母乳餵哺 今日: 0 | 主題: 85695

積分: 89

1^#

發表於 13-10-28 12:59 |只看該作者 |倒序瀏覽 |打印

我仔仔依家33個月~~ 仲有食媽媽奶~~~ :) (其實我都覺得好自豪咖)

今次上黎其實係想鼓勵下大家~~ 比多D 正能量母乳媽媽~~ :) 大家要加油呀~~

小小分享:
其實我餵母乳既經歷都好辛苦咖~~~ 當初我係緊急開刀生BB...之後傷口又好痛~~仲要係醫院發燒... 醫院姑娘又唔SUPPORT...我好努力咁想餵...但阿仔又唔識食...姑娘教左2次我同阿仔都搞唔掂...姑娘當時仲話...叫個嬸嬸唔好理我住...搞到我好唔開心....之後下一餐仲將我仔推左去奶粉區....個姑娘係咁講..第一餐餵幾多ML...跟住又話...咩幾多ML...係咁問我D 數學問題咁.....我果刻個心只係想餵母乳...跟本完全聽唔入耳....佢講完再問返我...我又全部答錯...佢一路話唔岩..唔岩....果刻我真係好想喊....好想大叫......

係醫院果幾晚..係隔離床既媽媽教我去泵奶...我好努力..被迫餵完奶粉就走去泵...但泵左成粒鐘都係得1OZ ....試過泵到訓著左....果時真係又累...又唔開心....但見住果1OZ 好似當寶既我...好開心咁走去比姑娘...個姑娘一句就話...你下餐先啦...........跟住就拎走左我果1OZ...叫左我走.... (當然佢無比我仔啦)....
果刻我真係好唔開心....只想快D 出院..

到真係出左院...本來我係有買定罐奶粉做SPARE...第二日去左健康院...個姑娘好好...佢鼓勵我再試...佢話阿仔同我都係磨合中...所以叫我唔好補奶粉....我罐奶粉就係比阿仔食左一次....我就決心掉左去....
當時我仲同我老公講...如果我話要補奶粉..你就堅決唔比我啦......

我身邊當然亦有好多不同聲音...當時真係覺得好煩...我知...好多身邊既人都係好意..佢地會話...叫我唔好迫自己...補返下奶粉啦...等自己可以休息多D... (但其實當時我聽到呢D 說話真係覺得好煩)....仲有...我奶奶...姑奶....佢地成日話...人奶唔好啦...又話唔夠啦....總之真係好煩....

不過我好好彩有個表妹...佢仔仔大我仔年幾...佢當時又係好努力好辛苦咁餵人奶...身邊又係好多聲音....但佢好堅持...最終全人奶至1歲....佢不斷WHATS APP 我...鼓勵我.....解答我好多問題.....所以我可以咁堅持~~~

就係因為佢..令我知道鼓勵對人奶媽媽好重要~~~ 所以大家都要加油呀...

我仔仔依家33個月...今個月開始佢只係間中飲下JA...不過我好ENJOY 同佢呢段親子時間~~~ 而且阿仔既抵抗力真係好好~~~

各位..加油呀~~~ 有咩問題可以問我, 我好樂意解答大家咖~

點評

Angelllll 媽媽妳好叻呀！^_^ 發表於 13-10-31 08:18

0 0 0

私人傳訊回覆引用

yeahyan

複式洋房

積分: 399

2^#

發表於 13-10-28 13:12 |只看該作者

回覆 sweetheart_caro 的帖子

私人傳訊回覆引用

cat_tam

禁止訪問

積分: 1932

醒目開學勳章

3^#

發表於 13-10-28 13:21 |只看該作者

回覆：sweetheart_caro 的帖子

提示: 作者被禁止或刪除內容自動屏蔽

私人傳訊回覆引用

cherrypkf

積分: 952

4^#

發表於 13-10-28 13:28 |只看該作者

回覆：sweetheart_caro 的帖子

你好叻!
我的情況同你有D像，都係緊急開刀。BB係醫院被餵奶粉5日人仔已餵到4安粉，回家後人奶餵極都唔飽（每日埋身3次和泵4次、補2-3餐粉。BB每次埋完身都要補3-4安人奶先夠）我好想轉全人奶，還可以嗎？BB43日大，我由上星期開始每日佢一喊就埋身和只補一餐粉俾佢⋯

唔知咁是否餓壞了他，每次埋身約30分鐘（泵：一日約2次，每次約1-3安），只可頂到半小時至1小時，濕片少了，便便更是2日先有一次，我是否錯了？

老公成曰叫我放棄，一來我成日損，二來BB又成日喊無咩怎休息。搞到大家好唔開心咁⋯

私人傳訊回覆引用

積分: 89

5^#

發表於 13-10-28 16:00 |只看該作者

cherrypkf 發表於 13-10-28 13:28
你好叻!
我的情況同你有D像，都係緊急開刀。BB係醫院被餵奶粉5日人仔已餵到4安粉，回家後人奶餵極都唔飽（ ...

Cherrypkf:
我果時仔仔係醫院都係被迫餵左幾日奶粉~~
你bb 依家43日大~~ 即係1個月多d~~ 其實如果你想轉返全人奶係得咖~~ 不過:

1. 你要食多d 飯..< -- 食飯係會多奶咖
2. 你要飲足夠水
3. 飲多d 魚湯 (木瓜章魚湯 or 木瓜魚湯都好好咖)
4. 食多d 有營養既野..(唔駛特別補既)

最重要既一點係...: 要識得左耳入右耳出 (hehe) <-- 因為身邊既人一定會有好多反對聲音....其實我老公初時都有叫我補奶粉...佢驚我太辛苦..因為我真係覺都無得訓....不過我同佢講...我真係好想堅持..我好想比到最好既比仔仔....希望你明白...如果你唔想我咁辛苦...你可以幫到我既係....我負責餵奶...你負責換片...咁我餵完可以抖抖..就算得半個鐘...15分鐘都好.....

我初時都唔夠奶..阿仔30分鐘就食一次.....真係好似個癲婆咁...好在食完...老公就即刻幫仔掃風....換片..我就即刻爭取時間休息~~

我最癲果時係....我想多d 奶....就埋完身就即刻再泵....就算得少少都照泵...半夜又餵又泵......慢慢就有存貨....到真係好頂唔順..就餵少一餐埋身...就由老公餵雪奶~~ 咁就有得休息下..

我到阿仔介左夜奶後...半夜都照起身泵....因為我驚返工後就無得餵..所以係咁儲........到最後我係成個雪櫃...冰格都係奶~~~

********************

mama...如果你想轉返全人奶..唔係唔得咖...真係只要有決心..唔會有唔夠奶既媽媽....因為奶量係取決於媽媽餵幾多....埋身食係最多奶既.....同埋半夜餵/泵...都會製造更多奶... 呢個係人既調節機能...你要相信自己...

仲有就係..你唔好擔心會餓壞bb....bb 唔會咁容易餓壞咖~~ 初生bb 佢既食量其實係好少~~ ..仲有就係..頭3個月既bb..佢地有母體既天然抗體同營養...所以餓幾餐都唔會有事咖~~~ 所以唔駛太擔心..(當然唔好走去無端端餓個b 啦..xd)

人奶bb 唔係日日便便係正常咖~~~ 有d人奶b 甚至成個星期先便便一次~~ 最緊要係佢d 便便會唔會好硬..同便便得好辛苦~~~ 同埋初生bb 頭1個月內濕片係會多d...會慢慢無咁多...

如果奶頭損左既話..可以擠一d 母乳查下去....會好快無事.....

仲有就係留意下如果因為bb 吸啜姿勢錯而令到成日損的話..就要教返bb 岩既姿勢....
(係佢啜到你痛既時候..即時用手指尾頂入佢口..佢會即時啜唔到....等佢知道咁樣係唔可以...係會無得飲.......bb 既學習能力其實好快..但如果你由得佢..諗住自己忍..bb 就唔會知係有問題..佢就會繼續用錯既方式去啜)

希望幫到你啦~~~ 加油呀~~~ :)

私人傳訊回覆引用

積分: 89

6^#

發表於 13-10-28 18:07 |只看該作者

回覆：在此鼓勵一下正努力OR準備餵媽媽奶既媽媽 :)

各位人奶媽媽，繼續加油：）

私人傳訊回覆引用

Jessica

"卓賢的相薄" United Kingdom 2003 "卓賢的相薄" France-Paris 2003 "卓賢的相薄" Flower Boy "卓賢的相薄" Taiwan 2004 "卓賢的相簿" At the Beach "卓賢的相簿" United Kingdom 2005

積分: 6042

育兒性格勳章

7^#

發表於 13-10-29 11:49 |只看該作者

回覆：sweetheart_caro 的帖子

加油…加油…加油…！

"卓賢的相簿" France, Belgium & Holland 2005

私人傳訊回覆引用

cherrypkf

積分: 952

8^#

發表於 13-10-29 12:56 |只看該作者

回覆：sweetheart_caro 的帖子

Thx!

私人傳訊回覆引用

pica

積分: 5082

9^#

發表於 13-10-31 00:25 |只看該作者

回覆 sweetheart_caro 的帖子

你好叻！可以餵到33個月真係不簡單！我bb 今天十六日大，生完由医院開始就全人奶，之前試過兩邊乳頭損了流血我都堅持，但今日右邊乳腺突然塞了，痛到我想喊，加上有少少發燒，頭又痛，連我老公都叫我放棄，真的好痛，剛剛泵清再食了粒必理痛好少少！請問怎樣才可通番?係咪每次餵完就要再泵清？怎樣才避免塞？

私人傳訊回覆引用

ziyu

積分: 5402

10^#

發表於 13-10-31 23:16 |只看該作者

回覆：在此鼓勵一下正努力OR準備餵媽媽奶既媽媽 :)

我想請問下，5個月左右阿b 食奶食到係咁郁，5分鐘就唔食分心，用巾遮住佢都無用，攪到成日塞奶量跌，點算好呢，

另外除左埋身佢完全唔食樽，攪到我想泵出來比佢都唔得，呢刻真係覺得好煩好想放棄但佢又未食得固體又唔食樽埋身又唔專心可以點算呢

私人傳訊回覆引用

積分: 89

11^#

發表於 13-11-1 08:55 |只看該作者

引用：回覆+sweetheart_caro+的帖子你好叻！可以

原帖由 pica 於 13-10-31 發表
回覆 sweetheart_caro 的帖子

你好叻！可以餵到33個月真係不簡單！我bb 今天十六日大，生完由医院開始就全 ...

係呀，餵完最好泵清佢，仲可以儲定多d 奶，如果塞左，要搵健康院母乳姑娘，佢地會好幫手

私人傳訊回覆引用

積分: 89

12^#

發表於 13-11-1 09:00 |只看該作者

引用：我想請問下，5個月左右阿b+食奶食到係咁郁

原帖由 ziyu 於 13-10-31 發表
我想請問下，5個月左右阿b 食奶食到係咁郁，5分鐘就唔食分心，用巾遮住佢都無用，攪到成日塞奶量跌，點算好 ...

我仔食奶都超唔專心，一定要係房，無其他人，仲要用巾遮住佢，你可以照比佢埋身，食完照泵，佢食到幾多就幾多先
樽餵，你可以試下叫屋企人幫手餵，但你唔好比bb 見到你（我仔果時一見我就唔肯用樽）
另外，你可以嘗試換另一款樽，我仔以前只肯用TT , 我買過chu Chu 佢完全唔食

私人傳訊回覆引用

ziyu

積分: 5402

13^#

發表於 13-11-1 10:11 |只看該作者

引用：Quote:原帖由+ziyu+於+13-10-31+發表我想請

原帖由 sweetheart_caro 於 13-11-01 發表
我仔食奶都超唔專心，一定要係房，無其他人，仲要用巾遮住佢，你可以照比佢埋身，食完照泵，佢食到幾多就幾 ...

Thx 請問tt 即係邊隻牌子？

私人傳訊回覆引用

Trainmama

積分: 815

14^#

發表於 13-11-1 15:51 |只看該作者

回覆：在此鼓勵一下正努力OR準備餵媽媽奶既媽媽 :)

我都試過埋身餵完泵清佢，但我好擔心下餐無奶俾阿仔埋身

私人傳訊回覆引用

KITTYKT2006

積分: 736

15^#

發表於 13-11-1 18:42 |只看該作者

咁我B九日人仔，因為開刀，所以一直食粉，早幾日開始用泵，但奶量超少，四個鐘泵一次，三次先夠一餐，因為佢食開3安粉
依家想佢埋身轉全人奶，但阿B每次啜幾啖又瞓，幾啖又瞓，但又唔可以放落床，一放低就嘈，我無理由抱住佢成日啫。。。同埋俾佢啜得耐真係好痛。。。唉，我依家十五十六都唔知點好

私人傳訊回覆引用

dididaisy