我初時以為浴盆只是膠盆一個, 行過宜家時奶奶話買翻個, 咁我就買咗。$99, 但係後來睇書同埋朋友講，其實產後腰痛好多時係因為照顧BB的肢勢問題, 其中一個問題就係換片同洗澡。
所以我開始找一些令我可以唔駛彎身的浴盆，我心入面最理想的就是嬰兒換片浴盆檯，最好係下面可以做埋櫃放BB嘢，荷花有售約$3,XXX。價錢係一個問題，無位放就更大問題。咁我再搵，有D平D, 細少少的$600 至900 一個, 價錢好理想，仲一次過解決洗澡同換片兩個問題。雖然佢有條喉可以放水，唔駛你攞起個盤，但係始終太大,因為呢個架要放在廁所，無理由放佢係廳沖涼然後推佢入廁所放水，所以最終放棄咗。
_0.jpg)
$600 至$900 嬰兒換片浴盆檯
最終我買的是這個，淘寶買的，架連盆約二百多人仔。個架摺得埋，係就係次次要開收麻煩D，但係洗澡時真係好方便，唔駛彎身同BB玩得好開心，大約可以用到BB兩歲。BB大咗佢會要求玩水，如果浴盤唔係Waist level 就唔可以同佢一齊玩。而且佢有些凸出的設計，BB洗澡時萬一鬆手都無咁易滑入水，安全D又唔駛買浴網。講明先，個盤好大個架，我一買返來，我老公係咁話駛唔駛咁大個呀? 兩個BB都放得落。
浴盤連架，平時BB真係同我玩得咁開心架!
如果你想係香港買，MINIMOTO都有呢款浴盤，但係要盤連架要五百幾。不過佢細個D，無咁阻地方。
如果地方真係好有限，可能要搵呢D收得埋的浴盤，我自己未用過，不過見好多媽咪問，所以介紹吓:
1. 吹氣浴盤，$189，我個人覺得日日吹好煩，但係有JM話攞去旅行或者間唔中返娘家用都OK.
2.Felxibath 四百幾
如果嫌佢太深的話仲可以買多個Infant Support 安全D。
3.Karibu Folding Bath $420, 都幾多媽咪用
4.另外有JM介紹呢款The Puj Flyte Folding Baby Bath Tub, 可以放係洗手盆, 好方便, 不過可能用一、兩個月已經唔夠大。
5. 宜家浴盤$99.9, 有防滑, 其實都幾好用，因為無乜花巧可以用到BB好大。
最後，想問問各位媽媽對哪項嬰兒用品有興趣，咁我可以因應大家需要出Post, 唔駛大家買完後悔!
發表於 
返回列表
