本帖最後由 s.y.mami 於 14-5-24 04:00 編輯
回覆 EggBB 的帖子
唔好意思呀!咁耐先覆你 .
其實我包糉都唔係好叻 , 我初初都係係 youtube 嗰到學番尼架!
好笑 ge 係嗰時我用白色紙 , 剪成好似糉葉 ge 形狀 , 加 d 米練習吓 !
練習咗幾次之後 , 胆粗粗就買好晒材料就包喇 !
其實第一次學包糉 , 我覺得包 d 簡單 ge 包法最好 ,
e個係我係 youtube ' 尹 ' 到 ge 簡單包法 ,
http://www.youtube.com/watch?v=m1EhNghLO7Y
我覺得啱你學 , 所以介昭比你 .
以下係我包糉材料 ( 冇糯米冇鹹蛋黄 ) :
2 扎大糉葉 ( 我唔會買細 ge , 因為大糉葉容易包d ) ,
鹹水草 ( 可用綿繩 )
1 斤十穀米
半斤綠豆仁
小小雜豆 ( 例如 : 眉豆 . 紅豆 . 綠豆 . 赤小豆 , 總之你鐘意咩豆都得 )
鮮准山
餡料 : 蝦米 . 梅頭肉 . 江瑤柱
1. 包糉前 1 晚 ge 準備工夫 :
分別用水浸十穀米 . 雜豆 . 綠豆仁 . 江瑤柱 . 糉葉和鹹水草 ( 如果用綿繩就唔洗浸喇 ! )
梅頭肉用少訐玫瑰露酒 , 胡椒粉 , 五香粉 , 生抽或煲仔豉油 , 少許油醃一晚 .
( 我冇落白糖 , 因為煲仔豉油內已經有糖成份 )
2. 第 2 日 : 浸蝦米先 . 鮮准山刨皮切粒 ( 因為准山容易氧化 , 所以刨皮後用淡鹽水浸一陣
先至撈起 , 如果唔係就會變黑架喇 !
將糉葉和鹹水草清洗乾淨後 , 煲 1 鍋熱水將糉葉和鹹水草烚至軟身後 .
再用清水清洗乾淨 , 煎去糉葉圓頭硬嗰邊備用 .
3. 將浸好 ge 十穀米 . 雜豆 . 綠豆仁 . 准山粒隔好水後 , 用少許鹽撈埋一齊醃一陣 , 可以加埋己
經浸好 ge 蝦米水和江瑤柱水落去撈埋備用 .
包糉材料次序 : 有硬骨凸起嗰邊 ge 糉葉做底 , 滑嗰邊就用來包餡 ge , 唔好搞錯呀 !
次序係兩塊糭葉 , 己撈好其它材料 ge 十穀米 , 梅頭肉 , 江瑤柱 ,
再放十穀米 , 再加多一張糉葉 , 包好後用繩扎好 .
全部包好後 , 燒滾半鍋熱水後 , 落糉 , 水要浸過糉面 ,
然後用大火煲滾後改中火拾 2 至 3 個鐘 , 其間睇吓有冇水小 , 如果有就要加番d熱水喇 !
烚好後夾起攤凍 , 就可以放係雪櫃幾日 .
要食嗰時 , 連糉葉一齊拾番半嗰鐘就得喇 !
包糉過程雖然煩覆 , 但係可以送比親人和朋友 , 大家都開心嘛 !
仲有 , 有隻龍舌蘭糖醬 , 專係比有糖尿病人士用架 !
我都有糖尿病 , 有時醃肉都有用佢 , 但唔會次次都落 , 間吾中喇 !
如果你有興趣 , 可以去吉x島超市買架 !
哈哈 ... 希望幫到你啦 !
fishfish [url=http://www.baby-kingdom.com/static/i