..
因為你媽所做的事令到我屋企人成日好擔心我同丫b，我會有唔開心，我爸d生意越來越差你都知啦，加埋我哥我細佬已經令我爸成日好憂心，我唔開心連我同丫b佢都要擔心，加上佢係一個對我對丫b對佢週圍所有人同事都唔好o既人，我真係尊敬唔到佢，所以我真係唔可能改變對你媽o既感覺。撫心自問，如果佢唔係你丫媽，係一個陌生人，一個如此德行o既人，你會想識佢嗎？
老公，我知道睇到依度你會好唔開心，但我真係唔想次次同你講你丫媽都鬧交，我好想可以唔駛鬧交但一次過講清楚俾你知我對你媽o既感覺，我好感激你一直都支持我，因為其實你可以唔理我感受迫我，但你都無咁樣對我。你成日話我想搬令你有好大壓力，我是知道的，但我唔想呃你我係真係好想，依家話哂俾你知我係幾唔鍾意佢我諗你會明d點解我覺得搬係唯一比較可以解決問題的方法，不過我亦好明白搬屋係好大件事，唔係去街市買棵菜，我會等，等到我地計得掂數先，我應承你我唔會響未計掂數就話要搬，希望你明白。
我知你孝順，一直唔咁清楚直接咁講你知我係咁唔鍾意你媽係驚影響我地夫妻關係，但近排成日同你為此事鬧交咁，激氣程度仲慢慢升級，我覺得已經響起警號，我寧願挖開個心俾你知清楚，希望你唔好誤會我無事無幹無根無據就去唔鍾意你丫媽，唔明得哂都希望你明d，我真係鍾意唔到佢，對唔住

私人傳訊

wmpl

大宅

積分: 3000

6^#

發表於 08-4-27 05:00 |只看該作者

嗯!!很明白你會如此憤怒和傷心,我c6阿媽也是差不多,
而c6亦是愚孝仔一個,在此漩渦已掙扎近10年,
前兩年才猛然醒覺,忍耐不是最隹辦法,
有時你愈忍得,c6會認為你既然忍得就沒大問題或詐看不見,
因為他會慢慢覺你的忍耐是理所當然,
就正如他對自己母親的惡行會麻木一樣==

但正如我之前所講,求人不如求己,
你還是別太寄望你丈夫會為你做什麼了,至少短期內都不會,
不是他不想,是不敢做或未有能力做,
更或是不火燒眼眉都不會做,男人大多都是這樣子,
不管愚不愚孝,也喜歡把家事拖着,等到最遲最迫切時才去解決,
所以你還是多替自己打算,想些以柔制剛的折衷辦法吧!!

你99很討厭,所以要和99爭鬥是一件事,
但家庭幸福是自己的,不要為了如此惡毒婦人,
而無辜賠上自己與兒子的家庭與親情!!

最後有些題外話要講,
就是你可否重新編輯一下以上四篇post,
因段落和隔行都不太清楚,實在讓人看得很吃力,

不如把字體變回正常大小,再多分幾段會更好!!

[ 本文章最後由 wmpl 於 08-4-27 06:47 編輯 ]

私人傳訊

JFL

伯爵府

積分: 17193

7^#

發表於 08-4-27 08:06 |只看該作者

唉,好多屈結,都唔知点打開?佢係你最最最唔鍾意嘅人所以你可以原諒最頂唔順嘅同事但就唔可以原諒佢!或者試下唔好成日諗住佢,佢已霸占曬你所有嘅思想,你只會越諗越嬲,就越憎佢.我諗最好嘅報復方法就系完全唔去諗佢當佢隱形.唔好比佢操縱你嘅情緒!為咗佢成日同老公嘈,唔耤得啦.咦,我奶奶個人又系成日面黑果喎,我Ｄ朋友都話好怕見到佢,因為佢成日黑口黑面.但系佢個人又冇乜点,只系佢系天生poker face,佢都無辦法架!

[ 本文章最後由 JFL 於 08-4-27 08:08 編輯 ]

私人傳訊

kvstephanie

禁止訪問

積分: 1368

8^#

發表於 08-4-27 20:27 |只看該作者

提示: 作者被禁止或刪除內容自動屏蔽

私人傳訊

goodgoodgood999

大宅

積分: 1817

9^#

發表於 08-4-27 21:02 |只看該作者

好想知你c6有咩反應??
講晒出黎..個心都舒服晒啦...做得好...自己屈埋屈埋..容不易為左依d人屈出病架...希望你快d搬..開開心心生活~

私人傳訊

十月變形記

大宅

積分: 2703

10^#

發表於 08-4-27 21:48 |只看該作者

希望你c6睇完後, 明白你心情, 好好地同客觀地處理你同你99嘅問題, 唔好一味幫晒佢呀媽, 漠視你感受.

十月變形記: http://hk.myblog.yahoo.com/bibu-fish

私人傳訊

emilywpy

大宅

積分: 1028

11^#

發表於 08-4-28 00:05 |只看該作者

好多謝大家收看丫

登左出黎公諸於世仲減壓過俾左封信我老公丫！但當然最減壓就係可以搬啦..........

kvstephanie你所講o既"pk99唔厲琼"係咪佢個名o既諧音呢？？因為我個件野又係叫丫琼丫！！！

真係Q丫！

各位姊妹，封EMAIL係我響佢返工但臨放工時候SEND俾佢的，佢只係打電話俾我話已經收到，但無講其他野，我妁為佢返屋企之後先講，點知一路都無提過

，唔係佢話收到我仲以為SEND唔到丫！

mouth:

至於成效方便，唔可以話無，因為我老公打後都無同我因為佢丫媽D野嘈，但係......不出3個星期就又鬧過啦！

我4月9日俾佢，到4月25日晚佢就同我嘈了，詳情有興趣可睇我另一個TOPIC"今晚我老公竟然為左佢個衰丫媽同我講離婚"(SORRY好似賣廣告咁

)，我真係唔明我99究竟係食咩大，點解我老公明明平時係咁正義O既人都突然變成是非不分？！

佢係果D響地鐵見到有女仔俾人非禮佐唔敢出聲佢會出聲報警兼幫人做埋証人的人，但竟然睇住佢丫媽去大牌檔食野話人地唔肯計佢平D而偷人地碗碟都唔出聲！！！大家話我邊夠我99鬥？？

換左係我，我諗我老公一定會鬧到我飛起兼長期公民教育加思想勞改我啦！

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

12^#

發表於 08-4-28 00:44 |只看該作者

你99真係賤賤賤賤賤賤賤賤賤(下刪1000字)格!!!!
你老公擺到明唔會幫你+唔想理你同佢阿媽既事,真係............唉~我都唔知講咩好.....

真係"鄧"你慘!!!!

私人傳訊

小小太陽

大宅

積分: 2301

13^#

發表於 08-4-28 01:23 |只看該作者

偷人地Ｄ　碟。。。。。。。。。。。

mouth:

私人傳訊

bbfish1992

子爵府

積分: 14777

14^#

發表於 08-4-28 03:59 |只看該作者

Feel sorry to read your story. Once i've a very 非常99 as well, & almost lead to permature labour at 24 week! At last, i had a low-birth-weight BB. Two times, I've packed & prepare to move to my brother's flat because of arguement with my hsb (i was not living with my 99 at that time).

Clam dowm & reconsider:
1) is it worth to 離婚 because of a third "unreasonable" person
2) some words cannot be said -- 離婚 -> 潑出嘅水，收唔番 , advice from my mother
3) it seems that the problem comes from the personality of your 99, & most people, including your family also agree; so take it easy
4) my way to face my 99:

- whenever she said sth that i did not feel easy, then i left to do sth else;
- avoid to meet with her, --> out of sight, out of mind

[ 本文章最後由 bbfish1992 於 08-4-28 04:08 編輯 ]

私人傳訊

bbfish1992

子爵府

積分: 14777

15^#

發表於 08-4-28 04:06 |只看該作者

竟然睇住佢丫媽去大牌檔食野話人地唔肯計佢平D而偷人地碗碟都唔出聲

it involves some virtue / moral concern in making the decision of 出聲. have you talk with your hsb about this incident & show your concern to his feeling.

i understand that your feeling & emotion must not good. i'm trying to see the events from different point of view to let you feel more easy & let go the emotion.

if you don't like what i say, just ignore this script.

[ 本文章最後由 bbfish1992 於 08-4-28 04:09 編輯 ]

私人傳訊

goodgoodgood999

大宅

積分: 1817

16^#

發表於 08-4-28 10:23 |只看該作者

EMILY..
換轉係你偷碗碟..你c6搵人拉你都似

..haha講笑咋...你99可能比左d咩葯你c6食..食到佢上晒腦..呀ma做咩都係對既...

私人傳訊

alphabetagamma

珊瑚宮

積分: 108856

環保接龍勳章

17^#

發表於 08-4-28 11:04 |只看該作者

你老公究竟會唔會睇晒個email呢?

私人傳訊

alphabetagamma

珊瑚宮

積分: 108856

環保接龍勳章

18^#

發表於 08-4-28 11:11 |只看該作者

原文章由 bbfish1992 於 08-4-28 03:59 發表
2) some words cannot be said -- 離婚 -> 潑出嘅水，收唔番 , advice from my mother
...

我媽咪成日都咁教我. 通常成日講離婚果位, 都係靠嚇的, 最後都係最後悔果位.
我係樓主另外一個thread到見到, 佢老公成日大大聲係咁叫離婚, 一d都理過樓主的感受, 見到樓主為左bb都係硬食同忍. 我估最後悔的會係樓主老公.

私人傳訊

clementying

男爵府

積分: 9461

19^#

發表於 08-4-28 16:35 |只看該作者

男人好多時傷害左女人好多都唔知
仲以為自己好鍚俾晒最好既女人
只係女人唔知足、唸得多、妒忌

但係，男人就係自以為聽明
不肯面對現實
只會幫住自己阿媽
咩事都叫老婆忍

我想講
如果一開始，男人都係要阿媽，唔要老婆
鍚阿媽，多過鍚老婆既

點解拍拖時，結婚前講到有呾山盟海逝
如果真係咁愛阿媽多過愛老婆既

請男人
同阿媽拍拖
向阿媽求婚
晚晚攬住阿媽訓
叫阿媽同你生仔
叫阿媽同你捱，早上出去工作，晚上湊仔、做家務
叫阿媽受你唔知幾多無理取既氣

男人，仲有冇野講
如果仲要幫住你阿媽，同佢用N咁多既理由話老婆既
唔該你地娶阿媽做老婆，我做你阿媽
可以係咁呼喝你，搵你老婆黎出氣

女人，有D咁既男人，唔駛驚
堅強D
大把姊妹支持你
捍衛女人的尊嚴

[ 本文章最後由 clementying 於 08-4-28 16:36 編輯 ]