hello,goofy_bb,我係29/3 夜晚9:00開始見紅,但無肚痛,至到零晨1:00見大紅兼陣痛(10分鐘1次),至到3:00(15分鐘1次),喺張床度想瞓吓抖多陣才去醫院,到4:00(10分鐘1次)並且痛的時間開始越來越長,就叫老公車我入醫院,大概5:00到醫院(已開2度)聽肚1個鍾,姑娘話BB無乜點郁,要即刻落產房,(6:50)入產房姑娘及醫生CHECK完後都無特別講乜,(8:15)突然有個姑娘入嚟要種痘,話要落摧生藥及MAY BE 要開刀時用,(8:30)我開始有D頂唔順,要求聞笑氣,一直WING WING吓,知道曾有姑娘幫我穿水(超痛),我要求過打止痛針,中途姑娘幫我CHECK度數,痛了3/4個鍾才開多2度,我知道姑娘前後幫我穿過3次水,我狂聞笑氣(前後換了3樽),到了大概13:00姑娘叫我打俾老公可以準備到醫院,老公15:00左右到,姑娘16:00叫咗佢入產房,而我就開始生,佢一直陪住我,幫我抹汗,(其實佢無諗過陪我,直至最後才決定),產房一直有好多姑娘(10-8人)幫我打氣,可惜至到17:00醫生話唔可以再等要用吸盤幫產,老公要出去,醫生放吸盤時超痛,17:19BB出世了,3.31KG,但胎盤出唔到,最後要半身痳醉攞胎盤,喺8:30才上產後房,姑娘好好俾老公陪多我一陣,因已過探病時間,叫佢買嘢俾我食,臨走時又俾佢喺BB房望咗BB半個鍾,即晚因我要餵人奶可以俾BB見了2次,喺2/4同BB一起回家,現在BB食3安半/2.5or3個鐘,一肚餓就嘈到拆天,好彩老公陪我放產假,輪流湊及瞓,但佢成日抱BB,我真係驚會就慣BB,妳呢?最近如何?BB食幾多奶呀?