婆媳關係 今日: 0 | 主題: 27782

積分: 104

1^#

發表於 08-4-7 15:49 |只看該作者 |倒序瀏覽 |打印

同6299一齊住，佢哋幫我湊bb，由bb出世到而家，我無日開心過，留在家裡我就覺得好辛苦，佢地超緊張bb，我覺得好大壓力，又覺得bb好似俾人搶走咗咁！就連我抱吓bb，我都覺得好似要得到佢哋批准咁。我又瞓得唔好，因為成日形住佢地會入我房抱走bb。

出完街回家途中，我就會好恐懼！因為返到去又要面對佢哋。

我就嚟精神崩潰喇！

0 0 0

私人傳訊

kasumi4101979

積分: 438

2^#

發表於 08-4-7 17:03 |只看該作者

放鬆d啦~

我初初生完都係咁丫.....
不過我知6299都好錫我個囡....
大家都係緊張個bb姐......
我都有同老公呷過.....
去健康院仲叫我見社工tim....
同佢地傾完心情好好多.....

唔開心唔好收收埋埋丫....多d同人傾訴下

私人傳訊

tiggertigger

積分: 4608

3^#

發表於 08-4-7 17:49 |只看該作者

原文章由 Lazy_Mum 於 08-4-7 15:49 發表
同6299一齊住，佢哋幫我湊bb，由bb出世到而家，我無日開心過，留在家裡我就覺得好辛苦，佢地超緊張bb，我覺得好大壓力，又覺得bb好似俾人搶走咗咁！就連我抱吓bb，我都覺得好似要得到佢哋批准咁。我又瞓得唔好，因為成日形住佢地會入我房 ...

我十分明白，因為我都係咁，去廚房加d水俾阿囡飲，
佢就問"你做乜呀?飲奶呀? "
我答"唔係呀! 飲水呀!"
總之佢就乜野都要知道，又唔知自己咁做令人好大壓力。

不過可能我性格天性樂觀，而且我同佢住左5年，佢地明我性格，
我一唔滿意，我就會出聲，我忍唔到會答佢
" 使唔使寫批文呀? "
佢地就唔會出聲，因為佢地真係好煩，我頂唔順。
不過老實講，關係就會從此差下去。

私人傳訊

KoyeBaby

子爵府

積分: 12904

醒目開學勳章畀面勳章

4^#

發表於 08-4-7 18:06 |只看該作者

我都好明白你嘅處境...我99都係"每事問",咩都要知,咩都要理,但係完全幫唔到手之餘仲要搞破壞!!佢可以問都唔問就喺我手搶走bb,好似係佢生咁,不過我都當佢透明,佢講嘢當佢發癲,佢想搶走bb就借d意唔俾!!!你唔好俾咁多壓力自己,你真係覺得有問題咪出聲囉~或者借你老公把口同佢哋講都得架!你驚佢哋夜晚搞你個b,不如鎖門呀,話想有私人空間,自己會安心d囉!!!

私人傳訊

cindyfan523@hk

積分: 2896

5^#

發表於 08-4-7 23:11 |只看該作者

回覆 #1 KoyeBaby 的文章

so i am!!:;pppp:

私人傳訊

積分: 104

6^#

發表於 08-4-8 09:32 |只看該作者

原文章由 tiggertigger 於 08-4-7 17:49 發表

我十分明白，因為我都係咁，去廚房加d水俾阿囡飲，
佢就問"你做乜呀?飲奶呀? "
我答"唔係呀! 飲水呀!"
總之佢就乜野都要知道，又唔知自己咁做令人好大壓力。

不過可能我性格天性樂觀，而且我同佢住左5年，佢地明我性格，
我一唔 ...

今朝個賤人99八點半就衝咗入我房，話要抱走bb，我拒絶咗，話等陣先抱出去，我真係好嬲！

你就好啦，可以駁番99，我唔敢呀，因為始終一齊住，我又唔想我老公唔開心。我而家成日諗，不如就當個bb唔係我生，咁樣我會開心啲。

私人傳訊

fanny豬豬

別墅

積分: 879

7^#

發表於 08-4-8 10:14 |只看該作者

又唔好諗到咁灰, 同一齊住係咁, 你6299都係緊張個孫ja, 而且坐月時就唔好做野啦, 坐月好緊要架, 坐得好身體都會好d。如果你成果都係咁唔開心, bb都會唔開心架(會feel都架), 將來bb的性格又會唔開心。我都係同99 住, 我未有呀囡前, 佢成日都搵野罵我地, 比野我聽(重要係羅佢個時代黎話我), 又話外家親過我。最搞笑係, 比野我聽時, 佢會用廣東話, 唔比得我聽時, 佢會用潮州話。我初時都無同佢罵戰, 你同佢對罵, 佢重激。又唔想老公難做, 所以唔like未關門入房或者出街。到呀囡出世後, 有咩對呀囡唔好, 我就出聲(只會話佢同呀囡唔好的事, 我嫂嫂重激)。算啦咁大年紀, 忍下又唔會死。唔開心時, 未帶呀囡出街。有時工作都唔開心架, 但係一返到屋企見到囡囡, 咩都唔記得啦。今日唔知聽日事, 做人開心d好, 個人開心d, 做咩都順暢d。

家姐 2005年12月19日出世﹗ 細佬 2010年11月1 日出世!

私人傳訊

maymei

別墅

積分: 958

8^#

發表於 08-4-8 13:11 |只看該作者

多O的搵朋友or上黎傾下..有時唔開心的o野,解決唔道(一定要同奶奶住&揍)就同要講出黎..唔好屈係個心都..!初初係咁la.唔係自己揍..不如係好的方面諗..99揍一定鍚,起碼驚小一樣(請工人會對bb唔好啦)..仲有乜野.唔好意思直接同99講..就要搵老公開口啦!
至於話透唔到氣.

...我好明白..因我之前都係咁..情況不下於你..過佐咁耐..唔講la

..之後諗返..覺得自己"好傻,好天真"..........仲之有乜唔開心..同朋友講下..會好屈埋屈埋!
你可以pm比我傾下!

私人傳訊

naomicft

積分: 2538

9^#

發表於 08-4-8 14:48 |只看該作者

唔好俾咁大壓力自己啦, 我果陣情況同你差唔多, 我都係同6299住, 初初生完想抱bb次次都俾99搶左, 我好似唔抱得咁, 想幫bb沖涼都唔得, 佢話我唔識. 大佬, 學下就識啦, 總之個bb好似係佢生咁(呢樣應該好多媽媽的99都係咁)。但係你諗下, 你生完bb, 你都學緊點做一個媽媽, 有邊個天生就識做人阿媽, 都係慢慢學, 慢慢你都會學識點樣"對抗"別人(其實呢d係天性), 因為你會為左你最愛的bb而改變, 學懂保護佢, 所以做媽媽係好偉大架, 哈哈。本來99同bb做d乜就算我好唔滿意都唔出聲, 但日子耐左, 發覺原來我唔出聲係唔得, 因為佢地已經以為自己可決定bb的所有野, 到左呢個時候我已經忍唔住, 開始識出聲反抗, 佢一同bb做d乜都要得我同意, 例如幾時沖涼, 幾時食野. 因為佢地唔會諗其他, 總之bb喊就俾佢食, 咁樣唔得架麻. 你可以由小事著手, 慢慢拎返主權, 至於佢入房抱走bb囉, 緊係鎖門啦, 唔洗理佢, 你唔鎖門佢地永遠都唔知原來騷擾緊你, 呢個係最直接的方法, 如果佢地叫你開門, 就算冇野做你都話等陣先. 總之唔好一下就俾佢入房. 如bb訓緊, 佢how門你就開條門gap同佢講野, 總之唔好俾佢抱bb出去. 日子耐左一定得. 總之希望你開心d啦, 初初情緒一定唔好, 我坐緊月都喊過幾次, 因為真係好辛苦(對住緊張大師6299, 又唔理我感受), 但唔開心記住同人傾呀, 唔好屈埋, 呢到好多人都會明白你感受, 或者搵自己屋企人傾, 佢地係最能開解你的!be happy!

私人傳訊

A.C.C.

積分: 3786

10^#

發表於 08-4-8 15:25 |只看該作者

原文章由 Lazy_Mum 於 08-4-8 09:32 發表
我而家成日諗，不如就當個bb唔係我生，咁樣我會開心啲。:cry ...

唔好諗得咁消極啦，BB當然係你嘅，無人可以代替媽媽架~~~

啱啱生咗BB，要餵奶，又要照顧BB，自己又唔夠瞓，傷口又痛，D產後荷爾蒙又亂七八糟.....如果加上身邊人又唔識做，一日到黑煩住晒，好容易就會火山爆發。

我個時生完都同你情況好似，不過煩我嘅唔係奶奶，係陪月阿姐同我阿媽，好唔好彩，唔知點解佢兩個一開始就唔啱傾，一個話東一個話西，嘩，個時真係煩到嘔。

單單係一餐飯，兩個女人就差唔多要係廚房打起上來

，一個要焗飯一個要蒸飯，一個要買菜心一個話有農藥，一個要加牛肉一個就話會"發"，一個加陳皮一個就話唔係咁煮......

由湊B換片餵奶沖涼到薑水煮飯，佢兩個都唔同意見，而中間個磨心就係我，我啱啱開完刀，連聲都未開，就要仆落床去做和事佬.....

本來都無同老公講，後來真係忍不住，有晚諗諗下，半夜抱住BB喊足兩個鐘收唔到聲，後來老公幫手出聲，換過個陪月，又同阿媽講請佢唔好太緊張，俾我地自己試下湊，咁先好D。

有乜唔開心嘅事，你可以先同老公商量，佢唔一定可以解決到，但係起碼會分擔下心事，千祈唔好想一個人單打獨鬥......

而你奶奶個邊，可唔可以心平氣和咁同佢地商量？係咪選擇固定時間請佢地幫手會好D？因為BB都需要正常休息，瞓咗又抱來抱去亦唔係咁好。
比如你休息瞓覺同吃飯時，就交俾佢，餵奶時就還返俾你，直到掃風之後，再俾BB係你房瞓一陣。

做咗媽咪係多好多野煩架，要加油呀~

私人傳訊

beckytamhk

別墅

積分: 870

11^#

發表於 08-4-8 16:57 |只看該作者

我都好同意, 做左人地亞媽之後真係會為左 bb 而變架!!

但係我就唔係同 6299 住, 但係都已經好煩, (bb 係比佢地湊既) , 因為 c6 唔會幫我, 次次同 c6 呻, 就只會係喊既收場, 因為係 c6 眼中, 佢既父母就係岩哂既!

不過岩岩生完個情緒係差 d 既, 我個時都係咁, 我個時差唔多日日都喊呀!! 因為覺得冇人幫到我, 好彩我仲有我mummy同家姐幫我, 個時個難頂 99 仲要成日煩住哂!! c6 又唔理我, 但係我又唔敢講比我 mummy 知, 因為驚佢膽心.... 唉... 總之就辛苦!!

不過之後我放完產假番工就好番好多, 因為同同事傾吓, 又同 d 朋友出吓街咁...就會好 d 架喇...

be happy 喇!! :)

原文章由 naomicft 於 08-4-8 14:48 發表
唔好俾咁大壓力自己啦, 我果陣情況同你差唔多, 我都係同6299住, 初初生完想抱bb次次都俾99搶左, 我好似唔抱得咁, 想幫bb沖涼都唔得, 佢話我唔識. 大佬, 學下就識啦, 總之個bb好似係佢生咁(呢樣應該好多媽媽的99都係 ...

私人傳訊

積分: 104

12^#

發表於 08-4-8 22:48 |只看該作者

好多謝咁多位媽咪的安慰:-P ，同大家分享吓，我真係開心返啲！

仲有個幾月就返工，希望到時好啲啦，其實我想快啲返工，可以唔使對住佢嘛！

私人傳訊

applesimon

男爵府

積分: 5578

13^#

發表於 08-4-9 00:12 |只看該作者

原文章由 Lazy_Mum 於 08-4-7 15:49 發表
同6299一齊住，佢哋幫我湊bb，由bb出世到而家，我無日開心過，留在家裡我就覺得好辛苦，佢地超緊張bb，我覺得好大壓力，又覺得bb好似俾人搶走咗咁！就連我抱吓bb，我都覺得好似要得到佢哋批准咁。我又瞓得唔好，因為成日形住佢地會入我房 ...

放鬆d呀,如果唔係好容易產後抑鬱呀

私人傳訊

lalakiki

積分: 204

14^#

發表於 08-4-9 01:12 |只看該作者

無可能搬出去住嗎??長期下去,可能會顛呀!!

私人傳訊

zone

伯爵府

積分: 15295

畀面勳章

15^#

發表於 08-4-9 09:05 |只看該作者

我奶奶都係咩都問咩都要知,有次囡囡d便便唔同左色(因為佢身體問題,醫生話如果佢便便唔同色要立即返入醫院)佢又係到勁問,我咪唔簽佢囉,佢問左大約七次,自已無引,走左.

私人傳訊

tiggertigger

積分: 4608

16^#

發表於 08-4-9 16:43 |只看該作者

哈哈原來好多99都係咁. 最攪笑係佢地成日搶住黎抱b 推車仔呀!
人家以為唔係我生嫁我咪笑笑口話" 個囡唔係我嫁，成日都唔0係我手嫁啦" 佢地有時都明我講乜，有時會扮唔知，照擰我個囡去 show show，去親飲茶佢最鍾意擰我個囡同d 伙計傾計。

而家我索性俾返我媽湊呀! 佢地見都無得見呀!
反正我媽湊得好好。

我本身都係一個天生快樂人，不過坐月時都喊過一次，情緒到而家都好緊張，應該話大上大落，小小事都會激到爆 (只對6299既事) 唉.. 不過我都贊成有事要出聲發哂出黎會好好多嫁。

私人傳訊

積分: 104

17^#

發表於 08-4-10 12:49 |只看該作者

原文章由 tiggertigger 於 08-4-9 16:43 發表
哈哈原來好多99都係咁. 最攪笑係佢地成日搶住黎抱b 推車仔呀!
人家以為唔係我生嫁我咪笑笑口話" 個囡唔係我嫁，成日都唔0係我手嫁啦" 佢地有時都明我講乜，有時會扮唔知，照擰我個囡去 show show，去親飲茶佢最鍾意擰我 ...

我都係成日咁同我啲fd講，「個bb唔係我架，我成日都見唔到bb。」

今日我成朝都特突唔去睇bb，一去睇佢，阿賤人99又有說話我聽喇，話我點解要幫bb戒夜奶，人地bb戒咗係人地既事！叫我夜晚一定俾佢食。唉.....你就好啦，可以俾返媽咪湊，我都好想有咁既一日！

私人傳訊

tiggertigger