本帖最後由 rose-mag 於 14-7-22 12:19 編輯
BrandonMa 發表於 14-7-18 15:14
謝謝您回覆
我小朋友而家2歲半,我預計最遲2015年尾返美國,到時小朋友已經差唔多4歳(我仔1月出世 ...
未夠5歲唔入得學,男仔遲少少仲好啦,因為太細個未夠成熟學嘢蝕底D。未夠年齡入K,你可以帶佢去下Playground,或者去Preschool,唔駛日日返足,我個女以前去Daycare都係去3日,當適應下,同其他小朋友玩下,學下點自理點守規距,入公立學校唔係必須,但如果入私立小學,好多嘢都要識,而月冇讀過Preschool嘅,好多私立小學都唔收。
你keep住協康嘅文件醫生信,呢度有樣嘢叫IEP (individual education plan),由daycare開始,只要由校區評估符合資格都會有特別老師跟進,睇下情況嚴種程度,唔太大問題可能係喺學校每日有半小時one on one由Specialists同小朋友上堂,嚴重就要去特殊班。嚟到之後報學校,同校長傾,30日內會安排跟進,填表做評估,評估完就開IEP會議,傾下有咩對策,校區代表會講有咩可以做到,以後會點做,set一個goal,中間家長可以跟進,其實基本上比香港容易得到嘅支援。
另一個方向就係工作嘅保險,有D公司嘅保險包一部份治療費用,家長負責一部份,有D保險唔包而小朋友需要的話,家長就要自己俾錢啦,到時要細心睇同問清楚保險公司有關細節。比較麻煩係申請做評估同申請治療嘅手續,好多時等保險公司批,冇個referral code又唔可能申請到有關私人治療。
花旗太太生活在花旗國,留意時差,你問我未必即時答到。