大仔大女媽媽會

收藏本版
發帖
返回列表
跳至頁

首頁
12

尾頁
   0
lenny1130


大宅

積分: 1439


1#
發表於 08-3-29 00:53 |只看該作者
好耐無上黎bk...事關囡囡星期一入咗醫院...到今日星期五先返到屋企...事關係尿道炎....好想話俾其他媽咪聽要小心....
我個囡囡食緊奶粉...一向都知奶粉熱氣...都係諗住要俾多啲水俾囡囡飲....但係我開咗個好壞既頭...就係一開始餵人奶諗住可以唔使俾水佢飲...點知轉奶粉之後佢就唔肯飲水....直到呢排可能俾佢試少少糊仔掛...咁就中招....
醫生話bb臭臭裡面有大腸桿菌(係正常人都會有呢隻菌)但係啲菌走咗入尿道(佢又話點清潔得好好都會有機會有菌走咗入去...)
只係你若果飲水飲得夠有足夠既尿...咁就可以排番出黎...唔係既話啲菌痴住咗響入面走上去就會有尿道炎....就係咁我個囡囡就中咗招...
幾日微燒兩次...無病徵睇到...食退燒又好番囉喎...就係咁星期一就發高燒爆咗出黎....
日日喺醫院打抗生素針....又要驗尿抽血...照x_ray超聲波...總之佢太細個醫生乜都同佢check好驚佢除咗呢樣有其他病....好彩so far無其他事...
響醫院既時候...我都會又擔心又內疚...係咪我照顧得佢唔好搞到佢咁....其實醫生已經講咗唔係好關清潔事...就算點樣小心都會有機會入菌...只係飲水唔夠就會影響大啲....
不過...好彩囡囡病期間都算仲係精精靈靈....咁都有好少少....
因為我無諗過佢唔飲水...我唔刻意逼佢飲...會病到咁勁...所以希望bk媽咪遇到飲水問題都留意一下....避免bb有幾會受苦....
都祝大家身體健康...湊bb湊得快快樂樂!!!

[ 本文章最後由 lenny1130 於 08-3-29 00:56 編輯 ]
私人傳訊

我愛Corina


瑪瑙宮

積分: 134531

2024年龍年勳章 2024勳章 好媽媽勳章 醒目開學勳章 環保接龍勳章


2#
發表於 08-3-29 04:09 |只看該作者
多謝你既分享....你女女而家無事嘛???
我baby都唔肯飲水,連飲奶都唔願飲...我都冇佢辦法..
私人傳訊

chukaren


民房

積分: 44


3#
發表於 08-3-29 08:27 |只看該作者
我個女都係咁, 有一晚~10pm忽然間發高燒, 衝咗入急診室, 40.4度燒, 冇其他病徵. 留院第二朝就驗出係尿道炎, 住咗56日醫院. 其他情況都同你好相似. 宜家真係會好小心同佢清潔(其實一向已經好小心), 一定要由前向後抺, 抺一下就掉, 唔好再番抺. 希望唔會再有事啦, 因為真係好心痛.
私人傳訊

chanbb1128


洋房

積分: 178


4#
發表於 08-3-29 08:55 |只看該作者
係唔係女女比較易受感染?

私人傳訊

Mybb-TinaKwong


大宅

積分: 1288


5#
發表於 08-3-29 09:01 |只看該作者
Thank you for your sharing.

咁我都要小心啲, 盡量比多啲水佢飲. 有時亞女唔肯飲水, 我會起每餐奶加多半安水, 等佢飲多啲水. (其實我驚佢冇便便, 所以加多啲)

lenny1130, 咁醫生有冇建議每日要比幾多安水bb飲呀?
私人傳訊

myck


複式洋房

積分: 329


6#
發表於 08-3-29 09:26 |只看該作者
唔該哂你, 都唔知原來會咁嚴重添~
我囡囡都係唔肯飲水, 啜左都將D水吐番出黎, 99咪另外開埋D開奶茶, 紫草蓉俾佢飲, 等佢飲多D尿多D, 仲無咁熱氣喎。咁我係新手乜都唔識, 佢話哂都湊大咁多個, 都要信佢老人家...
私人傳訊

yuhei07


民房

積分: 44


7#
發表於 08-3-29 09:38 |只看該作者
thank you for your sharing, take care
私人傳訊

tszchingmak


別墅

積分: 508


8#
發表於 08-3-29 12:13 |只看該作者
唉
我個女都不肯飲水啊
d奶粉又熱氣
真係好煩
呢幾日佢對眼好多眼屎
我阿媽話佢熱氣不肯飲水
所以眼屎超多
宜家都不知點算
奶已經食得不多
又不肯飲水
真惡搞
私人傳訊

cattylui


大宅

積分: 1171


9#
發表於 08-3-29 13:48 |只看該作者
我個囡初初都係唔肯飲水，但唔飲都要俾佢飲，飲得幾多得幾多,等佢有個習慣。佢宜家4個幾月我都隔2日俾佢飲1次apple juice，有味道佢地鐘意飲

仲有次次換片都要由前面清到後面，仲要"打開"清中間，咁先乾淨
私人傳訊

OasisMa


大宅

積分: 1756


10#
發表於 08-3-29 14:42 |只看該作者
睇到版主個 case, 我都好擔心. 我個囡囡又係點都唔肯飲水, 今朝努力咁灌佢飲水五分鐘, 佢吐番九成出黎, 真係俾佢吹賬.
最慘就係之前買左 D 蘋果汁溝淡俾佢飲, 佢連蘋果汁都唔飲.
都唔知點算.mouth:
私人傳訊

maylam2022


大宅

積分: 1247


11#
發表於 08-3-29 15:42 |只看該作者
好多謝你既分享喔^^你都唔好唔開心啦,祝你同bb都健健康康


原文章由 lenny1130 於 08-3-29 00:53 發表
好耐無上黎bk...事關囡囡星期一入咗醫院...到今日星期五先返到屋企...事關係尿道炎....好想話俾其他媽咪聽要小心....
我個囡囡食緊奶粉...一向都知奶粉熱氣...都係諗住要俾多啲水俾囡囡飲....但係我開咗個好壞既頭.. ...
私人傳訊

ronnie48


複式洋房

積分: 453


12#
發表於 08-3-29 20:02 |只看該作者

大家可以試下呢個方法…

我BB都係唔肯飲水，所以我去買左D日本和光堂，電解質健康飲品佢飲（係蘋果味）但個樣好似水咁，佢一次可以飲到4安，幾好，大家可以試下…

因為我之前試過比橙汁佢飲，飲過之後就唔肯再飲水啦…
私人傳訊

JAMmama


大宅

積分: 1796


13#
發表於 08-3-29 22:27 |只看該作者
見到樓主個bb女這樣, 真替佢擔心, 希望bb快d無事, 做返個精靈bb!

我見你地各位咁寫....我先醒起自己個b女都好少飲水, 近排佢厭奶期, 除咗人奶, 佢連奶粉都唔多飲, 攪到都瘦晒

不過, 個人意見, 如果bb唔飲水, 你地唔好比其他嘢佢地代替, 始終, 水還是最好的飲品! 你地狠心一點....用針筒喂佢飲, 我兩個仔初頭都係咁, 可能會飲1安吐1安, 但係久而久之, 只要堅持, bb知道敵唔過你, 會慢慢飲多d, 跟住會一安飲吓多d, 又飲吓多d! work ga, 你地試吓!

試想吓, 飲水這麼小事, 我地都令佢地做唔到, 再大d, 你地會越難要佢跟住你地做!





原文章由 ronnie48 於 08-3-29 20:02 發表
我BB都係唔肯飲水，所以我去買左D日本和光堂，電解質健康飲品佢飲（係蘋果味）但個樣好似水咁，佢一次可以飲到4安，幾好，大家可以試下…

因為我之前試過比橙汁佢飲，飲過之後就唔肯再飲水啦… ...
私人傳訊

lenny1130


大宅

積分: 1439


14#
發表於 08-3-29 23:33 |只看該作者
多謝各位媽咪既關心....囡囡已經好咗好多啦....就咁睇好似無病過咁.....不過可能今次個病比我想像中嚴重.....所以返到屋企我都變得有啲緊張.....雖然湊佢個姨姨好錫佢....湊佢都已經好小心....但係我好有陰影....成日驚清潔問題...又驚食奶問題....又驚飲水問題.....總之好似乜都驚一餐咁啦.....
所以努力訓練囡囡飲水同小心清潔之餘....好似我要好好tune好我自己....要平常心對待....
我c6已經話好多bb都會病...無人想亦都話唔係我照顧得差...但係總係覺得有啲唔知點咁啦....哎~~~真係要改下緊張大師呢個性格先得....
另外, 醫生無特別指明每日要飲幾多安水....只係要飲番多啲....特別佢而家仲食緊抗生素呢段時間....
不過佢已經建議我奶粉開稀少少, 若果bb唔飲水....咁會好啲....
私人傳訊

chukaren


民房

積分: 44


15#
發表於 08-3-30 09:44 |只看該作者
醫生話女仔係容易D有, 因為肛門同尿道o既位置比較近, 而BB咁細個所有器官都好細, D分泌o既PH又未好似大人咁好可以阻止到D細菌生長, 所以會較難避免D菌由後面走咗去前面, 再上咗上面. BB唔肯飲水, 所以我都係自從出院之後就每餐都開7安水6安奶俾佢飲, 見佢飲得晒, 我就再加到8安水6安奶, 都飲得晒, 我諗應該夠喇.
私人傳訊

tsznok


侯爵府

積分: 21494

好媽媽勳章


16#
發表於 08-3-30 16:30 |只看該作者
我想講,大家先唔好太擔心,先要了解:

1. bb唔肯飲水唔等如好易會有尿道炎
2. bb成日飲水亦唔代表一定唔會有尿道炎
3. 幼兒尿道炎有好多成因

我唔係下巴輕輕亂咁up,我既二仔於15個月大時,亦曾經因為尿道炎而要入院,要接黃豆打左7日所謂"大針" (即係特效抗生素)先好番,攪左近一年,而家仲係番緊瑪加烈泌尿科覆診,所以你地既心情係點,有幾痛苦我真係好清楚...

講番幼兒尿道炎問題,可能好多家長都會問:"點解大人患上呢個病時,只係食下口服藥物就冇事,但小朋友就會高燒+要打針去醫咁嚴重?"因為大人既情況,好多時只會o向尿道至膀胱地方發炎,但5歲以下患此病既,就好易會細菌入血、上腎,所以幼兒通常會有高燒情況,亦要於治療時好小心處理,務必要盡快kill晒d細菌。

除大腸桿菌走入尿道引致尿道炎外,有d幼童可能先天泌尿系統結構"唔靚",小便容易倒流上膀胱,久而久之就好易有尿道炎,前者 (即由大腸桿菌引起) 情況可能會簡單d,醫生通常都會講:"今次係你bb唔好彩,d細菌去左尿道o黎發病..."又或者會建議番你再小心清潔大小便,但後者問題就大d,手尾亦長d...我細仔就好可能係後者問題,呢一年間佢都日日食緊藥防止翻發,下個月中要做多個檢查先知佢倒流情況有幾嚴重、需唔需要做手術之類...

btw,有興趣想知多d有關呢個病既info如患病後要做d咩野follow up、情況係點,可以去我個blog睇,search打"尿道炎"就會勾番晒d相關日誌。
§ 為左食得好又健康啲，靚太橫行廚房中… §
私人傳訊

dearest


大宅

積分: 1979


17#
發表於 08-3-31 01:32 |只看該作者
thanks for sharing & hope your baby gettering better!

我餵人奶 & 奶粉，
都會俾 bb 飲水，我個 b 係超唔鍾意食奶，
不過好鍾意飲水...
我唔係用 bottle 餵水，係用 spoon，
大家可以 try 下
私人傳訊

小寶媽


大宅

積分: 1044


18#
發表於 08-3-31 14:48 |只看該作者
lenny1130,chukaren,
醫生有無叫你地囡囡要做埋尿液倒流測試呀？
我細囡係就黎3個月時都無端端尿道炎發燒,好彩微燒唔洗入院,
但醫生要佢做埋超聲波睇腎有無損
仲要好返6星期後做埋尿液倒流測試.
我係全人奶的但都中招...醫生話唔關日常衛生護理事喎,
咁我問點解會咁佢就話有d bb 可能係泌尿系統有問題.......
亦可以係偶然.......
唉好驚呀！因為尿液倒流測試係要插條管入尿道..肯定痛到喊哂,我個心仲痛.....我問過第二個醫生佢都話做左好d知道bb咩原因尿道炎,無事又唔洗擔心,真係有事都可以早d醫..
唔係大個先知個腎花哂就遲...
所以都係要忍痛要阿去囡做去做,但要到4月尾先做...
依架每日都擔心緊,抱住囡囡時我心都諗
媽媽只要你身體健康,有病有痛都比哂媽媽...
希望阿囡只係偶然啦
私人傳訊

小寶媽


大宅

積分: 1044


19#
發表於 08-3-31 14:53 |只看該作者
tsznok,
你仔仔做左倒流測試未架？係咪未做前都要食住藥？
我之前睇過bk有d媽咪仔仔都有咁情況..不過佢地好似係因為包皮長引致的.....不過無論掂都希望你仔仔無事唔洗做手術啦！
私人傳訊

tsznok


侯爵府

積分: 21494

好媽媽勳章


20#
發表於 08-4-1 18:33 |只看該作者
原文章由 小寶媽 於 08-3-31 14:53 發表
tsznok,
你仔仔做左倒流測試未架？係咪未做前都要食住藥？
我之前睇過bk有d媽咪仔仔都有咁情況..不過佢地好似係因為包皮長引致的.....不過無論掂都希望你仔仔無事唔洗做手術啦！ ...


小朋友患尿道炎後,應該最好要做晒3項檢查去make sure身體冇受大影響及要搵出發病原因:
1. 用超聲波去照膀胱及腎臟,睇下位置&size有冇異常
>>>呢個仔最冇痛苦既檢查,我仔仔做左,passed冇大問題搵到

2. 腎靜態核子檢查,要先接種黃豆打顯影劑,再餵藥整暈個bb去照,呢個檢查目的係要睇下腎臟有冇因為尿道炎而受損
>>>過程都幾痛苦,因為又要o向手吉黃豆,仲要夾硬被迫食藥整暈... 唉,我個仔都做左,但結果就唔多好,就係因為呢個檢查,見到佢兩邊腎都花左!雖然醫生話花左唔代表影響功能,但呢個結果亦反映佢好有可能有倒流問題...

3. 倒流測試,亦即係要插尿喉果個,目的係要睇下有冇倒流問題及嚴重程度
>>>我個仔因為照到個腎花左,原本我都極唔想佢去做呢個檢查,但冇法子,醫生話佢好有可能有倒流問題,一定要睇下程度去到邊,再睇下要唔要做手術...因為倒流問題可大可少,而家就話只係個腎花花地,但如果唔處理長此落去就真係會影響腎功能,所以...就算係痛苦,都要送個仔去做,冇得我選擇...

呢一年以來佢都仲係日日食緊藥,係保護劑,怕佢會復發... 唉,希望黎緊16號做完個檢查後會冇事啦... 大家都辛苦左好耐喇...
§ 為左食得好又健康啲，靚太橫行廚房中… §
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見