國家地區媽媽會 今日: 0 | 主題: 20261

積分: 1446

1^#

發表於 15-3-23 01:04 |只看該作者 |倒序瀏覽 |打印

代朋友一問，朋友唔係美國居民，持旅遊簽證到美國生bb，要自費到醫院生bb，冇保險，佢問過兩間醫院，一間係公立highland hospital, 一間係私立mills-pen insuba health services,兩間開刀價錢差不多（私立貴少少），佢依家諗緊去邊間好，煩緊幾個問題，睇下有冇jm可以幫手解答下：
1.呢兩間醫院質素點樣？係唔係私立各方面都好啲？例如環境，服務，技術？
2.如果揀私立，佢係經一位華人醫生去診所產檢，再到醫院生bb，語言溝通冇問題，公立嗰間就冇華人醫生，每次產檢，生bb可能都要搵翻譯，咁樣會唔會好麻煩？
3.如果生bb過程中有啲突發意外，公立同私立醫院嘅收費會唔會好唔同？私立會貴好多嘛？私立醫院嘅醫生會唔會胡亂收費？
問題多多，唔好意思，不過朋友仲有一個月左右就生得，都幾急下要下決定，所以都好希望有jm可以幫手解答下，萬分感激。。。

0 0 0

私人傳訊

monkeytoto

別墅

積分: 665

2^#

發表於 15-3-23 04:02 |只看該作者

回覆：三藩市生bb

之前加州至捉過月子中心既非美國居民孕婦…你朋友就生得，個肚甘大點過關？SF海關好嚴

私人傳訊

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

3^#

發表於 15-3-23 06:44 |只看該作者

首先，兩間醫院離天萬丈遠，一間Oakland，一間Burlingame，
持旅行簽証過嚟仲有一個月就生，去公立冇醫生跟開，又語言不通，
到時你朋友點搞？唔係一定有翻譯俾你，好多係on call translators，
生果陣有咩問題，真係可以等到個翻譯嚟到講解完自己決定咩？
如果你朋友未嚟到的話，希望你勸佢唔好過嚟生啦，唔係自己地頭，
又冇保險又語言不通，到時見到張單嚇死都似，順產都閒閒地幾萬美金，
香港俾得二三十萬港紙已經女皇級享受。之後出院又要有人接，
又要有carseat，又要定時返醫院check up。。。
最最重要係美國而家全球徵稅，不知幾多美國有錢人放棄美籍，
有美籍之後唔理你駛唔駛交稅，總之就係年年報稅，香港要年年報美國稅係好煩架。
小朋友喺美國出世未成年前都唔可以幫佢放棄美籍，新聞都報過。。。
唔好話你朋友已經過到嚟同埋過期居留緊等生。。。唔識點答。。。

花旗太太生活在花旗國，留意時差，你問我未必即時答到。

私人傳訊

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

4^#

發表於 15-3-23 06:55 |只看該作者

回覆：cyberjason 的帖子

你係依度問呢啲問題，即係好似係香港問關於雙非嘅問題，就算有人答，都要諗下係咪真答案。你朋友仲有一個月就生得，個肚籮咁大，海關唔會俾佢入境。

1.呢兩間醫院質素點樣？係唔係私立各方面都好啲？例如環境，服務，技術？

呢兩間醫院都唔係三藩市市區，呢兩間都唔係出名生小朋友嘅醫院。第一間個區好雜，唔使考慮。o係香港，外國人睇公立醫院都要比全部費用，所以唔會平得幾多。我諗冇乜國家既私立醫院各方面會差得過公立醫院。

2.如果揀私立，佢係經一位華人醫生去診所產檢，再到醫院生bb，語言溝通冇問題，公立嗰間就冇華人醫生，每次產檢，生bb可能都要搵翻譯，咁樣會唔會好麻煩？

麻唔麻煩係自己感覺，我覺得一個人去外國生小朋友好麻煩，又要麻煩親戚朋友，又要搵地方住，又要人服侍，又要坐月，又要擔心小朋友身體承受唔到飛機氣壓，如果老公陪住就好啲，如果唔係，又要擔心埋個老公係香港搞搞震。最恐怖係屋企個菲傭變咗做女主人，係BK 都見唔少，唉。

搵翻譯唔係一定會搵到，個翻譯都未必翻譯得準確。就算去私立醫院你揀咗個華人醫生，如果個醫生唔得閑，醫院會求其派一個醫生接生。如果英文真係好差，溝通唔到，要諗定有心理準備喇。無論公立醫院定係私立醫院，醫生姑娘同你做每一個步驟之前都要確定你身份，會用英文問嘢，就算醫生係華人，姑娘都會係講英文嘅，除非請到翻譯二十四小時係身邊。

呢邊產檢，香港人會覺得好求其。唔似香港次次都照超聲波，呢邊係求其度下肚圍，聽下心跳就算架喇。要有心理準備，同香港個套好唔同。

3.如果生bb過程中有啲突發意外，公立同私立醫院嘅收費會唔會好唔同？私立會貴好多嘛？私立醫院嘅醫生會唔會胡亂收費？

美國的公立醫院同私立醫院嘅收費差唔多，除非係本地居民，加上有特別嘅保險，公立收費先至會平，甚至唔使錢。我都係果句啦，就算係香港，外國人去公立醫院都係要畀全部費用，所以同私立醫院嘅價錢差唔多。醫院係明碼實價，佢哋唔會胡亂收費，除非你要求唔同服務。另外要搵個小兒科嘅醫生同BB檢查，先至可以出院，BB檢查費用會係之後寄單黎既。例如聽力檢查嗰啲，如果你要求額外麻醉，麻醉張單亦都係之後寄來既，BB檢查費大約＄500 麻醉費用大約＄2000。

要諗清楚，準備好，有晒心理準備，安排好司機接送入院同出院。呢邊叫救傷車係好貴嘅，蘋果日報都講過三藩市嘅救傷車要$2600美金一程，唔似得香港咁。出院嘅時候要有BB carseat，BB先可以出院。

私人傳訊

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

5^#

發表於 15-3-23 06:59 |只看該作者

回覆：rose-mag 的帖子

咪就係，最蠢係過期居留，唔跟規矩做，到時齊齊做晒黑市，唔可以再入美國境。

私人傳訊

lottieclee

積分: 4575

6^#

發表於 15-3-23 11:29 |只看該作者

回覆：三藩市生bb

我想話你知，語言不通係好大問題。加洲規定翻譯係由保險負責及提供。如你自費，即由你自己提供。乜e家香港人連基本英語都唔識咩？

私人傳訊

cyberjason

積分: 1446

7^#

發表於 15-3-23 14:26 |只看該作者

多謝各位jm嘅回應，我講多少少，我朋友已合法入境美國，亦都有足夠長嘅合法逗留時間。朋友選擇去美國生b b, 唔係為咗做雙非攞福利，而係依家香港愈來愈亂，佢唔想bb面對不久將來嘅一國一制。。。唔知名位jm點睇依家嘅香港，不過好多香港人都擔心香港嘅將來。。。
點都好，我朋友已經身在美國，佢唔係唔識英文，只係一啲較專業嘅醫學用詞唔識，所以需要人翻譯。。。
即係各位jm係覺得如果自費，而公立私立醫院收費差不多，一定係揀私立好啲？
再次多謝各位

私人傳訊

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

8^#

發表於 15-3-23 19:32 |只看該作者

引用：多謝各位jm嘅回應，我講多少少，我朋友已合

原帖由 cyberjason 於 15-03-23 發表
多謝各位jm嘅回應，我講多少少，我朋友已合法入境美國，亦都有足夠長嘅合法逗留時間。朋友選擇去美國生b b, ...

點樣為之攞福利，大家都有唔同既理解。o係香港，雙非全費入私院，令香港本土人病既時候無床位入唔到院，或者訓走廊，增加醫療負責，甚至係公立醫院沖急症生BB，走數。香港北區被誇境雙非學童霸學位，等等，大家唔同感覺啦，不贅。

專業醫療用詞，順產我諗到既係無痛分娩 epidural。開刀無啦，反正都麻醉左。

提提你朋友，開刀比順產要長好多時間復元，要耐啲先可以番香港。要安排好人手出院後照顧自己同BB。

點解問完又問係咪私立醫院好啲？香港都係私立醫院服務好啲啦。果間公立醫院地區唔好，況且三藩市出名生BB 既醫院唔係果間。係咪華人醫生近Highland 醫院，所以推薦果間醫院呢？

醫院有產前後班參加，有導遊團介紹間醫院，不如參觀下睇下邊間o岩自己先。

私人傳訊

cyberjason

積分: 1446

9^#

發表於 15-3-24 00:29 |只看該作者

sfmeow 發表於 15-3-23 19:32
點樣為之攞福利，大家都有唔同既理解。o係香港，雙非全費入私院，令香港本土人病既時候無床位入唔到院，或 ...

sfmeow,好開心見到你嘅回覆，多謝哂，你嘅提議好好，我都會同朋友講聲參加導遊團後再決定。聽你咁講，highland醫院真係麻麻地，有華人醫生係另一間私立醫院。
我朋友住hayward附近，你知道附近有邊間醫院係好啲嘛？thx

私人傳訊

麻辣媽咪

積分: 4555

10^#

發表於 15-3-24 02:15 |只看該作者

爸爸媽媽係會為子女諗得多啲，人之常情，生活在美國同生活在香港concern唔同，香港宜家情況又真係差，所以有人寧願駛多啲錢，情願做雙非冒風險都要搏去第二度生，雖然個決定對小朋友係好定唔好都係未知之數。諗返其實我地阿爺果一代好多都係咁，偷落黎香港，忍辱偷生，然後落地生根，我地先叫做成為土生土長香港人。

我唔係話咁做正確，只係明白佢地心態，某程度上反映唔同時代社會現實。

你朋友既然已經入境美國，點都會生埋先走，醫院方面我唔熟比唔到意見，不過冇保險就一定天價，有突發情況更甚，要有心理準備。JM提到參加醫院tour，呢個一定要，到時會有多啲生產方面資料，好有幫助。出院一定要有車接，有安裝好既infant car seat，否則醫院唔會比你同bb離開。如果唔識裝car seat可以生產之前提早去醫院有關部門請人教你點安裝，或者檢查你裝得正唔正確，留意哩個服務可能要預約。仲有安排人產後照顧。

祝你朋友生產平安。

私人傳訊

積分: 174135

11^#

發表於 15-3-24 02:36 |只看該作者

本帖最後由 rose-mag 於 15-3-23 11:03 編輯

仲有一個月生早早要做晒資料搜集，好多嘢唔係自己地頭靠問唔得架，一定要自己去睇，人地講呢間好，問題係自己覺得適唔適合，上吓醫院個網都睇到相，去下間醫院睇下大概，起碼都要知道揸車幾耐去到，你朋友有冇試過去呢兩間醫院架？唔同香港生B，呢度好多醫院係要預先登記，唔似香港咁，你要生仔就入院，你即使就生得的話，第一胎一定唔會即時俾你入產房，檢驗完未生得，你就要等，冇保險你要填一大堆表先，私家更加要確保你有錢俾至會收你入院。

Hayward離Burlingame揸車都要半個鐘，仲要過San Mateo橋，有冇人stand by一call即到? 如果call白車有保險都要幾千，仲要睇下離消防局幾遠幾耐至去到。去google打hospitals near Hayward都出好多間，叫你朋友上網續間查下，唔係所有醫院都接生，有D有婦產科但冇產房，有D只收某一類，如果你朋友跟開某個醫生，點都係要去佢掛單果間，除非唔介意到時求其一個醫生/助產士接手。。。

都係果句，冇人冇物旅行簽証去生仔，好多嘢唔係你所想.....

花旗太太生活在花旗國，留意時差，你問我未必即時答到。

私人傳訊

眼訓

子爵府

積分: 14621

環保接龍勳章大廚勳章

12^#

發表於 15-3-24 04:41 |只看該作者

3月頭LA咪打月子中心？好似報導話d人同醫院deal，用uninsured rate，如果一切順利就＄4000搞掂出得院喎。
申請簽證時用什麼理由，著陸時同海關講乜野？同海關話來美國生仔而佢又放你入來先稱得上合法入境。

你今日backup左未？

私人傳訊

積分: 174135

13^#

發表於 15-3-24 06:12 |只看該作者

眼訓發表於 15-3-23 12:41
3月頭LA咪打月子中心？好似報導話d人同醫院deal，用uninsured rate，如果一切順利就＄4000搞掂出得院喎。
...

3月頭LA咪打月子中心？好似報導話d人同醫院deal，用uninsured rate，如果一切順利就＄4000搞掂出得院喎。>>> 呢D咪做衰晒，唔好話中國大陸人，香港人都有，結果LA人見到唐人產婦就俾人眼望望，而且一定標籤你係呢D非法入境，早兩年已經有好多美國人自發去監視懷疑月子中心，有咩問題就即刻去告發，發現裡面唔係好多人所想咁樣，其實諗下都知，點解可能幾千蚊搞得掂？以前都有媒上嚟呢版講，實牙實齒話幾千美金就得，或者真係得，因為非法用咗當地人嘅資源，好難唔神憎鬼厭。
父母想下一代好嘅心態完全明白，但如果係非法取得居留權又真係可以抬起頭做人咩？暫時香港都仲有雙重國籍，但大陸係唔容許，而家只係走緊法律漏洞，等到大個要徵兵或全球徵稅時就麻煩。

花旗太太生活在花旗國，留意時差，你問我未必即時答到。

私人傳訊

lottieclee

積分: 4575

14^#

發表於 15-3-24 10:38 |只看該作者

回覆：三藩市生bb

如果識基本英語唔係大問題啦。基本上，冇醫學專用詞。我地醫學training 係教要用lay person terms，唔明講到明。否則有translation phone。those phones are blue with 2 headsets。I use it all the time to counsel families who don\'t speak English well.

私人傳訊

眼訓

子爵府

積分: 14621

環保接龍勳章大廚勳章

15^#

發表於 15-3-24 14:23 |只看該作者

本帖最後由眼訓於 15-3-24 14:24 編輯

回覆 rose-mag 的帖子

父母犯法姐，小朋友仲可以用14th ammendment來抬起頭做人。其實我唔反對d人來生仔。大家都係為尋找好d既生活來美國，no problem。但係你理直氣壯咁話合法入境又剩，拿呢個我有問題啦。你唔隱瞞，你老老實實同海關講話係原居地受文革年代一般的逼害，要來生仔又入到境。。。我真心接收到。你真係冇錢，幫你接生埋，冇問題。

唔講樓主朋友想點啦。大陸去月子中心嗰d，生完就走架啦。小朋友根本冇受美國文化熏陶。大左以美籍身份讀大學（我打死唔信會正價讀囉）都唔緊要，最緊要讀完後貢獻社會。但我有預感呢班會拍拍籮友renounce個美籍返大陸打工囉，又如何？

http://money.cnn.com/2015/03/16/technology/china-tech-jobs-jd-com/index.html

更何況一般香港人根本不屑來美國。蒲一陣自由版已經知。

你今日backup左未？

私人傳訊

積分: 174135

16^#

發表於 15-3-24 15:21 |只看該作者

眼訓發表於 15-3-23 22:23
回覆 rose-mag 的帖子

父母犯法姐，小朋友仲可以用14th ammendment來抬起頭做人。其實我唔反對d人來生仔。 ...

過嚟生仔如果唔呃福利唔要納稅人找數的話，我覺得可以接受，但事實好多人用假醫生紙虛報產期入境，之後就過期居留，以前BK呢度都有黑市居留大大聲喺度教人點做可以最後成功轉身份，呢D全部都係香港人嚟，心態係點我唔明，只係呢度一定唔俾人講犯法嘢就係。

如果攞咗美籍之後留喺度做嘢，又或者去返大陸又照納美國稅的話，我覺得冇問題，但事實上有幾多我唔知。我識嘅有錢大陸人真係想走，因為黑心食物太多，學額又係問題，讀書競爭大，有錢都讀到死死吓，當然我指嘅唔係果D二世祖富二代，真係有班人以讀書脫貧，呢班嚟度留得低係打死都唔返去，就算有好工請返大陸都唔去，有朋友話：「咁辛苦走得出嚟，我點解要返去，錢度度都搵得到，但命得一條，有錢去高級餐廳都唔知食咩落肚！」

類似說話我唔只聽一個人講，當然有一班真係勤力嘅踏實嘅，嚟到對社會有貢獻有交稅，問題係只要有一小撮人做壞榜樣，我地所有黑頭髮黃皮膚都被人標籤，喺人地地頭做小數民族，冇歧視就假嘅，問題係點解仲要俾籍口人地歧視自己？

香港有部份人想嚟美國，因為暫時仲係只要過到嚟生仔個仔就有美籍，但我想話係想嚟嘅有幾多人真正少解成為美國人有咩責任同義務，時不時見到自由D帖講到美國有幾差有幾衰，好似鬼地方咁，仲有好多知少少就扮代表，好多都stereotype晒，以偏概全，另外有部份人只睇好果邊，但最煩果D冇人深究，全球徵稅、軍事呢D已經係香港冇嘅。

讀書嚟講，美國比香港壓力少，但唔係冇，呢邊教小朋友要好多時間，如果以香港果套喺呢度教養小朋友一樣辛苦，問題係喺美國你可以揀唔谷到個小朋友冇時間玩冇時間瞓，不過依然有父母都係奉行香港果套。

花旗太太生活在花旗國，留意時差，你問我未必即時答到。

私人傳訊

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

17^#

發表於 15-3-24 23:46 |只看該作者

回覆：眼訓的帖子

我記得新聞講佢地係呃政府、出假證明，先至有呢個價錢，令到政府損失左好大筆錢，所以要捉晒佢地。

私人傳訊

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

18^#

發表於 15-3-24 23:48 |只看該作者

回覆：rose-mag 的帖子

十幾年前入院係幾千蚊就得.... 出院張單金之嘛！到時一頸血

私人傳訊

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

19^#

發表於 15-3-25 00:04 |只看該作者

引用：Quote:sfmeow+發表於+15-3-23+19:32+點樣為

本帖最後由 sfmeow 於 15-3-25 00:06 編輯

原帖由 cyberjason 於 15-03-24 發表
sfmeow,好開心見到你嘅回覆，多謝哂，你嘅提議好好，我都會同朋友講聲參加導遊團後再決定。聽你咁講，highl ...

呢邊d 醫生同香港醫生一樣，有限住某幾間醫院掛單，所以最好問番你朋友既華人醫生推薦邊間醫院啦。既然係開刀生，都唔需要擔心，預早去到就得。有d 醫院有中文義工負責醫院tour，醫院gift shop 有齊需要用品買，mill pen 幾好架，上間醫院既網睇下相關資料。

私人傳訊