Jessica-WNJ 發表於 13-11-3 19:42
我想請問一下, 焗完的PIZZA, 如何CUT呢?
我試過用焗盤焗完後, 直接CUT, 但發覺會刮花個盤, 請問你會如何 ...
Pizza stone係石,唔會點花,如果係焗盤的話,放涼一陣倒出嚟至cut,
記得焗前搽少少油及灑少少cornmeal就會好易倒出,我係用pizza cutter,
好容易就切開,有的話用廚剪都得架,個切口會整齊D。
我焗完連塊石拎出,即刻用pizza cutter切件,之後原石上放涼或即食都得。
低發20小時係我無意中即完個pizza麵糰但唔可以即刻焗,所以未等一發1小時,
即刻蓋上保鮮紙放入雪櫃,20小時後至取出焗,果次個批麵糰好軟熟,
老公已經話以後可以周日搓定麵糰第二日焗,周末就即日焗。
1杯係焙烘用量杯份量嘅1杯,1杯粉份量即係125克重量,
香草係指乾香草碎,一樽樽超市都有得賣,我用一半羅勒basil,
一半俄勒岡oregano,你可以買一樽Italian seasoning意大利香草就可以,
薄荷太重味唔係太配,pizza多數配羅勒同俄勒岡,不過乾香草落嘅份量唔會太多,
用新鮮嘅就會用得多少少。
花旗太太生活在花旗國,留意時差,你問我未必即時答到。