婆媳關係

收藏本版
發帖
返回列表
跳至頁

首頁
12345...8

尾頁
   0
kwongmong


民房

積分: 30


1#
發表於 08-3-28 16:53 |只看該作者
我經過呢度，驚見，甚至有小小震撼呢度女人仇恨奶奶的程度，我唔知大家有冇仔女，如果有，有一日你地仔女都會長大。佢地都會結婚生仔。今日你地奶奶所面見的，就係日後大家所面見的。
我唔敢講，個個奶奶都係好相處，但係就算幾難相處，佢都係你老公個阿媽，就等於外母幾難相處，佢都係你老婆個阿媽。o係你未出現之前，你老公同呢個阿媽已經相對左二十幾年，o係呢二十幾年，呢個女人對你老公所付出的愛，一定比你對你老公所付出的愛更多同更偉大。
如果你老公可以夾埋你一齊恰老母的話，我覺得你冇咩值得開心，因為一個對佢全無保留付出愛的人，你老公都會咁對佢，日後你老公一樣會咁對你，因為你老公唔係一個念情的人。
對老人家好，對老人家體諒，唔係做俾咩人睇，係做緊一個榜樣俾仔女睇，你有孝心，你仔女就有孝心，你冇孝心，日後你d仔女一樣不孝。
我阿媽都曾經做過人新抱，我阿嬤係一個極難相處人，我媽媽處處忍讓。佢掉番轉叫我要孝順嬤嬤。我阿嬤過生，佢比任何一個新抱都傷心，但係我阿嬤最唔錫佢，因為我阿嬤亦最唔錫我爸爸。(原因係我爸爸係俾外人湊大)。我媽媽成日都講，無論嬤嬤點樣最唔錫你爸爸，但係佢始終係你爸爸的阿媽。
細細個，我媽媽成日問我，第時佢老左，我會唔會掉低佢，我話唔會。我媽媽笑笑講，聽住先，要等到有一日你結左婚，到媽媽百病纏身，一d用都冇o個時你先講呢句說話。
我唔知大家知唔湊大一個仔需要幾多心血，但係如果個仔大過之後無情無義，你地又何苦生佢出來。
屋企唔係講道理地方，一家人相處，係睇你包容之心有幾大。如果道理可以講得清，天下一早就太平。

我強調一次，奶奶唔一定好相處。但係你點對奶奶日後你個仔可能就係點對你。
私人傳訊

路過的貓


民房

積分: 20


2#
發表於 08-3-28 17:10 |只看該作者
其實我都好有呢d感覺…

1. 有d人同奶奶一齊住，話奶奶點點點…我心諗…如果你奉子，暫時住住先，ok，我理解，但係有d係結婚前明知要一齊住，都仲結婚，結o左婚鬧奶奶，呢樣我好唔理解，一來點解你仲要結婚？二來咁你話晒都係叫入侵者，人地配合你生活，係人情，人地繼續自己生活，係道理。你只係人地新抱，你老公阿媽阿爸點做你固然無權理，你老公個家姐、阿哥、細妹、細佬、表哥、表妹…所有屋企人做o既事你都要管？有無霸道d呀？仲要有d一路怨，一路仲要生仔，我好衰好衰好衰咁講，你又唔鍾意痴奶奶，連兩個人搬出去本事都無，仲生咩呢？

2. 帶小朋友，我又好好奇，如果你有能力，咪請工人，如果無錢俾奶奶…你應該仲無權出聲喎。如果你覺得你媽帶小朋友好d，你可以俾佢帶o架。個仔/女你o架嘛。

3. 最搞笑，係連奶奶大聲講o野都要話，奶奶有個錢又話，連奶奶出去玩都話…奶奶係人o黎喎！咪以為佢係聖人得o架。

我有時覺得呢度d媳婦可以同情，但係有時的確係佢地太小心眼同太小器，有時老人家唔識講o野，又大造文章，又話奶奶黑心又話乜…如果你奶奶真係咁衰，咁點教得好你老公？你又做乜嫁佢？

[ 本文章最後由 路過的貓 於 08-3-28 17:26 編輯 ]
私人傳訊

YYZ


大宅

積分: 4180


3#
發表於 08-3-28 17:42 |只看該作者
係呀! 我啱啱先POST完我99有乜唔好, 係我睇唔過眼既 , 有乜野令我討厭...

不過我每WEEK都主動叫我老公約62 99飲茶, 主動叫我老公同佢地去旅行, 剛剛先約左62 99明日食LUNCH (仲要係我老公唔會join wor).

做新抱, 我都算係咁, O係度"慎"完, 咪又會陪99傾偈(我老公兩兄弟同62都唔同我99傾偈, 怕煩), 老人家嘛!
做o左740天奶媽, 終於收工啦! 各位繼續努力哦!

私人傳訊

必朱


男爵府

積分: 5907

醒目開學勳章


4#
發表於 08-3-28 17:55 |只看該作者
奶奶唔係聖人 ! 新抱都唔係聖人 !
係有時有d post 係偏激d , 但好多都會比d正面公道意見.
同時我相信好多bk 媽媽係一路怨，一路仲要生仔/女 , 但同時一路對6299 唔差 , 唔通呻下舒緩下, 發洩下都唔可以 ? 有冇傷害到其他人呀 ? 屈係心度會病o家 , 會增加政府醫療開支嫁!

私人傳訊

kwongmong


民房

積分: 30


5#
發表於 08-3-28 17:55 |只看該作者
我有一個朋友，佢準備生BB，但係佢地都話希望個仔係俾奶奶湊。就算係請工人，都係請工人幫奶奶手，唔係俾工人湊，因為o個個仔係你地個仔，係奶奶孫，冇人俾祖父母更愛你地仔女。佢地緊張孫程度未必輸蝕過俾你地兩個所謂爸爸媽媽。
所以，有一樣野可以肯定，就係一切出發點都係為左BB好，但係出發點好，唔代表結果好。奶奶唔係食古不化，只係大家唔識得拿出理據或者事實証明令佢信服，所以佢地非常相信自己經驗。因為你地老公都係咁俾佢湊大。
經驗有時比理論更有效，所謂理論，講得簡單d，其實係人地經驗，或者係一d所謂專家提出觀點，但係，有時所謂專家，佢地可能連屎片都未換過一條。
湊仔女，唔係講理論，係講觀察。觀察自己仔女進度俾死守咩幾個月可以食d咩，幾多個月學d咩更緊要。
每個BB都唔同，正如我地每個人都唔同一樣，有人天生身手好，有人天生讀書好。多d去了解奶奶o個經驗，去反思佢地點解會咁樣做，有時你會發覺，某程度上，可能可地先係更符合你仔女情況。
我唔敢話有一個湊仔天書，亦唔信有湊仔天書，我覺得湊仔呢家野真係各施各法。理論只係參考，但係唔好變成教條，一成為教條，就只會教出一個死固固，又唔識變通BB。
唔好成日o係度講呢樣o岩，o個樣錯，對錯其實係非常相對，唔係絕對。
大家成日話要俾BB干淨空間，但係大家又知唔知日本人幫BB打菌。廣東十虎方世玉，佢細細個，俾佢爸爸媽媽喂毒，佢大個之後變成百毒不侵。當然，呢d係極端例子，我唔係叫大家幫BB喂毒，但係太衛生空間成長的BB會成為一個病君，大家有冇諗過?
有冇諗過點解有人冇咩病，有人風吹下都病?
好似咬碎D野俾bb食，有人覺得好核突，其實，你同你老公親吻之時，或者床上之時埋仲核突，仲唔衛生。又唔見你病?
所以好多時，並唔存在邊個O岩或者錯，大家都冇錯，只係從觀點出發唔同。我食左我阿媽咀嚼過D野幾年，又唔見我病，我老豆成日食我食淨野又唔見有事。當然街外人食過野你唔會食，因為你都唔知佢係邊個。但係如果媽媽O個日有病，佢都會分開菜食飯。問題並唔係咀嚼過食物，問題係，咀嚼O個日，O個個人有冇病。你有病，你都唔會錫你老公同仔。當然，我亦唔反對D人用較剪剪碎或者搗碎食物俾B食。只係我覺得兩者都冇問題。

中國有兩句說話我覺得大家可以O係相處之道上思考下，
一係......求同存異
二係......百忍成金
私人傳訊

clintonma


別墅

積分: 652


6#
發表於 08-3-28 18:21 |只看該作者
今日既MAMA"有可能"做人奶奶/外母, 但做人奶奶既"一定"做過人地心抱.... 佢地幾十年人啦, 仲經歷過做人心抱都唔體諒個心抱, 你又如何期待做心抱既可以想像同明白到如何做人奶奶/外母?

人地呻下啫, 你又唔係人心抱點知咁多 ? 就算係你又唔係嗰d 99既心抱, 你又點知有幾惡頂? 好多細路女俾親生阿爸搞添啦, 你未試過你又會想像到親生阿爸會咁禽獸?

私人傳訊

小寶貝兒


珍珠宮

積分: 30295


7#
發表於 08-3-28 18:28 |只看該作者
我剩係想講, 長年累月對住個咁極品既99既人係我唔係你, 佢病左要人服侍果個又係我, 病好返被佢屈我完全冇理過佢果個又係我, 無啦啦比人屈落仔果個又係我, 無事啦啦一d都冇惹過佢就被佢鬧到呼吸困難心跳加速手震腳震差d暈底果個又係我.....

我係d咁既情況之下都從冇惡言相向過一句, 咁多99既朋友, 親戚(除左無理取鬧果d), 冇人可以係我既言行度挑剔我係一個壞新抱.....

我99d氣有我黎受, 我d氣有邊個會受?!

咪只有上下bk, 呻下, 聽下d同道中人既開解, 之後咪又要笑笑口咁去面對99~~

連我老公都頂佢唔順, 讀大學果幾年, 除左過時過節, 同拎d衫返黎洗換, 多返黎一次都唔肯!! 佢自己都頂唔住佢阿媽, 憑咩娶一個外人返黎, 就要個外人對自己阿媽好過自己對阿媽?!

你未遇到一個惡頂既外母/99, 係你好彩!!
唔等於人地遇到不幸都唔可以出聲既!!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

bigbigsnake


男爵府

積分: 5567


8#
發表於 08-3-28 18:33 |只看該作者
我想大家只是找一個發洩的渠道, 因為大家素未謀面, 又冇自己男或女家的親朋戚友在此 (就算有都未必知, 因為大家都用nickname), 大家只係留留言, 其實未必真係對99咁差...

人一定有磨擦同睇唔順眼的時候.... 老實講, 我想有好多都係因為唔想同c6講, 又唔想同自已呀媽講因為怕佢老人家擔心所以d forum 至有咁多人留言....

做到和諧共處當然好, 但真係相處有問題時, 我覺得一定要找方法解決... 不可能死忍, 例如少d見, 同朋友傾下... 或然者係呢度留言比人鬧醒下....如果唔係一定自己屈死
私人傳訊

~QQ~


大宅

積分: 1322


9#
發表於 08-3-28 19:29 |只看該作者
我覺得 呢到係講婆媳關係ga 甘當然有好的同唔好的事啦
開得呢個post就係比人發洩下 唔洗放係個心到
老實講呀 99有好的同唔好的 新抱都一樣有好的唔好的
99要發洩唔通走上黎bk咩 梗係四圍同d3姑6婆發洩啦
甘我地做人新抱的點呀 咪又係由佢當面比佢發洩
甘好啦 新抱咪走上bk發洩lo 每一個家庭都唔同
當中一定會有經歷 無論係點 結婚都係2人的事 唔係99的事lo
要生仔的梗係為左所愛的人先會生啦 又關個99咩事呀
若然個99係好的 個仔都唔會唔尊重佢啦
可能就連結婚都要問準個阿媽啦
本人應為 上黎bk發洩有咩問題 如果真係覺得有問題的話 不如直接唔好睇婆媳關係呢個post
私人傳訊

hinhofion


大宅

積分: 4120


10#
發表於 08-3-28 19:37 |只看該作者
又一個會野起爭辯ga話題
其實上黎呻下者,如果呻完會令人開心d ga,咪由得人呻下lor,無傷大雅,每個人ga想法,面對ga野都唔同,唔岩睇ga post可以唔會應
對同錯冇人可以下定論,公說公有理,婆說婆有理....至於人家生唔生bb,任何人都無權批抨lo
私人傳訊

kobaby516


別墅

積分: 674


11#
發表於 08-3-28 19:46 |只看該作者
樓主，你真的很有勇氣，講左我d心聲，我其實都想出聲，但係都吾敢，可能講左會俾人狂鬧!俾十個叻你!
仲有可能大家會覺得，你奶奶對你好，你當然咁講!俾你遇到刻薄的奶奶，你會咁講!
當然，我覺得上黎吐下苦水冇咩問題!
但我睇過幾個post，係講想老爸奶奶快d死，我覺得好心寒呀! 就算一個陌生人，咒人死都吾好，何況仲係你們的家人!(可能你們不認為)
仲睇過一個post好似係講6299病左會吾會照顧下，我睇到有好多人講，由得佢，話死佢生定死，最好快d死!一腳踢佢落樓梯，我覺得好恐怖呀!這似是讀過書的人講的說話嗎？
你可能已經為人媽媽，或會成為媽，可否為下一代想下!你是他們的榜樣!
現在人已經不知道什麼是孝道... 睇過幾個post，我同我老公講，現在的人好恐怖，講到奶奶好似殺父仇人咁!
有d姐妹講奶奶的不是，睇得出係吐苦水，但有d真的是惡毒!
我有朋友都有個野蠻的奶奶，佢奶奶好惡死，又勢利，但佢會嬲佢，但不至於咒佢早d死!!有時換角度想一想，人總覺得自己吾會錯，第日你新抱咁對你，你有何感想!
私人傳訊

hinhofion


大宅

積分: 4120


12#
發表於 08-3-28 19:46 |只看該作者
原文章由 bigbigsnake 於 08-3-28 18:33 發表
我想大家只是找一個發洩的渠道, 因為大家素未謀面, 又冇自己男或女家的親朋戚友在此 (就算有都未必知, 因為大家都用nickname), 大家只係留留言, 其實未必真係對99咁差...

人一定有磨擦同睇唔順眼的時候.... 老實講, ...


好有道理,唔通上網呻下苦都視為衰新抱咩 ,只係係到鬧下發洩下者,真實情況又冇人知,可能相處ga時候唔係咁呢,有邊個想成日同c6嘈woo,就係唔想係c6面前呻99 ga不是,先至上網訴下苦,散緊d怨氣者.....屈得耐會有精神病架
有d網友夠想6299死la,上網講下者,唔通真係整死6299咩,講下者,又唔係犯法
私人傳訊

aemc


水晶宮

積分: 54556

環保接龍勳章


13#
發表於 08-3-28 20:08 |只看該作者
一家唔知一家事,家家有本難念的經。我相信大家都只是發洩一下,唔通真係去做咩!大家應學懂包容!
私人傳訊

jackie1986


男爵府

積分: 7028


14#
發表於 08-3-28 20:14 |只看該作者
其實....我係呢度學到,將來點樣成為好奶奶
(雖然,未必會真係做到一個一百分的奶奶)
bk mama上黎鬧奶奶,都係發洩一下
講真,如果將來新抱唔鐘意我,
我先會檢討一下自己係唔係做錯囉
奶奶(或新抱)為人唔好,對方唔鐘意...我覺得好正常~
最緊要大家可唔可以互相遷就囉
同埋我見有人認為,奶奶煮飯煮得幾唔好食,
(我奶奶煮野都ok的)都唔應該話奶奶
但我覺得,覺得唔好食,係一種"感覺"
奶奶為我煮餐飯,我會多謝佢,但我覺得比d意見唔係錯~
如果老公話我煮野難食,
我唔係要唔開心,唔係發難
而係改善自己既廚藝囉
私人傳訊

KT二少奶


別墅

積分: 687


15#
發表於 08-3-28 20:45 |只看該作者
原文章由 hinhofion 於 08-3-28 19:46 發表


好有道理,唔通上網呻下苦都視為衰新抱咩 ,只係係到鬧下發洩下者,真實情況又冇人知,可能相處ga時候唔係咁呢,有邊個想成日同c6嘈woo,就係唔想係c6面前呻99 ga不是,先至上網訴下苦,散緊d怨氣者.....屈得耐會 ...


同意
私人傳訊

樂俊藍媽咪


子爵府

積分: 14265


16#
發表於 08-3-28 21:38 |只看該作者
我都知會有做99或者外母既一日
所以99點對我我唔會唔理佢
以前佢做d野激到我好(褸)時
我曾經講過我以後唔會理佢（包括同９９個家姐講）
但當過左果到氣你就唔會
我大仔當時都知發生一d事,之後佢同我講
媽咪我知你唔會唔理呀麻
可能你要過好耐幾月或幾年
真係比佢講中左
　
所以我地都係上黎呻下啫
正所謂（簷前滴水)我諗呢到好多媽咪都知嘅
私人傳訊

hinhofion


大宅

積分: 4120


17#
發表於 08-3-28 21:48 |只看該作者
原文章由 樂俊藍媽咪 於 08-3-28 21:38 發表
我都知會有做99或者外母既一日
所以99點對我我唔會唔理佢
以前佢做d野激到我好(褸)時
我曾經講過我以後唔會理佢（包括同９９個家姐講）
但當過左果到氣你就唔會
我大仔當時都知發生一d事,之後佢同我講
媽咪我知你唔會唔理呀 ...


咪就係lo,講就係一回事,現實又係一回事,唔通到時6299冇人理,冇屋住都唔理咩,幾唔鍾意都唔會唔理佢地,女人就係咁,把口就好絕,但實際情況最差時,最有人情味ga,分分鐘係成日上黎呻6299不是ga新抱,e d就係口是心非la,以前99夠對我唔好la,e+佢對我好返d,我開心到飛起咁濟呀,真係對我好少少,就咩都唔再嬲佢la,冇人想成日家嘈屋閉ga,我唸個個新抱都喜歡99對自己好的,相反99都係一樣
私人傳訊

心滿意足


男爵府

積分: 8910

好媽媽勳章


18#
發表於 08-3-28 22:51 |只看該作者
己所不欲勿施於人,
將來我做人99/外母時,
我會盡量做到唔好干預子女既家庭,
唔好挑剔新抱/女婿,唔好當人地係免費工人/妹仔
因為宜家我都唔想我老公家人干預我既生活,
唔鐘意佢地要我跟佢地既家規,
幫下佢地手我會,但一定唔會做阿4(佢地講明新抱係阿4)

如果我將來做到好99/外母,我唔相信d仔女新抱女婿會對我唔好,
所以我好放心 ,如果我做得唔好,佢地對我不滿都係自己抵死姐 ,唔通我對99好好,但對自己新抱好差,咁個新抱會睇在我對99好,又對返我好咩?我諗我新抱無咁聖人掛...
私人傳訊

driedpork


禁止訪問

積分: 2182


19#
發表於 08-3-28 23:48 |只看該作者
提示: 作者被禁止或刪除 內容自動屏蔽
私人傳訊

Tuscany


伯爵府

積分: 16580


20#
發表於 08-3-29 00:10 |只看該作者
I think it is the other way round - 奶奶仇恨新抱 because a lot of 奶奶 think 新抱 stole their sons away.

I don't think the 新抱 here are crazy and dislike their 奶奶 for no good reasons. My 奶奶 tried to break up the marriages of all 3 of her children , not because we did something wrong, but because she wanted to have her sons & daughter all to herself. That's why none of her children wants to be with her, and her grandchildren don't even talk to her.mouth:

I may be able to forgive her, but I will never forget what she had done. 樓主, you really have no idea the pain a lot of 新抱 here are going through.
私人傳訊


首頁
12345...8

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy