好多年前, 經AGENT 介紹了一份工。
雖然地點超級遠, 人工唔係高, 但因我係由零售轉返文職, 都照做啦。
點知返工, 寫字樓都好靚, 但入到去, 發覺像個貨倉連寫字樓。
第1日返工, 做既野完全唔係文職做既工作, 只係負責將光碟放入碟盒。
都算啦...
返工第2日臨收工, 個老細叫我入去....話我學歷差, 叫我進修。
但進修課程係個D學人生道理, 增強自信既COURSE, 重要8千幾銀....我份人工先得好似7K。
我梗係唔做啦。
跟住個老細即反面, 叫我走.....
當時返了唔夠3日, 冇糧出, 白做了2日。
跟手佢重要打去AGENT度鬧, 話我返兩日工就辭職。
AGENT 打黎責怪我, 我話我返了2日冇糧出, 白做, 佢重要我報個8千絕銀個COURSE 學乜鬼人生哲學增強自信呀!!! 我一話唔會報,佢就趕我走呀! 係佢趕我走呀!!! 唔係我做兩做唔做。跟住個AGENT 都即係話「下! 咁衰...好, 我打去話佢」
Childhood is journey, not a race.