今日終於去醫生度打左第一次斑, 用C8 Laser 1064打全面. 之前都打過C6, C8同C6最大分別係C8係全面掃, 不是一下一下打定點, 所以會均混d, 又無C6咁痛, 同埋C6每打一下都有紅光, C8就無光. 醫生幫我分兩part做, 首先全面掃一次收毛孔同firming, 之後就掃斑, 由低度數開始加上去, 連眼皮都做, 最後再在比較深色既斑加大度數狂掃一次, 當時感覺好似燒豬皮, 但果種熱盪可以接受, 做完個面爆晒微絲血管, 姑娘比左個用來cool down既野我轆左15分鐘, 再塗cream同防晒. 醫生跟左洗面, lotion, cream 同防晒比我.
現在未知效果如何, 只是全面花晒. 不過醫生同姑娘都好細心, 我全面都係斑, 所以打左好耐. 我諗去斑無論多斑少斑都係一個價錢, 我成面都係斑感覺抵d. 我之前打過兩次C6, 做開facial果度送3次我去佢地group既醫學中心做, 個醫生好唔掂, 態度又差, 後來發現只係一般內科醫生, 不是皮膚專業, 所以問親佢問題都答唔到, 打左兩次都無效果, 仲想sell我兩萬四做十次, 即使有一次free我都費事去.