Day 3 續:我帶了單反相機但忘記帶叉電,Day 2相機無電了。司機Day 3由台北老家帶了相機借我用,超級感謝他!
Day 4:全日在台北,早上食了小店饅頭,再去家樂福掃貨,2位小朋友好開心。午餐就係重點啦!我地2大2小在饗食天堂食buffet,埋單450港幣,真係好抵,質素又好,我一個人食左5隻蟹。而家我仲有本coupon可以在9月份使用,有興趣之jm我可寄比佢。下午去台北車站及地下街,買下小精品,途中發現一間古老版冒險樂園,有一樣的遊戲,香港1/3的價錢,真係大愛呀!我個人覺得必食必買的手信是雞蛋布丁,好好味。晚上去了一間叫Tasty西提牛排晚餐,超級滿意,有海鮮頭盤沙律熱湯主菜甜品飲品等等,一個set都只係港幣百零蚊,而且服務係一級棒!我仔跌左條西蘭花佢地竟然送多3份伴碟菜比我地,而且小朋友仲free無限量refill的爆谷、足料粟米湯、飲品。飯後,我地一行4人再去埋光南大批發,瘋狂掃貨,意外驚喜係表哥買8支啫喱筆芯(已經比香港平好多),比錢時竟然free多10支,真係抵到暈。
Day 5:早機走,無行程。約返包車司機送我地去機場,佢送左2包好好味花生糖同埋在台北7仔換左隻可愛小熊瓷碟比我,大感動!