吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 大家試過精神出軌嗎？

夫婦情感今日: 10|主題: 42535

收藏本版

發帖

返回列表

跳至頁

查看: 13769 | 回覆: 31

大家試過精神出軌嗎？ [複製鏈接]

厚多士

伯爵府

積分: 17016

1^#

發表於 22-11-4 14:14 |只看該作者 |倒序瀏覽 |打印

我喜歡咗我同事(佢senior過我，我入職後就安排佢教我嘢，之後亦一齊拍住做嘢）。其實喜歡咗佢已經一段時間＇不過近日feel到佢都好似有少少野，令我情緒起伏好大。本來我一路都做得到默默的喜歡佢，真係嗰種純粹只希望佢好同開心，冇諗過要擁有嗰種。佢細過我好幾年，應該係單身，本身佢個人都幾cool, 跟同team的同事總有一些距離感，以前同事放工約食飯佢都唔會去，我同佢因為成日要拍擋算係熟小小，不過都只限工事上，連lunch都唔會一齊食。
佢最初對我都cool，同佢拍擋都有啲辛苦，因為佢唔係好喜歡溝通。不過近嚟可能熟咗？近呢兩個月，佢對我嘅態度忽然好唔同＇對我工作上的嘢好上心，我有困難，我未出聲，佢已經主動問我要唔要幫，仲幫我解決埋。對我講嘢的聲線明顯係好溫柔，又成日對我笑，同以前判若兩人。
咁呢兩個月同佢熟咗好多，佢都會分享下啲工作上嘅煩惱，我亦多咗分享下自己的嘢比佢聽，不過都只係會係公司交流，通常佢會等到公司冇乜人先過嚟同我傾下計。
不過近呢個星期，佢又好似變返有距離（唔係之前嗰種cool, 係剎有介事嗰種），講嘢又忽然好客氣咁，令我有啲失落⋯⋯
我知我唔應該有呢啲情緒，更加唔應該喜歡別人，但我真係控制唔到自己的情感….

0 0 0

私人傳訊

owla

男爵府

積分: 7881

2^#

發表於 22-11-4 14:18 |只看該作者

佢知唔知你結左婚?

私人傳訊

3Qlove

伯爵府

積分: 18255

Poo得好勳章開心吸收勳章美好大世界2017勳章 Xmas吸收勳章夏天玩到顛畀面勳章

3^#

發表於 22-11-4 14:21 |只看該作者

一時諗多左姐

私人傳訊

厚多士

伯爵府

積分: 17016

4^#

發表於 22-11-4 14:29 |只看該作者

owla 發表於 22-11-4 14:18
佢知唔知你結左婚?

佢知呀！其實啱啱跟佢嘅時候，最初佢都好暖男，後來知道我結咗婚就變到好cool

私人傳訊

owla

男爵府

積分: 7881

5^#

發表於 22-11-4 14:32 |只看該作者

正常知你結左婚都保持距離既, 咁係好事,
如果佢繼續對你好可能你會把持唔住

私人傳訊

厚多士

伯爵府

積分: 17016

6^#

發表於 22-11-4 14:39 |只看該作者

owla 發表於 22-11-4 14:32
正常知你結左婚都保持距離既, 咁係好事,
如果佢繼續對你好可能你會把持唔住 ...

其實都係嘅！如果佢一直好似之前cool cool的可能仲好，唔知佢做乜有段時間忽然之間對我咁好，你係feel到佢眼神，行為語氣都好唔同。亦冇諗過佢保持返小小距離，我就會咁唔開心。
其實我唔開心仲因為覺得自己好衰，點解個心會成日諗住第二個男人…

私人傳訊

秋天與楓葉

珍珠宮

積分: 32599

7^#

發表於 22-11-4 15:20 |只看該作者

回覆樓主：

本帖最後由秋天與楓葉於 22-11-4 15:23 編輯

你同老公本身感情點樣？工作上嘅事可以同返老公傾
你有無戴結婚戒子？
點解同事會唔知你已婚？

私人傳訊

厚多士

伯爵府

積分: 17016

8^#

發表於 22-11-4 15:58 |只看該作者

秋天與楓葉發表於 22-11-4 15:20
你同老公本身感情點樣？工作上嘅事可以同返老公傾
你有無戴結婚戒子？
點解同事會唔知你已婚？

同事知道我已婚的。
C6對我好好，不過唔係好溝通到，思想越來越遠，又冇乜共同興趣。宜家有嘢我都係同好朋友同事傾，精神上覺得有啲孤獨

私人傳訊

PTMCYS

子爵府

積分: 12084

9^#

發表於 22-11-4 16:13 |只看該作者

本帖最後由 PTMCYS 於 22-11-5 23:17 編輯

厚多士發表於 22-11-4 14:14
我喜歡咗我同事(佢senior過我，我入職後就安排佢教我嘢，之後亦一齊拍住做嘢）。其實喜歡咗佢已經一段時間 ...

我之前也分享過, 結婚1年後當時在新公司識左個靚女同事, 本來我對靚的女同事無好感, 覺得係花瓶收兵, 而我需要拍住佢做野, 但又成日比我D資料唔齊, 我有次頂唔順, 走去鬧佢話跟佢D 野好辛苦, 做死我....., 點知佢不但無嬲, 仲好誠懇 look 大隻眼好驚咁問我, 佢應該點改, 我心諗純成咁既....., 之後我就教佢應該怎樣比資料比我, 有次仲問我, 依家佢做得好唔好, 好care大家個合作, 令我改觀晒, 覺得佢好文靜/大體/聽話.

之後熟左, 由於係細公司, 而且我地組有3個人經常一起加班(我加2個女仔), 我地氛圍好好工作得好開心, 會等埋一齊放工. 而午飯一般都萬歲的, 即公司老大比錢食Lunch(claim 公司數), 佢好多時坐我旁邊, 但又不會出聲. 佢雖然靚, 但起初都無咩望佢, 有次開會老大鬧人, 剛好我和她都不是被鬧的對象, 在無野做下望下佢個樣, 覺得個鼻好靚, 又再睇眼和咀都好靚, 心諗依D 就叫做美人胚子喇(佢個樣似阿嬌和梁詠琪mix, 眼好大), 怎知佢突然望我, 大家有仲尷尬的眼神, 如是者幾次, 因為無咩望就望下佢**講多少少, 每次同佢食飯, 一入餐廳, 就會有好多男人望個種, 有D 人係講講下會停住望食住望, 好似你同個明星去食飯咁, D男人會先望住佢, 然後會望下你, 好似好羨慕你咁, 靚依D各花各眼, 但唔係講笑.

由於佢坐我斜對面, 而又熟左, 有時完成工作好攰, 會好自然望下佢, 欣賞下佢個樣(但心無邪), 有時我地有空, 會三個一起去show room 睇辦談天, 但如果只得我地兩個, 會有尷尬氣氛; 而早上公司未開門又早到時, 我地會打招呼, 但唔會多說話, 感覺當時大家一起好開心, 好想見到對方, 但會避忌尷尬, 但又無鍾意既感覺; 而我也不嬲打著新婚及經常說掛住太太的說話在口邊.

個女仔除左靚, 有學歷, 斯文大體, 原來無拍拖, 放假陪媽咪睇樓, 家住跑馬地, 獨女, 而她工作都幾依賴我, 雖然感覺她很好但欠個性, 像一個很靚的洋娃娃...., 其實我都有諗長始落去可能構成定力的考驗, 唔知點解越來越多單獨和她工作的機會, 接住便要和她一起去上海工作一個星期, 女同事們還推介了必去的地方, 包括黃埔江旁的一家酒吧, 說很有氣氛, 她很期待仲叫我帶佢去, 但我只是點頭唔出聲, 可能我個人保守, 我覺得個天好似想考驗我囉.

果陣我年紀仲輕仍然未生仔又有性格, 剛好對公司有一些事情不滿, 而且感覺公司未必做得耐(訂單不多但豪花錢), 襯差不多就過三個月試用期就便辭職轉工, 是順勢走定想避開她, 廿年後都攪不清, 但相信好多男仔都唔會好似我咁做...

雖然跟她認識了只不過3個月, 但三年後在一間餐廳內再次遇見她, 而且今次是她主動熱情地跟我打招呼, 人更靚(以前好cool的), 我一入門見到個靚女(認不出是她, 只覺少見的靚女質素), 只想坐低再偷望佢, 她本來好cool 的樣子, 一見我即刻彈左起身, 好開心問我野, 攪到面都紅, 我只說我同事坐左入去, 冷言一句唔講了, 見她身邊坐了個 tom boy 對我怒目(心諗洗唔洗). 我一路食, 一路又"目及"她, 因為真係幾靚女, 點知望望下唔見左, 突然站左係我前面, 微笑地像有好多說話想同我講的樣子, 我表現得好冷淡, 係咁爬飯, 跟住佢對我講左好多野, 我只答"係", "吾", "哦", 心諗點解仲唔走既, 我面紅到就快爆炸, 佢再企左陣見我無咩野講, 就跟我說要走喇, 佢個樣又靚又甜又熱情, 但我只能對她冷淡的回應, 因為唔想有下文.

講左咁耐想分享的 : 如果當時我未拍拖一定會追她, 但結左婚就唔好諗了, 因為會傷害到我的太太, 我係唔敢傷害她的, 老婆是拍心口自己揀自己娶, 要有責任心, 唔應該多心, 唔應該貪心. 現在諗翻, 只當上天的一個考驗, 一個諗下笑下分享下的自作多情故事, 怎樣也好, 總好過結果傷了三個心.

點評

siubbchan

發表於 22-11-4 16:44

私人傳訊

厚多士

伯爵府

積分: 17016

10^#

發表於 22-11-4 16:31 |只看該作者

PTMCYS 發表於 22-11-4 16:13
我之前也分享過, 結婚1年後當時在新公司識左個靚女同事, 本來我對靚的女同事無好感, 覺得係花瓶收兵, 而我 ...

好多謝你咁大篇幅咁講你嘅故事，你真係一個好男人。其實我心裏面知道應該點做，不過呢一刻好貪戀佢對我關心同溫柔嘅感覺。我知道同佢最好嘅關係，就係維持喺好同事嘅關係。呢個亦係我嘅初心，我都只係想做一對互相幫助嘅好同事，我真心感激佢教識我好多嘢。
我亦都知道，如果關係再進一步，對三個人都唔會有好結果。
佢嘅忽冷忽熱，令到我控制唔到亂諗嘢，令到我情緒有啲唔好，好想知佢諗乜嘢。不過我知一世都唔會有答案。

私人傳訊

厚多士

伯爵府

積分: 17016

11^#

發表於 22-11-4 16:41 |只看該作者

PTMCYS 發表於 22-11-4 16:13
我之前也分享過, 結婚1年後當時在新公司識左個靚女同事, 本來我對靚的女同事無好感, 覺得係花瓶收兵, 而我 ...

有樣嘢有啲好奇，幾年後撞返點解你仲會咁尷尬？其實應該已經冇咗喜歡佢嘅感覺？點解唔當係一個舊朋友或者舊同事大方啲傾吓計呢？

私人傳訊

PTMCYS

子爵府

積分: 12084

12^#

發表於 22-11-4 17:02 |只看該作者

厚多士發表於 22-11-4 16:31
好多謝你咁大篇幅咁講你嘅故事，你真係一個好男人。其實我心裏面知道應該點做，不過呢一刻好貪戀佢對我關心 ...

有 D 野唔需要比自己有答案的, 亦唔好把自己看得好重要, 太重自己的感受, 會忽略左你身邊的人, 如果一有feel 就忘記你身邊的人, 估計婚姻的波折會一浪接一浪, 開頭可能係享受, 之後既手尾唔易攪, 在我的觀念唔會比自己咁, 每個人都有自己的選擇, 我只係分享我的.

生不逢時, 唔啱timing 總會有, 最重要點解會愛你身體的人, 如果仍然有愛, 就唔好諗其他了, 無的都要先處理好, 當你要處理這些事, 你就可能唔想攪咁多

, 收心養性好.

所以人家話, 如果先諗後果的人, 就會應該比較少出軌. 你要做個有責任既人呀

點評

LokLok1208

發表於 22-11-4 17:16

私人傳訊

PTMCYS

子爵府

積分: 12084

13^#

發表於 22-11-4 17:51 |只看該作者

厚多士發表於 22-11-4 16:41
有樣嘢有啲好奇，幾年後撞返點解你仲會咁尷尬？其實應該已經冇咗喜歡佢嘅感覺？點解唔當係一個舊朋友或者舊 ...

其實我工作以外, 唔係好想講野, 當時太突然我有D緊張, 特別係見到靚女. 當日係我跟著同事入餐廳, 見到有個好靚既女仔, 本想坐埋一邊"目及", 無諗過我識既, 而且佢好熱情主動, 我反應唔黎, 都幾多人睇住, 包括我3個女同事, 我當時只想打發佢走.

都有人話點解唔keep 住做朋友, 我都唔知, 佢最後唔出聲企左好耐, 好似等我問佢拿電話contact 咁, 但我個人又好衰, 你越想我就越唔做, 最後佢話, 咁我走喇, 我就話bye bye, 她走後我同事問我佢係邊個黎, 做咩企咁耐既.

之後我都把依件事話左比我太太知, 仲同佢講笑, 話個女仔咁好, 應該有個好好既男朋友和家庭, 但如果係同左身邊個 tom boy 一齊, 不如我溝左佢做小三黎服侍你啦. 佢笑住話你係咪想多左

之後又一次在過馬路時, 比我見到她同個 tom boy 一齊等過馬路, 就站在我前面等緊, 其實我好想問佢拍拖未, 如果有我會好開心, 她值得有個好男人照顧的, 但又諗如果無拍拖又點, 所以最後無叫到佢, 只看著她走, 我相信問她拿電話約食飯係無問題既.

私人傳訊

秋天與楓葉

珍珠宮

積分: 32599

14^#

發表於 22-11-4 18:00 |只看該作者

厚多士發表於 22-11-4 15:58
同事知道我已婚的。
C6對我好好，不過唔係好溝通到，思想越來越遠，又冇乜共同興趣。宜家有嘢我都係同好朋 ...

#4回覆
最初佢都好暖男，後來知道我結咗婚就變到好cool

咁睇好似男方開頭唔知你已婚咁嘅…..
所以問你有無戴婚戒？

你同老公親密度不足，所以你會容易將心思投放喺其他異性，要提升同老公嘅親密感
興趣可以培養，同老公培養共同興趣

私人傳訊

cathngai

伯爵府

積分: 15312

15^#

發表於 22-11-4 20:51 |只看該作者

本帖最後由 cathngai 於 22-11-4 20:54 編輯

厚多士發表於 22-11-4 15:58
同事知道我已婚的。
C6對我好好，不過唔係好溝通到，思想越來越遠，又冇乜共同興趣。宜家有嘢我都係同好朋 ...

既然你C6對你好好, 你就盡量諗你C6嘅好, 一對couple, 唔係對對都可以有共同興趣, 有時真係要一凹一凸字才能配合度過一生。
我同我先生係一個例子，我比較social佢比較內向，我有乜唔開心會講曬出嚟，佢有乜唔開心唔知係擺喺心裏，工作方面，佢都唔能理解我，我唯有同我啲舊同事傾訴，佢只會叫我放鬆啲，唔好太認真，不過晚上，佢會幫我按摩舒緩，另我容易入睡。
我婚前婚後都遇到條件畀我先生好好多的男上司，又如何，我都選擇返我先生，因為我感受到我先生真心對我好，對住佢，我可以做番自我。
你同上司工作相處好，你對佢有傾慕之心，皆因只被對方睇到大家好的一面，但真正一齊生活，係另外一回事，未必如你想像中，到時真係得不償失，也換來家庭破裂，還要承受止亂終棄嘅罪責，後果，你可以承受嗎？

私人傳訊

日日好攰

大宅

積分: 4707

16^#

發表於 22-11-4 21:26 |只看該作者

厚多士發表於 22-11-4 14:14
我喜歡咗我同事(佢senior過我，我入職後就安排佢教我嘢，之後亦一齊拍住做嘢）。其實喜歡咗佢已經一段時間 ...

既然佢都知道要抽離，你就合作配合……趁大家未愛得深，對你對佢都好，再踩落去，真係好痛苦，愛一個不能愛既人，好多遺憾！

我知會唔捨得，但知道不打擾，都係愛既一種，如果想佢好，想佢開心，想佢幸福，就要放手……我知人會貪心想得到更多，但明知比唔到幸福對方，或者只令佢每日打仗內疚，咁唔係我想佢開心幸福既本意！

私人傳訊

日日好攰

大宅

積分: 4707

17^#

發表於 22-11-4 21:27 |只看該作者

再移近都只因你又再步近
愛難道必須跟你迴腸盪氣至死
得不到你的一切只得到傷害
花心機只會被推開

節奏完全被你操控
個性全都不聽我自己
試過多次決心不再動情疏遠你
别再望你一眼别來問候
已發覺沒能力出走

零碎的片段湧現我的四週
疲倦透時間彷似被你偷偷地被遙
猶如橡筋一拉一放不鬆手放開
一邊開心卻越不想放開
由我先鬆綁這心理遊戲
寧願從不著迷不需跟你固定一位
若離若即都不喘氣
如可放開你
從不再玩遊戲

私人傳訊