婆媳關係 今日: 0 | 主題: 27721

積分: 1043

124^#

發表於 15-9-20 15:36 |只看該作者

回覆：一條刺的開始

清靜日子續

老公聽左群腳大伯電話，就返左去食飯。
我無理佢，佢自己一個人返去。
其實我都預左，如果有人親自打比老公既話。
佢會番去。
不過我老公無問過我可唔可以帶仔囡返去，
因為唔洗問，佢都知唔得。
所以唔洗問喇。

不過我都好心涼，雖然我由頭到尾都唔係想同奶奶爭仔，我自己都有個仔，你鐘意就爭飽自己個仔。你唔好黎爭我個仔就得啦。

我心涼既原因係因為過往我地多數係5點至5點半左右返到去。有時如果多細路係到既話，會再早d，比d時間個仔囡玩下。九點至九點半左右先走。
但係老公當天自己單獨返去，佢成7點左右先返到去，我都唔知點解佢個日會6點先收工，因為每日老公一收工一定通知我，巳成習慣

(我平時如果知道要返99到，我通知完老公，就會叫佢4點半左右好番到屋企接我地，會同佢講聲，你明知我晏左返既話，你呀媽又黑面架啦。)
而佢9點就巳經踏入左我地屋企門口

甘即係，佢8點兩三個字就巳經離開左99屋企。
即係一坐低就食飯，食完飯，就走。
連姑奶都無車到佢地返屋企。正常既姑奶實唔會走得甘急。我唔係到，姑奶好大機會洗埋碗先走。

我心涼，並唔係因為老公逗留時間短。
我心涼係因為，好仔不如好新抱呢個句說話。
你自己唔珍惜，後悔都太遲。

不過凡事兩面睇。
可能奇怪既男家。
會覺得係我吹催佢拉仔拉心肝，拉仔先會走得甘急。(但我一個電話都無打過比佢，亦無msg過佢)但唔諗甘多啦，如果男家係要格硬美化自己個仔既話，而去踩低人地個囡既話，我都無辦法。我無謂太多猜測。

仔囡訓哂後。
我問我老公今日食飯點呀？
老公：佢地咪問你做咩唔返？
我話甘你點答呢？
(我老公係甘衰，好多時都要引導佢講野。
如果唔係既話，就問一句答一句。)
老公：我無答過人任何問題。
我走個時，叫xx(群腳)唔好攪甘多野。

我：甘佢地問你乜野？
老公：點解唔番黎之類囉
我：無喇咩？
老公：咪咩一家人唔好放係心等等等等等既野

我：甘你點樣叫群腳唔好攪甘多野？
老公：走個時行去同佢講
我開始唔耐煩

你可唔可唔好問一句答一句呀

自己講得唔得呀!!!!!

老公簡短既演繹。
我就走既時候，行去佢身邊。
Xxx，唔好攪甘多野，比條生路黎行下
Xxx回話：攪咩姐，叫你番黎食飯睇下個呀媽，有咩攪姐。
(兄弟間一直用全名稱呼，我都唔知點解，他佢地不嬲都係，但某一兩個就唔係，因為有個花名叫，而我老公就不嬲比人稱做細佬)

就係甘簡短

我老公無左講野，就走左。
我老公一直係99到都係無野講架。

我問佢：你大佬係扮傻，定真係唔知你講乜呀

好明顯“叫佢唔好攪甘多野“係唔會講緊因為佢叫你返去食飯啦。
你又唔講清楚d,比哂機會佢扮傻。
我再問，其實佢明唔明你講乜架。
我老公話：我點知佢明唔明呀？

我都吹佢唔漲，不過我老公從來都係甘樣同佢地溝通既，一句起兩句止。無乜話題亦無乜拗叫。回一回氣後，我就開始大笑

我話：我比你個句“比條生路行下“笑死喇

私人傳訊

積分: 16855

125^#

發表於 15-9-20 15:45 |只看該作者

回覆：一條刺的開始

根本吾同住，有乜可能比大份家用貼同住果d兄弟姊妹。

反正反開面，比3k家用已經有多。比3k62，（呢3k你比得順丫？係咪），反正供份保險又要$

話吾夠$洗的話，叫同住果d比足佢。重可以大大聲答佢有2個小朋友重皮，比條生路行下

慢慢來, 吾洗急, 但最緊要快.

私人傳訊

積分: 1043

126^#

發表於 15-9-20 18:44 |只看該作者

回覆：一條刺的開始

莫須有

老公公司通常幾個月，就食一次飯。
地點多數由我定，我訂。
公司長工既員工好小，得九個。
散工，做得耐長散既得3個。
我老公公司規模好細架姐。
並唔係咩大老闆。
大家都係book下酒樓仔拎間房食下飯，打下邊爐，班男人玩下啤牌，飲下啤酒。
但通常有飯局都會叫埋，同公事上有來往既大爺。又或者同事們，有一兩個相熟既老婆都會一齊黎。大約兩圍枱至兩圍半。

當天大嫂都有黎，因為大佬係公司做既。
大嫂過往出席過1次半次。
唔係成日出席。所以佢當天既出席。
我開頭都諗大嫂係黎做和事佬。
(我同大嫂無咩特別，大家以禮相侍，無咩話題，又唔多見，大嫂住得唔近我99，唔係成日返，不過我成日都覺得佢把聲好噪，加上比我既感覺係，我覺得大嫂係個d落足99鞋油既人，再加上我同大嫂既年紀都有一段距離，所以感覺比較怪怪的，似長輩多過似妯娌既感覺，但我地平時無乜特別，不過大嫂係唯一一個如果我同佢都同一時間在99家的話，大嫂係唯一一個會願意同我輪住一人洗一次碗既人)

但係，世事果然係難料。
但係原來大嫂係黎踩多99同群腳，兩腳既人。
(比我感覺係黎有仇報仇既feel)
不過唔知咩胡爐賣咩藥。
我選擇只聽，選擇不回應。
到最後。但我還是忍唔住爆左粗。

仲係兩圍枱面前有d失儀。
講左句痴x線。
真係忍唔到。
雖然唔係話太大聲，但係人都隱約見到我面色有異。我真係好嬲，但告訴自己要收拾心情，既然都放低左d仔囡比婆婆湊，好好享受同大家聯誼既時間。(我同其中某幾個同事都可以一齊嘻嘻哈哈的)我格硬唧番d笑容出黎先。
再行左去廁所，我自己係個廁格到，依依哦哦。
大約內容係：呢個世界乜春人都有架啦。唔好介意，都痴x線架。自己哦左幾句。叫自己cool down下。再走番出去。迫自己當無事發生。
(而家諗番起都覺得自己有d失控，嬲到自言自語，如果隔離廁格有人，肯定嚇鬼死佢

)

入番房，我都覺得，自己好似神經衰弱甘

即刻就同其他太太們吹湊仔經。
當無事發生(一直比大嫂捉住左，都未同太太們打過招呼)

不過幾杯落肚，嘻嘻哈哈，我就好快暫時唔記得左，當晚都算盡興既。

但果晚撘的士返屋企，我就浮番出黎。
我同我老公講：我而家清楚明白莫須有，係點解喇？你大嫂爆左出黎喇。我同老公都有小小醉，不過係3分醉，7分醒。

續

私人傳訊

積分: 16855

127^#

發表於 15-9-20 18:51 |只看該作者

回覆：一條刺的開始

吾係好明呢一段

慢慢來, 吾洗急, 但最緊要快.

私人傳訊

yl88

公爵府

積分: 27899

128^#

發表於 15-9-20 19:41 |只看該作者

引用：莫須有老公公司通常幾個月，就食一次飯。地

原帖由 kit999 於 15-09-20 發表
莫須有

老公公司通常幾個月，就食一次飯。

唔係好明

私人傳訊

lamhonpui

積分: 1423

129^#

發表於 15-9-20 19:46 |只看該作者

引用：吾係好明呢一段

原帖由 寫我心情 於 15-09-20 發表
吾係好明呢一段

me 2

私人傳訊

積分: 1043

130^#

發表於 15-9-20 21:16 |只看該作者

回覆：一條刺的開始

莫須有續

老公問又咩事呀，見你同大嫂密密針。
就知有新鮮啦。
我同老公講番出黎。

其實我自己都唔知甘直接，同用左d甘尖銳既詞語會唔會hurt到老公。但飲左d酒，使我完全無修飾既意思。

你呀媽，話我想洗走佢粒孫，離間人地感情，想佢個孫去陪我細佬。佢係咪個腦有幾條線搭錯左呀？定開始左老人痴呆呀？我邊有甘既本事呀，你地男家去唔去第2度關我鬼事咩，況且佢有本事去咩？(成績問題都升唔到上去)佢都無心去啦，我一句說話你呀媽諗到甘多野出黎既，唔怪得你地由細到大都真係無人夠膽係屋企講野喇。我而家知道種咩因得咩果係點解喇。
我連多事都講唔上呀，我好記得我只係講左一句說話“見識下無妨咋\"之類，定係 “有機會既話都唔錯丫\" 之類甘既說話咋。

點解會變左，離間你地感情，同要趕走佢個孫呀？我趕走佢個孫把鬼呀？我有得分嗎？新年利是都逗唔到佢10蚊封呀，(我99新年派利是，係紅紙一張only,但會有個利是封囉)我趕走佢d孫有咩得益呀？我離間你地感情？？？而家佢同你訓埋同一張床咩？你姪仔我離間佢感情把鬼呀

大嫂話：佢覺得所有新抱都係陰毒架啦。
我同老公講，你大嫂即係好婉轉甘做轉述番出黎，99話我陰毒囉

呢句說話火燒心。

老公話：冷靜d先，返到屋企先講啦。
(我諗佢意思係撘緊的士，廢事比的士佬聽我地講乜啦，平時既我真係會有咩留番屋企先講，但係我個日真係嬲到震，巳不顧3721)

續

私人傳訊

積分: 1043

131^#

發表於 15-9-20 21:34 |只看該作者

回覆：一條刺的開始

莫須有 3

我可能一回憶起就太激昂喇。
都無好好分清楚點樣打，先令人睇得明。

等我打清楚d

私人傳訊

積分: 16855

132^#

發表於 15-9-20 21:51 |只看該作者

引用：莫須有++3我可能一回憶起就太激昂喇。都無

原帖由 kit999 於 15-09-20 發表
莫須有 3

我可能一回憶起就太激昂喇。

開始明小小了

慢慢來，吾洗急，最緊要快

慢慢來, 吾洗急, 但最緊要快.

私人傳訊

jennyjenyjay

積分: 2759

133^#

發表於 15-9-20 21:53 |只看該作者

回覆：一條刺的開始

追

私人傳訊

積分: 1043

134^#

發表於 15-9-20 22:33 |只看該作者

回覆：一條刺的開始

續

事緣，我自己都唔記得左究竟係幾耐既事。
大嫂個仔，係1x歲。
我都唔記得當時佢讀中二家中三了。

大嫂有一日唔知講乜，佢講野係好大聲架。
大嫂話，你讀唔到就出去讀啦。
其實大嫂係講笑姐。
如果真係商量家事既話，佢地都返屋企先講啦

姪仔就講，緊係唔會啦。我鬼知鬼佬講咩，英文識我，我唔識英文(扮大人講野，嬉皮笑臉)
大嫂：讀既話就問下，x嬸啦。(我)
(我細佬當時係第2度讀緊書)
99話：人生路不熟，想擔心死人咩。(之類既說話啦，其實我真係唔係太記得。)

唔知點樣，我只係人地有問有答，甘回答，個答案係hea到不得了。有機會既話都好既，定係類似見識下無壞既。

但我好肯定我只係講左一句說話。多都無。
因為我知佢地只係Dry講。
唔好話諗，我覺得佢地只係求奇無厘頭講下。
平時大嫂番黎既話，會同個仔講下野自娛。
D姑奶都會講下野既。但唔係太多，但點都多個d仔。而大嫂平時講野真係好大聲。
佢既聲浪係異於常人。

所以我初頭識佢地既時候，心諗

點解一係唔出聲既一粒聲都無？一係一出聲個d人就係大堂都聽到佢把聲

明明閒話家常既兩句。
無聊透頂既說話。
我就變左陰毒。
我明白罪名既野真係\"莫須有“
慈禧話你有罪你就係有罪。

而姪仔，佢一直擺到明都唔會係想讀書既人。
老實說：佢地男家係鼓勵任何人，一讀完中三定中五，就好出黎做野，個款古代思想。
佢地覺得自己家族讀唔上去係一定既。
而姪仔同我老公既關係，係算為叫有兩句玩笑。一年大約會見到3次左右架咋。
但係有時姪仔可能會講：我就黎高過你喇。xxx
我老公就會答佢高過先講啦。
又或者：昨日你捧開個隊xxx球隊又輸波。
老公：你甘夜仲未訓唔洗返學？
姪仔：返學可以訓架麻。

大約都係傾幾句，閒話家常既野。
有時大家講笑，串下大家鐘意既球隊輸波時。
咪作狀你打我一拳，我打你一拳。
我99試過見到甘既情況，的確係講過：你睇下細佬(老公)同姪仔感情幾好。

甘的確比起兄弟情，係好好多既。
因為佢地兄弟之間完全未試過甘樣

但以我的感覺係，好平常既事。無咩特別。
一年見姪仔可能4次掛。因大嫂戶人住得遠dd。
佢地例牌日子多數唔返，多數都係大時大節先返。加上姪仔又大喇，有時節日都可能自己同朋友去玩。我心諗，一年兩叔侄先見3幾次，每次幾個鐘。有無99想像中甘陶醉呀

不過的而且確，我99係好小見到我老公會同人開玩笑既場面。所以可能小小野都無限放大。

但我唔知點解自己會變左係“離間佢兩叔侄既人囉？\"

有人問我就答，簡短一句既說話。
就係我想推走你d孫？請問你係咪痴左線？
仲要話我因為想有人陪我細佬

你係咪真係再痴d

全個世界甘大，你個孫一定係去我細佬在所國家架

重點係：我細佬巳經讀完番黎啦。
我細佬同你粒孫年紀爭甘多。
完完全全離哂大譜

所以我成日話佢係要拉埋我外家黎講。我無講錯佢架

我細佬就算未讀完都好啦，洗鬼你陪咩

神經

再講

你個孫佢地擺明就係隨口up啦。
讀鬼咩，成家人都係鼓勵d細路讀唔到就快d出黎做野。而佢自己一早都擺明係無心讀。
年少無知地成日話邊間快餐店經理搵萬幾蚊。
(我唔係話人地工種，而係我覺得佢年少無知既原因係，佢睇到萬幾蚊好多，同埋佢無珍惜讀書既機會)

甘佢呢個年紀，年少無知都好正常既。
但連佢呀爸，都唔會鼓勵佢再試下讀書。
盡快出黎做野。
係大嫂有時會叫佢讀下。
但有無聽唔洗講啦。

而家佢都無讀啦。選擇左去coffe shop到做。
成一兩三年前既事。(真係唔記得左係幾耐)
竟然無啦啦比99話我陰毒。
係想趕走佢粒孫
(不過我就唔知99幾時甘講既)
(但最近大嫂先講番出黎。)

我諗番轉頭，衰d講句。
好彩佢讀唔成咋。
如果佢真係出左國讀書。
咪更加賴左我？？
係咪真係痴線架。

私人傳訊

積分: 1043

135^#

發表於 15-9-20 22:43 |只看該作者

回覆：一條刺的開始

我真係忍唔住，講起呢到又要繼續打

我勁嬲。
係唔係我講一句
你粒孫就真係可以出去讀書丫？
你呢個呀麻唔噪到拆天？
係咪我講一句就等於
姪仔既呀爸呀媽會同意呀？
係咪我講一句
姪仔既成績就可以會有學校收呀？
係咪我講一句姪仔就會自己都肯去呀？
係咪我講一句，姪仔既父母
就一定會有錢供佢去讀呀

我講左一句說話咋

係有人問，我先答既一句說話咋。
就係\"如果有機會都好丫“定唔知見識下無壞呀。

就係甘多咋

係咪真係痴左線呀99你。

我點樣離間佢兩叔侄呀

甘既莫須有既罪名都得？
如果侄仔出左去讀書既話，佢地就從此唔係親戚呀？？？？？
明明擺到明知道大嫂只係吹水，我根本唔相信佢仔會去讀，擺到明侄仔都一定唔會去個隻。
甘都有得屈。

私人傳訊

美之選468

公爵府

積分: 26519

136^#

發表於 15-9-20 22:46 |只看該作者

kit999 發表於 15-9-20 21:34
莫須有 3

我可能一回憶起就太激昂喇。

我...太緊張.....請繼續...我追緊..

私人傳訊

popomeow

男爵府

積分: 6674

好媽媽勳章 BK Milk勳章

137^#

發表於 15-9-20 23:02 |只看該作者

回覆：一條刺的開始

你99妄想症發作，不過佢出條村都咁艱難，好易明佢覺得叫個孫去搭飛機去外國讀書係想脫離關係咁滯。

私人傳訊

littledot

公爵府

積分: 29262

138^#

發表於 15-9-20 23:06 |只看該作者

引用：我真係忍唔住，講起呢到又要繼續打我勁嬲。

原帖由 kit999 於 15-09-20 發表
我真係忍唔住，講起呢到又要繼續打

我勁嬲。

jm，keep住道火，繼續打

你好勁呀，用四両撥千斤去應對，update得又快，追呀！

私人傳訊

積分: 16855

139^#

發表於 15-9-20 23:27 |只看該作者

回覆：一條刺的開始

欲加之罪，由佢作到底

一笑至之

慢慢來, 吾洗急, 但最緊要快.

私人傳訊