哼, 我99仲誇呀!!
今年年28食團年飯(因為有2個仔要輪班, 要就返佢地, 所以提早), 我一早同老公講到明, 年廿九同年三十要留返我地2個人2人世界, 因為年初一同年初二都留左比6299啦, 年29同30比我抖下都得掛? 連我媽約我年30食飯, 我都推左, 話想2人世界!
結果呢, 比我講中, 年29同30都打電話黎, 逼我地返去食飯!!
個電話老公聽既, 佢一口就應承左年29返去食!
我火到丫, 咪鬧佢囉, 冇口齒呀, 應承左我又做唔到!
佢話佢阿媽發緊脾氣, 唔答應會世界大戰!
我話我而家都發緊爛咋呀, 你又唔打返去話你唔得閒?!
結果佢就開始數我, 話果邊係咪真係咁難頂, 又呢又路!
我地就開始鬧交啦! 結果最後我同佢講, 係咪年29年30抖2日都唔得? 年中我成日陪你阿媽, 為左比面你, 委屈自己做左咁多野, 係咪都比唔上年29去你阿媽度食飯咁緊要??
佢之後先道歉, 話自己一時火起, 冇諗過我為佢做左好多野, 淨係諗到我今次唔肯過去食飯!
之後年30 99又打電話黎, 叫我地返去食飯, 今次我老公醒左, 話唔得閒, 要陪老婆! (哈, 算佢醒目, 比返d面我!)
年初一, 例牌一早過去幫手煮飯, 仲有拜神, 下午去老公麻麻度拜年, 之後又返99度食飯!
年初二, 又係一早過去99度幫手煮開年飯, 仲有拜神, 之後去老公個舅父度拜年, 之後原本要去埋食晚飯, 好彩老公今次企硬唔去, 所以可以返我婆婆度食飯, 我婆婆仲開口話因為我返黎食, 所以特別好送(係呀, 我婆婆公公超鍚我!)
至於點解年初二要企硬, 因為過往的年初二, 都係我地跟埋99返娘家(3九唔識7, 唔知返去做乜!), 晚飯都要係老公婆婆度食, 直至今年, 因為上年老公的阿婆仙遊了, 所以今年一早99就恩準我地可以返我娘家, 點知, 臨過年前先通知我地, 老公舅父因為同其他親戚好返, 所以就高興地訂左檯食飯, 99逼我地都要去, 但我老公企硬, 因為已經同我婆婆講左我地會返去, 唔想冇口齒同令老人家唔開心, 而且老公覺得, 唔可以再咁樣由得佢阿媽一時一樣, 好似我地永遠要standby等佢要我地去東就東, 西就西!
ps, 最後聽聞食完飯, 舅父又同d親戚反面! 次次都係咁, 每次見親面都係反檯收場, 然後過一排又冇事, 然後又反檯, 都唔知佢地搞乜!
然後尋日年初三, 已經一早約好6299去飲茶, 諗住頭場6299, 2輪就我爸媽, 尾場就2人世界去街街, 結果尾場就變左陪6299去提親(老公的細佬今年結婚, 要見下家長)
今日年初四, 99仍然唔放過我地, 一大早就打電話黎叫我地今晚返去食飯, 我同老公一早plan好晒d節目, 梗係唔理佢!! 我估佢叫我地返去食飯, 應該會叫到過年初十!!
我呀, 寧願唔煮唔食, 餓死都唔會過去架啦!! 過年被佢點黎點去, 攰到死, 咪搞我, 過2日仲同老公返大陸玩下, hea下先!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
爆愛車縫作
返回列表
