基金除咗例牌管理費外,仲有更多所謂out of pocket嘅搵笨收費,例如印野、職員出差、郵寄等等雜項,的經理同埋的阿四通世界坐business class周圍飛,住五星級酒店,底衭都帶埋畀酒店洗,商務餐、長途電話費係咁開數,呢的都係我做核數嘅朋友話畀我知。
我朋友不幸十年前畀個而家仲成日響報紙吹水嘅「投資顧問」介紹,用一百萬買咗五隻基金,其中四隻都係名牌,無論指數點升跌,個價都從未見過家鄉,遑論每年回報。
D經理每年照收管理費、行政費如儀,心不跳、臉不紅,只係每月寄個report,每年寄一大本電話簿年報(又博命開數),塞爆你信箱,我識好多朋友買基金都係蝕錢,連自己做金融數十年嘅老手都鎩羽,至於嗰的專同人捉基金路嘅所謂投資顧問,就更加狠胎,又收的基金回佣,又收的客嘅乜乜set up fee,顧問費、表現費等等,有的可以分人賺到嘅15%到20%,犀利過澳門的疉碼仔,的客蝕咗就側側膊,再叫人轉fund,又咬你一筆。
基金欺客嘅黑幕,真係罄竹難書,去書局搵下,就知道客戶的遊艇在那裡。
《顧客的遊艇在哪裡?》
一位住在美國中西部的農人,退休之後到各地去遊覽,到了紐約的華爾街是全世界的金融重鎮,農人對於華爾街能夠有如此繁榮的景象驚異不已,心想這裡一定創造出不少大富翁。導遊領著他們到紐約長島的碼頭,一一為他們介紹,這是某某銀行家的豪華遊艇,那是某某名股票經紀人的私人遊艇,令農人欽羡不已,但是他突然納悶的問了一句:「那客戶的遊艇停在那裡呢?」。答案是他們的客戶沒有游艇。這些銀行家和經紀人們都號稱在幫著客戶賺錢呢,實際上是幫自己賺錢。
大力理財篇 之 子女理財!
http://www.baby-kingdom.com/forum.php?mod=viewthread&tid=3868590&extra=page%3D1
買基金真係好傷
http://www.baby-kingdom.com/forum.php?mod=viewthread&tid=3294843&extra=page%3D1