ifcsir 發表於 24-4-4 05:47
因為佢本人唔識咩叫開心,每次都想佢開心,每次見完面自己都唔開心又內疚,已經十年以上係咁
...
係由你懂事開始就已經見佢唔開心?凡事放負?唔好介意我以下的形容:
好可憐好委屈的樣子?有冇每次同你呻,佢後生果陣點樣捱?點樣付出點樣犧牲?甚或老公點樣唔生性?
例如帶佢出去飲茶食飯,你叫佢鐘意食咩就叫啦,佢會一副可憐兮兮唔敢叫餸的樣子?你每月仲有冇比家用佢?有的話,比果陣會唔會稍為寬容一陣?
你係獨女?有冇其他兄弟姊妹?你的內疚係來自自責?自覺冇能力讓佢住好D,食好D?
有些人好喜歡自己唔開心,就要身邊人陪佢唔開心,我唔知呢種可唔可以叫情緒綁架,相反,你開心嗎?佢就會更加放負而且會心生妒忌,心裡更加會詛咒別人「睇你好得幾耐」...
呢種人的性格或者同佢人生經歷有關,或者佢內心有好多好多傷口,但唔關你事的,你唔係專業人士唔好嘗試將佢從負面拉返出來,因為佢的放負已經生根好似老樹盤根錯縱複雜。你可以盡孝去探佢,買嘢比佢,但要學會,唔好讓佢影響你情緒,佢同你呻時,左耳入右耳出就算。
從天空到大地, 心臟在持續著令人眩暈的擺動, 那是初戀