婆媳關係 今日: 5 | 主題: 27761

積分: 63

1^#

發表於 08-2-28 17:41 |只看該作者 |倒序瀏覽 |打印

個故事好長篇, 我只係想發洩下, 因為我真係頂佢地唔順喇….

講d背景先啦, 話說06年尾我地有咗先結婚嘅, 咁當時結婚d支出全部都係老公自己開口問62借. 之後99都有叫老公還錢, 但還嘅錢無比番62而係99 keep住, 因為99懷疑62有外遇, 所以經常出盡辦法想柞乾62 d錢…而 62知我地要養BB未有能力還住, 一直都無要求我地還錢, 仲經常問我地夠唔夠錢用, 提我地慳D洗, 我地睇/聽得出係出自內心, 係關心我地兩公婆.

結婚之後我地好好彩, 有朋友友情價咁租個單位比我地, 仲同6299只係隔離幢樓, 但個朋友一早講過隨時都會收番個單位, 所以我地一直都有睇樓, 大緊肚時都keep住有睇, 所有近99 or外母嘅地區都睇過, 不過一直都睇唔啱. BB出世後, 係婆婆幫我地揍的, 我地每日都會去探BB, 婆婆住大埔99住青衣, 我地兩公婆仲要响中環/灣仔返工, 每日咁一來一回, 時間長&車費貴, 所以我地決定買近外母嘅樓, 樓價平d 兼可以慳d車費. 其實當時我地已經有幾個目標架喇, 全部under 130萬, 有五六百呎, 樓齡係舊d 十幾年啦, 但勝在乎合曬我地要求.

上年12月, 個朋友媽咪通知我地, 9月會返hk 長住要收番間屋. 但就係咁邪, 個市竟然開始升, 我地真係怕升到年中(奧運效應嘛), 到時我地買又唔夠首期, 租就要捱貴租, 所以我地加緊睇樓, 希望可以在有限之budget內買到.

待續~~~~~~

0 0 0

私人傳訊

積分: 63

2^#

發表於 08-2-28 17:42 |只看該作者

到1月中, 我地終於睇啱咗個單位, 亦同業主傾好價, 因為我地只有5%首期, 要同兩邊家人借錢週轉, 所以事前都請兩邊長輩去睇一次樓先, 打算佢地睇完第二日就落訂. 點知去睇樓個時, 99 &大伯+未來大嫂佢地三個好似百壇齋主咁, 係唔係都彈一餐: (1) 間屋細 -> 563呎, 我地三個人住咋, 就算生多個都仲得啦 (2) 呎價唔抵 -> 約$2300呎, 我唔識講, 大埔區算平架喇 (3) 地點唔方便 -> 行十分鐘到火車站, 五分鐘有巴士過海&返99度 (4) 間屋無裝修&傢俬 -> 基本上有油過油, 換咗喉, 只係洗手盆, 浴缸等有蹟, 咁間屋交吉無人住嘅都正常吖, 搵邊個同你清潔呀…仲有我而家住個度d傢俬係我架, 我要佢d傢俬嚟做咩… (5) 話一買樓就要出錢做大維修唔抵 -> 大佬, 大埔區十幢有九幢都over/near 20年, 買邊度遲早都要比錢做大維修架啦, 而家計埋入budget未仲好……總之就彈到一文不值. 結果响佢地嘅群眾壓力下我地唔敢落訂, 因為怕99真係會反面發顛唔借錢, 到時真係唔知點死筆錢出嚟.

而响之後個幾星期, 大伯+未來大嫂不斷咁打比我老公, 係咁話我地: (1) 唔知價, 話網上d成交紀錄全部都係under 120萬 -> 大佬呀, d成交價係人地2-3個月前落訂架, 你知唔知而家個樓市升緊架…再咁升…到6,7月我地想買都買唔到呀…
(2) 大維修個d我地咩都唔知, 係咁同我地講大維修係咁2都要比5-6萬, 我地負擔唔起 -> 我地一早知要大維修, 第一次睇呢個盤已經知, 連要做d咩大約幾錢都知. 唔該…你記住…你細佬我老公係讀Survey, 而家都係做緊Assist. Surveyor, 佢呢方面熟過你清楚過你…(3) 唔明我地點解要買大埔 ->原因: 1. 我地唔捨得成日都見唔到個囡, 住呢度就算同個女玩夜咗, 返屋企都唔使20min 2. 每日車來車往(青衣-中環/灣仔-大埔-青衣) 時間長&車費貴, 唔夠時間休息 3. 我地係得咁多budget…(4) 個層樓唔保值 -> 唔該, 我地唔同你地, 我地有個女, 只求有個安樂窩, 住得舒服就夠喇, 我地無打算過幾年換樓.
(5) 就算買大埔都唔使買呢度 -> 你地真係食飯唔知米貴, 大埔x心而家買緊 150萬得四百幾呎, 個窗台大到可以做單人床, 我買咗就要訂過曬d傢俬, 咁未仲唔抵…

待續~~~~~~

私人傳訊

積分: 63

3^#

發表於 08-2-28 17:43 |只看該作者

其實事出必有因, 大伯&未來大嫂點解咁積極反對我地買樓呢…因為佢地好彩响07年年尾, 唔使二百萬買咗藍X灣, 咁佢地本身有能力比到10%首期嘅, 但未來大嫂唔想比二按保險費, 覺得唔抵, 所以問大伯其中一個阿姨借錢, 比30%首期. 之後再問62借錢, 用嚟比律師等雜費. 我知佢地諗咩, 驚我地買樓的話, 會問6299借, 會分薄佢地嘛…但做人可唔可以唔好咁自私呢…我地買唔成唔緊要, 至多未捱貴租囉, 辛苦d 啫, 但唔會放棄住大埔嘅意願, 你地都買咗青衣啦, 其中一個仔住近父母未得囉, 我地又唔會唔返嚟同6299食飯. 你地可唔可以體諒下我地呢, 放工返到大埔都7,8點啦, 同個女玩完食埋飯走得都十點零啦, 返到青衣都差唔多12點, 訓得都成點啦, 第二朝仲要返工, 日日如是比係你地都頂唔順啦. 我知你地唔會明架喇, 我地做父母嘅只望多d陪到仔女, 如果經濟情況許可, 我都想自己揍, 咁住邊都無所謂. 我地搵得唔多, 儲落都唔多, budget真係有限, 我地無可能有錢租你地間屋, 就算你地平比我地, 平得幾多, 平租比我地你地仲要每個月貼錢出嚟, 咁為咩呢? 你地都係租比街外人啦, 快d儲錢結婚好過啦…

我知好多嘢都係觀點與角度問題, 但有d嘢係黑就係黑, 係白就係白. 係…62係答應咗借錢比你地, 但你地知架喎, 62係要買曬d股票至有得借比你地, 年頭個股市跌成咁, 我相信你地都被責唔少貨啦…點解你地唔體諒下一個6x歲過多兩三年就要被迫退休嘅老人家, 係要佢借足錢比你地呢? 62有同你地講架, 佢d股票跌剩2/3, 不如買曬d股票比你地就算, 點解你地唔可以通融下呢? 你咁迫佢為咩呢? 你係男人都唔想老時錢都唔多個响身邊啦…你迫個真係無錢嘅人, 佢可以點, 未就係日日追我地還錢囉, 我地之前有還過錢架, 不過99 keep住咗之嘛(我知99有同你地講過架) 62日日問我地, 咁我地可以點呀, 未就係迫99攞番d錢出嚟囉, 99可以點呀, 未就係講大話話自己無錢囉(一月中都仲有4,5萬借比我地而家話得2萬幾喎, 99你洗錢真係快呀)…其實你地主要目的係想柞乾62 d錢吖嘛…我知我明, 99認為62 d錢比自己仔好過比外面個女人呀嘛…但你地咁迫62都係過意得去咩…當曰62借幾多比我地你地就要借番咁多…你地有無諗過現實情況呢? 你地要充闊佬比30%首期咋, 無人迫你地架喎, 我唔信62唔借比你地你地會攪唔掟囉…係人都有私心, 係人都會留番個錢旁身, 你地唔想為買樓一舖清袋, 但就迫62柞乾柞淨借曬所有錢比你地, 你地於心何隱…

待續~~~~~~

私人傳訊

吹吹水

禁止訪問

積分: 2329

4^#

發表於 08-2-28 20:12 |只看該作者

提示: 作者被禁止或刪除內容自動屏蔽

私人傳訊

木馬

禁止訪問

積分: 5390

5^#

發表於 08-2-28 20:40 |只看該作者

提示: 作者被禁止或刪除內容自動屏蔽

私人傳訊

colors

積分: 77

6^#

發表於 08-2-28 20:52 |只看該作者

一定買大埔,有多d時間陪bb.你大伯好自私，千祈唔好租佢間屋，仲有更多問題跟住黎

私人傳訊

E@V

積分: 1312

7^#

發表於 08-2-28 23:48 |只看該作者

好複雜...
你62 太好人了...

私人傳訊

Melody_Che

積分: 4192

8^#

發表於 08-2-29 11:11 |只看該作者

你地既情況點都要住大埔著數啦!! 至於你99, 大伯及大嫂未唔好理佢地羅!!
無錯, 係人都自私, 我係你會唔理佢地d無謂意見, 照買之前睇中個度, 佢借就借, 唔借我就唔還錢住, 同99講買左樓邊有錢呀, 遲d鬆動d先還... 依種情況, 你要自顧先!! 至於大伯,大嫂同62既爭產風雲就唔好理佢地甘多, 佢地甘有主見, 未佢地自己攪拈!! 如果可以出句聲, 未幫62講句公道說話, 佢依家唔放d股票住, d錢都係澤住, 比唔同咩人架!! 點解唔可以等埋先!! 就正如你唔想薛錢比ortage insurance一樣

私人傳訊

newcook

水晶宮

積分: 51354

2025勳章 2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

9^#

發表於 08-2-29 11:54 |只看該作者

我覺得你地睇岩就可以決定買, 唔駛叫埋佢地一齊睇, 住係你地, 佢地既錢只係借比你地而唔係送比你地, 間屋佢地都無份, 所以佢地既意見可以不理, 講完~

私人傳訊

KATRINE

子爵府

積分: 11902

10^#

發表於 08-2-29 12:07 |只看該作者

原文章由 Melody_Che 於 08-2-29 11:11 發表
你地既情況點都要住大埔著數啦!! 至於你99, 大伯及大嫂未唔好理佢地羅!!
無錯, 係人都自私, 我係你會唔理佢地d無謂意見, 照買之前睇中個度, 佢借就借, 唔借我就唔還錢住, 同99講買左樓邊有錢呀, 遲d鬆動d先還... 依 ...

我就唔同意你的講法
樓主都知佢６２快退休，都要錢在身，就算佢有第２個女人，都唔代表一定要借俾你，而佢６２問佢攞之前借的錢，大可同佢講已還咗不過係９９度，你都要體諒你９９，如果你６２一走了之，你９９點算？佢都一把年紀，錢緊係緊要啦，重要再借錢俾佢２個囝（包括你ｃ６），問心，你哋借完後除要還錢之外，你重會唔會俾額外的家用佢　？我唸你只俾錢婆婆，因同你湊女．咁如佢無工做，佢點過活呢　？　
而佢大佬及未來嫂，肯定有私心，
如果自己真無能力及唔想聽人家說話，倒不如租樓住，貴就貴咗，不過無計，日後等樓市低時再買把

私人傳訊

肥豬皇

積分: 3312

11^#

發表於 08-2-29 12:24 |只看該作者

借人錢唔洗還咩?! 你大伯O甘既人真係不知所謂~~我係你62, 豆零都唔借比佢呀~~

私人傳訊

吱仔與lo仔

珍珠宮

積分: 42723

好媽媽勳章

12^#

發表於 08-2-29 13:15 |只看該作者

原文章由 newcook 於 08-2-29 11:54 發表
我覺得你地睇岩就可以決定買, 唔駛叫埋佢地一齊睇, 住係你地, 佢地既錢只係借比你地而唔係送比你地, 間屋佢地都無份, 所以佢地既意見可以不理, 講完~ ...

啱!! 做咩要問佢哋意見??你兩公婆覺得鐘意咪得囉

如果佢哋唔肯借錢/攪到件事好複雜, 不如問銀行借首期仲好啦!!

分三年/五年還囉, 我6299以前都講明一個仙都唔出同唔借, 我哋都係問銀行借首期的, 當然要比利息啦

, 但話晒個選擇權同決定權都喺自己度, 其他人無得say吖嘛

[ 本文章最後由吱仔與lo仔於 08-2-29 13:17 編輯 ]

私人傳訊

Melody_Che

積分: 4192

13^#

發表於 08-2-29 13:16 |只看該作者

講清楚, 我無叫樓主唔好還錢, 係唔還住!! 照樓主講法, 還左d錢都係"力"去大哥層樓度!! 既然大哥甘自私禁住細佬唔好買樓, 而自己可以羅著數既!! 點解唔可以hold住先呢?? 睇樓主講法, 佢大哥佢地唔係急住要住, 但樓主係好急架wor!! 如果租樓住先, 坦白講甘貴租, 仲有無機會儲到錢買樓呢?? 錢一定要還, 但既然依家比會去左阿哥度既!! 我寧願唔還住, 或者還少d先, 等佢收左樓再按正常番!!

私人傳訊

bobo_bo99

積分: 4947

14^#

發表於 08-2-29 14:12 |只看該作者

乜甘似我老公個pk呀哥啲行為既

私人傳訊

積分: 63

15^#

發表於 08-2-29 14:30 |只看該作者

99自己都有返工的, 每個月有6-7k的, 而62收入都係差唔多...
我同老公一直都有比家用99的...bb出世前有~3k(不包括還錢)...bb出世後就減半喇...
bb出世之前, 99已經迫我地還咗近1/3錢...係bb出世後真係手緊所以先無再還...
問題係99經常老鳳地認為而家間屋係佢一個的(已買&供完的公屋)...供緊樓時62每月都比成4-5k 99...間屋上年年尾供完之後, 99依然要62比同量嘅錢佢...99話層樓係佢一個的, 62無份, 因為佢無出過錢...佢話62一直以來比佢嘅都係"家用", 所以就算供完樓都要照比無得減...係62應份的...
至於, 你話if 62走咗99無錢的話...我可以同你講...如果99 今日買曬佢手頭上d 股票的話, 一定超過六位數字...但62如果今日買曬佢d 股票的話, 係得番五位數字(係跌淨1/3呀 !)...如果係咁你會點睇呢 !!!

原文章由 KATRINE 於 08-2-29 12:07 發表

我就唔同意你的講法
樓主都知佢６２快退休，都要錢在身，就算佢有第２個女人，都唔代表一定要借俾你，而佢６２問佢攞之前借的錢，大可同佢講已還咗不過係９９度，你都要體諒你９９，如果你６２一走了之，你９９點算？佢都一把年紀，錢緊係緊要啦，重要再借錢俾佢２個 ...

私人傳訊

積分: 63

16^#

發表於 08-2-29 14:43 |只看該作者

我62 係一個好"林"嘅人, 雖然平時唔會有任何表示, 但佢好鍚d子孫, 個大仔同未來媳婦開到聲, 軟硬兼施, 點會忍心唔借比佢地呢...

而且, 未來媳婦一向同好叻講嘢, 亦一早行曬6299政策, 一早心得6299 &99外家歡心...借錢之麻...開句聲實有...

其實, 有樣嘢不得不讚下未來大嫂. 聽我老公講, 大伯以前好大洗, 試過欠六位數字卡數(佢月入近20k), 係99同d 阿姨幫佢還清的. 而未來大嫂知道之後, 竟然可以迫大伯响一兩年之內還番曬錢比99同d 阿姨, 仲响一兩年之內迫大伯儲到呢筆首期...前後唔使4年...

原文章由 肥豬皇 於 08-2-29 12:24 發表
借人錢唔洗還咩?! 你大伯O甘既人真係不知所謂~~我係你62, 豆零都唔借比佢呀~~

私人傳訊

積分: 63

17^#

發表於 08-2-29 15:03 |只看該作者

上星期, 老公就係迫99攞番之前還咗嘅錢出嚟, 99死都話無, 話如果我地還咗 d錢比62, 之後買樓唔使指意62會再借番出嚟, 老公同佢講 "我地而家唔買喇, 就算買, 都唔會再問6299 or 任何人借, 總之你就比番曬d錢我處理啦"...之後99話佢而家無咁多, 得我地還咗嘅一半, 老公話之佢有幾多攞番幾多.
其實, 我老公知99 買股票舖癮好大, 身邊有多個錢就走去入貨, 所以老公寧願d錢自己keep 番, 放銀行都唔比99 keep...
因為我同老公今年都加咗少少人工, 所以老公同62傾過, 叫62開個戶口, 我地下個月起每個月入番1k比佢, 雖然係少d, 但過多兩三年62退休時, 都叫有d渣拿吖...

原文章由 Melody_Che 於 08-2-29 11:11 發表
如果可以出句聲, 未幫62講句公道說話, 佢依家唔放d股票住, d錢都係澤住, 比唔同咩人架!! 點解唔可以等埋先!! 就正如你唔想薛錢比ortage insurance一樣

私人傳訊

A.C.C.

積分: 3786

18^#

發表於 08-2-29 15:13 |只看該作者

先將錢銀問題放低，淨係睇樓主同老公依家嘅生活作息，其實搬去大埔係最好；因為你囡囡一日都只得3個鐘頭只到爹地媽咪，對小朋友唔係咁健康，就算婆婆好錫，有D野始終要媽咪跟番，例如平時教佢，夜晚同佢講古仔，日後帶佢去幼稚園.....
況且你兩公婆日日要趕番工放工，唔通你地想以後晚晚都瞓得5個鐘？

可以諗下先租後買，依家樓市升到咁，未必係買樓嘅好時機.....總之就係以囡囡為重

私人傳訊

Melody_Che

積分: 4192

19^#

發表於 08-2-29 15:14 |只看該作者

你地都好錫你62, 其實你62有第2個, 又唔係單方面既!! 聽你甘講, 你99為人都好自私....

甘你住屋點呀?? 仲可唔可以買樓呀?? 如果你地開戶口比62, 最好唔比其他人知, 唔係渣都無呀

私人傳訊