工人做佐年幾,做野方面普通!勝在都算錫我女!簽約時我有講明每月放2日閒日2日星期日,佢都ok!做佐差唔多一年,就同我講交佐$2000學費,準備拜師學化新娘妝,咁我都無意見!但自此佢就幾乎個個禮拜會同我要求放星期日去上堂,我係ftm,老公工作星期日係最忙,深夜先返,小朋友又放假,我就要全日自己湊2個!初初我全部都比佢放,唸住自己星期日橫掂無特別野做,最多自己辛苦少少,當支持下佢咁啦!
點知當佢學完十幾堂化妝課程後,依舊持續性每個禮拜五或者六向我提出星期日要放假!個個禮拜有借口,例如:化妝老師約了學生要佢去示範、做model比老師化、表姐放假回鄉要去送機、伊斯蘭教大型乜乜會、朋友生日party、表姐放完假返香港接機..等等!見佢態度誠懇,又扮晒可憐咁講「如果放唔到都唔緊要」,我又心軟,就個個禮拜讓佢得逞!
今晚係廚房煮飯時,佢又同我講,想聽日放假!我就有D𢛴,同佢講:你唔好再個個禮拜揾唔同借口要放sunday!之前已經比你放佐好多!之後你真係有緊要事先再同我要求放!"然後我就行出廚房!
等我再入廚房!佢仍未死心,繼續同我講,聽日將有fashion show!化妝老師一定要佢去幫手等等!個樣仲整到好可憐咁!我又一次心軟,就話好啦比你放啦!下個月開始你真係有事先會比你放sunday!
點知佢竟然打蛇隨棍上,向我要求:可否今晚做完野就出去?我O嘴!問點解呀?佢話因為fashion show將於早上開始,所以凌晨四點要開始準備!
我聽完好嬲!同佢講:你唔係同我開玩笑吖嘛?下一步有咩打算?係咪準備搬出去住?我建議你,即刻停止合約!去做你鍾意ge野!唔好再做工人!
我依家覺得呢個人好蠱惑,大家有咩睇法?
<a href="http://www.glitter-graphics.com/myspace/text_generator.php" target=_blank><img src="http://text.glitter-graphics.net/gold/s.gif" border=0><img src="http://text.glitter-graphics.net/gold/t.gif" border=0><img src="http://text.glitter-graphics.net/gold/a.gif" border=0><img src="http://text.glitter-graphics.net/gold/r.gif" border=0><img src="http://text.glitter-graphics.net/gold/r.gif" border=0><img src="http://text.glitter-graphics.net/gold/y.gif" border=0></a>]