吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 一條刺的開始

婆媳關係今日: 0|主題: 27721

收藏本版

發帖

返回列表

跳至頁

樓主: kit999

一條刺的開始

[複製鏈接]

6 789 10...31

kylist1969

別墅

積分: 646

141^#

發表於 15-9-21 00:46 |只看該作者

回覆：一條刺的開始

追到好緊張!!

私人傳訊

water524

子爵府

積分: 13886

142^#

發表於 15-9-21 00:57 |只看該作者

回覆：一條刺的開始

你奶奶真係極品中嘅極品！

私人傳訊

lunglungbb

大宅

積分: 4941

143^#

發表於 15-9-21 10:48 |只看該作者

回覆：一條刺的開始

追

私人傳訊

jennyjenyjay

大宅

積分: 2759

144^#

發表於 15-9-21 11:10 |只看該作者

回覆：一條刺的開始

等

私人傳訊

美之選468

公爵府

積分: 26519

145^#

發表於 15-9-21 11:26 |只看該作者

kit999 發表於 15-9-21 00:07

不過我都知99係好怕自己d仔囡會離婚既人。

所以好怕d襯家發難。

咁佢就咪再搞事LA ?

私人傳訊

peepee

男爵府

積分: 5674

146^#

發表於 15-9-21 13:18 |只看該作者

回覆：一條刺的開始

私人傳訊

beagledog

大宅

積分: 3828

147^#

發表於 15-9-21 14:44 |只看該作者

回覆 kit999 的帖子

個大嫂講嘅野聽完就算.
佢同你講多D 99唔鍾意你嘅野, 等你出手對付99.
佢就等睇戲咋.

樓主應該唔好再同99有咁多接觸, 你做得幾好都冇用架,人地唔鍾意你, 男家嘅事等你C6去搞啦.
大節日先出現下, 學呢個大嫂咁就是了.

私人傳訊

mofox

大宅

積分: 1630

148^#

發表於 15-9-21 15:27 |只看該作者

回覆：一條刺的開始

繼續追

私人傳訊

kit999

大宅

積分: 1043

149^#

發表於 15-9-21 16:02 |只看該作者

回覆：一條刺的開始

其實我屋企無乜特別，唯一可能算特別係有一班堂兄弟姊妹好close.

小時候父母要返工。
每戶人既小朋友都係比哂我呀麻湊。
係呀麻屋企個邊讀書。
父母日日返黎食飯，假期就接走我地。
呀麻日日都煮好多人飯。我地放學就好似鴨仔團甘跟住呀麻去買餸幫手。拎餸。
以前讀書無而家甘多功課，
我地真係典型以前年代既公屋村童。

放學係lift口踢波，同隔離鄰居捉迷藏，周圍公園跑，呀麻係樓到大叫落街，返黎沖涼準備食飯喇，我地就跑番上樓。

基本上我見我伯父，姑媽，姑姐，呀叔
同見父母次數無異，因為大家日日都返呀麻家食飯。睇自己既仔囡。呀麻個到有兩間屋。
伯父一戶人係直情係到住。
兩堂家姐，兩堂哥比我地大，大既又照顧我地，我地其餘既，年齡就比較相近。我地有時又會幫手照顧再細一級既。
當然有時都會蝦下我地。有爭下野玩，我地又蝦下d細既。同一般小朋友相處無異

到左就黎升中，就開始正式跟番父母住。
但巳經習慣同甘大班兄弟姊妹相處。
一到放假呀麻屋企就係大本營。
升左上中學，
我星期5一放學一定係約埋幾個家姐去行街，影貼紙相，食tea再返呀麻到食飯。
講下少女心事呀。吱吱喳喳。
不過我就無咩心機讀書既。但我又唔係曳，
我中一既時候，原本比我地年紀大好多既家姐呀哥，佢地個時就巳經出黎做野。
佢地成日都帶我地飲飲食食，個時平平地都任我地係花園街隨便掃架

係呀麻到，大家都好自由好開心。
我地幾個細小小既。就好似比人縱慣左甘。
永遠講一句呀麻，我肚餓呀，就有野食。
家姐哥哥出糧實有禮物。大家相處比較粗魯，大聖大性乜都講，似朋友。
家務永遠排都排唔到我做。
因為呀媽，伯娘，4嬸。
即係我呀麻既新抱們
，每日回來都會幫手開飯，輪住洗碗。
而早上，清潔既，對面屋既姑媽，或家姐們，一定攪掂。做得呀麻，又實縱孫既

所以我地細個幾個好爽架。

我呀麻，同甘多位新抱，都相處得好好。
我細個好天真，無諗過99呢樣野。究竟會係咩一回事。原來可以甘深奧。

每逢假期前，大本營內，長輩們必定打麻雀，細路周圍跑。好開心。
到走個時，我老豆會車埋，姑姐，伯父兩戶人。大人就坐前面，小朋友一輪屈蛇坐車尾(van仔)

周不時呀爸會叫，後面蛇仔笠低個頭呀))))有路障呀。

大個左，出黎做野，我地依舊不變，大家係大家既best fd。成日約埋一齊去飲野，行街shopping唱歌。乜都講得。未嫁之前，大家既屋企都成日互相走去訓下。
有心事又去下傾下。玩夜左近近地又去訓下。
好好感情，我唯一覺得我屋企特別之處，就係呢樣，好團結。
近呢10年8年，大家既男女朋友，老公老婆都加入埋。就更熱鬧。
我99既事，基本上我兩三個差唔多年紀既家姐都知。就好似必定要同閨密講既一樣。

如果真係要比較既話。
我同堂兄姊妹，仲fd過親細佬。
親細佬好文靜。

我自己就唔係幾讀得書。
應該話係無學歷。中5。
我細佬讀書就好叻既。
我其中兩個堂家姐讀書都好叻。
年少時，我無知，無珍惜讀書機會。
大個有一段時候都有小小後悔。
不過身邊兩三個親密既人成功做到既。
我覺得都佢地都算係我既小小驕傲啦。

我父母，當年都用左好多錢去供我細佬讀書。但其實我父母並唔係咩有錢人呀。
但活到幾十歲多少積蓄都有d既。
我細佬要準備就去讀個年。
我未見過我媽甘慳架.

甘我都有問過呀媽係唔係唔夠錢。
呀媽話唔係，不過大拿拿拎出甘多錢出黎
要慳番d洗姐。

我呀媽原來都為我盤算緊。
我屋企一直唔係窮，但絕對又唔叫小康之家。
我不愁吃渴玩樂。所以我細個好任性。
出黎做野之後，無乜邊份工做得長。
受小小氣又唔做，遠得際又唔做，近得際又唔做，個客麻煩就忍唔到氣。個同事克人憎又唔做。(不過我又唔會話坐係屋企打開手板問攞錢既，我自己洗自己搵，但就無比家用，我又唔會好長時間無野做。基本上工作大多數都係一份接一份，但無份做得長。)
大公司既sales又做過，小型店鋪公司又做過。各樣文職都做下就唔做。搵到一兩月糧，有得洗有得用，又搵下一份工。
(但我又唔係咩壞女孩，但個人無乜耐性，屋企唔洗我養，但我自己又儲唔到咩錢。)

但我呀媽頂我唔順，話我不如試下自己係一個小型商場，租間鋪仔試下賣3，還掂你有sales經驗，又甘鐘意買3。
睇下我可唔可如果係自己既生意既時候，我會著緊d。

呀媽講到明：細佬要用一筆錢去讀書。
但我好公平既。你唔讀書，我都想比d機會你發揮。呢筆錢比埋你去賞試都差不多清哂光架喇。我爸媽係我4年級個時開左自己既小食店。
但小食店當然不會係賺大錢個d啦。但不過不失養到頭家，住公屋換左普通私樓。不過我老豆有時仲會接d工程黎做。當搵下外快(佢有一門手藝)

我個時像如夢初醒。
父母對我既一切，盡在不言中。
我真係要發奮，唔好再以為自己仲係永遠的小妹妹。兩個較為閨密既家姐，佢地就算未正式做野，都讀得書，努力讀上去。而我就唔知係到做乜，無咩目標。而其他大家姐呀哥，佢地一早出左黎做野，做左甘耐都有經驗同職位丫。係得我唔知係到做乜:thinking

下定決心好好珍惜機會。
點都唔可以徹哂父母d錢收場。
真係好比心機做，好勤力。
哥哥們同呀爸仲落手落腳幫我小裝下間鋪仔。

人地未開鋪，我就開鋪先，人地收左鋪，我都未收鋪，唔理什麼靜唔靜既日子，堅持幾點開門就開門，(個場大部份個到既人係，覺得靜就開晏d, 覺得落雨無人行，又開晏d，有時太多都好晏開門，攪到好似死城)
絕對唔會再好似以前甘，一話訓晏左就唔返。。。收起以前d小姐脾氣，d客幾攪笑都好啦，忍啦，從此脾氣真係慢慢好左好多。
我儲儲埋埋唔小熟客。
有d熟到佢個孫滿月都會叫我。
有d熟客同男朋友拗叫。都會搵我呻我。
大家到而家都有聯絡。
有細鋪既時候，我就識到我老公。

做左兩年幾左右。我同父母都滿意自己既成績。
我決定膽粗粗博一博，轉過大場。
由萬幾蚊既租鋪仔，變左當年9萬蚊租大型商場既鋪仔。(但當時我巳經儲到小小積蓄)
當時有個家姐，提議一齊做。我求之不得啦。
(我自己都擔心自己唔夠本錢呢，一齊甲好好多呢，況且佢有經驗。而轉左去大場，時間就一定要營業時間得更長，多個人大家輪更開門，攞貨都更方便，自己人又有商有量)
三家姐當時係高級名牌時裝，做左好耐，叫做主管。但覺得有機會大家都博一博。

轉過大場後，我地幾年期間一直都做得不錯。
比不過不失，還好一點。
之前父母打本比我個d。一早好快就比番父母。
不過最終敵唔過商場加租，特登去趕細戶呢招。同商場傾左2次都傾唔掂數，好多細戶都係個段時間結業。就明白到，商場甘本就唔想同你傾，甘加法係想趕你走，趕走你去比大型品牌進註。
當時大鋪未結束前，我同老公，巳經結左婚。
婚後半年就有左呀囡。
加上我有左個囡，而又發覺99係湊唔到後。
(本身有諗過繼續做)自己最多番鋪小d, 一半99湊，一半自己湊。但幾種因素，加租加得太狼，再做都只會白做。甘大家拎番多少離場好過啦。

父母之前提出過，叫我每月儲錢係佢地到。
等細佬返黎既時候(結婚時巳回)父母再補貼。叫我地甲錢買樓。要一齊供。兩姊弟名。
想我地一個嫁左，第時一個就算娶左，假使第時有咩問題發生既話，都會係有兩間屋(計埋父母住緊個間)我兩姊弟點都有屋住丫，我當然甘短時間之內儲唔到完整既首期啦，但我巳經有儲錢，個時有小小都想留番黎傍下身，同留番d錢鋪頭仔運作。我其實都大洗既，好鍾意買野扮靚。我細佬個時又岩岩讀完書番黎唔係太耐，佢都無乜錢，不過我地決定唔想再洗父母d錢，唔想揸乾揸淨哂父母d錢。
就拒絕左父母呢個idea.

後來大鋪無做，家姐覺得可以另覓選址，
所以我就將自己既積蓄同個時退場後總結大家平分既都比左佢，大家再甲過，我囡未出世時，大家都諗過，家姐做主打，而我做pt一樣付出既時間落去幫手。
(我地一直無請過人)鋪仔根本無本事請人。
但如果我不能在固定既日子返鋪，甘家姐好難有固定休息日，好多野都好難甲時間。
但難甲終於都甲好。。
我因為有左呀囡，而99又未似預期想像中湊到呀囡，所以我大部分時間專注online shop,勤力影下相，試下3，upload下。去寄貨。
但當有左呀仔，個囡又差不多返學。
我就連online shop都小做。

所以我好感謝家姐。
佢無介意付出，仲超錫我對仔囡。
我有時就算帶埋d仔囡落鋪一陣，其實都幫唔到d乜，我只係星期6，返去比家姐休息，星期日就自己family day.
甘當然家姐會多左份人工啦。
但利潤就平分。所以我自己每個月都有收入。
不過有時有d野錯有錯著，就係因為家姐分身不暇，所以請左個pt幫輕下。
個pt就係我細佬而家既女友。
拍拖仲好穩定

私人傳訊

kit999

大宅

積分: 1043

150^#

發表於 15-9-21 16:25 |只看該作者

回覆：一條刺的開始

好似，講講下，離左題:happy
不過一諗起小時候，回憶就湧現

打唔停。

但之所以，有jm問點解我會甘就99？(以前)
就係因為我自己都有個呀麻。
我明白老人家個個都十居其九口不對心。
係鍾意要人猜測下佢心意。

我明白老人家個個都想自己d仔囡兒孫在附近，所以我返我呀麻到，我地一班孫都好密下。所以以前我會諗，可能我真係太大細超。
個邊一星期一次，或2星期1次，逗留時間又短。而自己個邊就唔止。
仲要為左廢事比人唱，set左fb私人。
好似好衰甘。

我以前脾氣唔好，但真係大越人，又有細路後，收儉好多，成日話同自己講，唔係家家戶戶人都可以乜都講，係自己屋企就公主。係人地屋企人地d仔先係王子。見面時間短，叫自己忍耐下。加上呀媽由細講到大：你自細比人縱慣哂。好多野家姐呀哥呀麻乜都幫你做，無大風大浪，嫁左人好多野真係要忍讓下。如果因為一時之氣，攪到以後大家面阻阻點算，仲會人話你呀媽呀爸你呀麻，無家教無修養。
我一聽到呢點，我自此就成日提醒自己，慢慢真係收哂火。

不過終於認清事實就係，
我呀麻唔等於人地呀媽。
點講，我地同呀麻都相處幾十年。
佢郁下條尾我地都估到大約意思。
而我呀麻亦都好錫d新抱，並唔係甘樣既。

而你自己個仔，都無話要番多d黎，
你地無function，我番外家又有咩問題？
而家唔係你地有節目，我no show之後走去番娘家。
係我在空閒日子番多d去外家咋。

發生唔同既事，就思想唔同左階段。
你對我唔太過分既時候，我就可能會覺得自己做得唔夠好。
但你對我太差之後，我就並唔覺得自己係錯。

私人傳訊

kit999

大宅

積分: 1043

151^#

發表於 15-9-21 16:34 |只看該作者

回覆：一條刺的開始

所以我99當時，我知佢真係好嬲我。
一，我有工返唔去返，而令到佢無得湊孫，2，錢wo,唔去搵多份人工番黎，幫補下佢仔。3，當時大鋪結束，佢可能覺得係，我為左湊囡所以唔做。

我知佢個段時間有不滿，但我以為佢係嬲，並唔係憎，只要忍讓下就慢慢下火，99就會忘記架啦，但原來佢係甘憎我架囉。

當時我忍讓既態度，係因為既然你老人家不滿，我就盡量忍讓下，詳細情形我好難下下同你解釋架wo,(其實甘本唔關你事)唔通我同你講，另一個因素係因為你湊唔到個孫咩。

私人傳訊

kit999

大宅

積分: 1043

152^#

發表於 15-9-21 17:37 |只看該作者

回覆：一條刺的開始

老公特徵性格篇

我同老公係朋友“能\"朋友一齊去玩認識的。
好快地，佢係有暗示作出追求。
但追追下，無左反應

個時我反過來覺得好奇
主動再聯絡佢先。
相處後，我問佢點解當時會有甘既情況？
佢真係夠膽死講：我唔識講野，唔知搵你講咩。我係飲左酒先會多野講。所以之前甘多野講。

想搵架，但諗唔到講乜。

明明識佢個時好風趣，個人好開朗。
一段日子變左碌木。
但無可否認，佢係一個老實人，唔識講大話，但亦唔識同人溝通既人。

有一段時間，我認清原來佢真係好一碌木既時候

我係有諗過放棄架。
因為真係一碌木，每個假期佢等你安排任何節目，連拍拖熱戀期既開頭都係甘架。你問佢去邊？佢會問番你我地今日去邊好？
不過，我安排任何野佢都唔會有異議既。
但你唔好期望佢會比咩驚喜你。
有時佢仲宅宅地架。
番工放工打機。
不過當然慢慢改變左好多。

不過無可否認佢係好勤力既人。
亦遺傳到小小佢呀媽慳家既性格。
不過我老公慳家既宗旨係為左要享受。

我識佢個時，原來佢番兩份工。
我問佢點解要返兩份工。
佢話放工都無野做，係屋企熱(佢屋企唔開冷氣架)不如去搵錢。搵到佢又唔會亂洗。

佢好細個巳經唔會亂洗錢，佢以前儲儲埋埋唔小錢。我地去朋友聚會認識，都係機緣巧合。
我係個d，你叫10次我會去8次都出黎聚會既人。而老公以前係，你叫佢一齊去玩，佢8次都唔會去既。所以個次既相遇真係緣份。

我老公朋友又唔多，老公而家既朋友，其實全部都係我朋友黎。慢慢所有野共同化。互相影響。
原本既老公都無乜朋友，但佢亦無仇人既。
佢個人無乜火，似足62驚老婆。乜都唔多理。

個時佢打左一段日子兩份工，我都估佢唔到原來佢有唔小既積蓄，(係個果年紀黎講)
我覺得佢太辛苦叫停佢。
到結婚，大家都有出錢，佢出7成，我大約比左3成。結婚後，我地細細地，就置業。
不過真係好細，400呎未夠，實用得29x
但都好開心。
我就算自己有無收收入，我老公都比足家用我。佢係慳自己，但絕對唔慳老婆仔囡既人。

好快機會黎到，老公就膽粗粗接d野黎做。
其實都係同打份工無乜分別。
做做下，有機會同d大單簽約，爭取唔係散既單。但大前提要有公司人地先同你簽約。
我老公決定開公司一試。
要供樓，要供車，要養父母。老婆仔囡。
我知佢自己銀行既錢係好岩岩好個隻。
我當然樂意出手相助啦。我都有積蓄。
等佢有得流動下。
所以嚴格黎講，公司我都有份。
(但之不過99成日以為自己個仔巴之閉，甘多個之中幾叻幾勤力，好似講到我無份出力甘，不過算，因為99的確係唔知情，再講，一個由細到大都唔識同人社交既人，我其實花左多少心思去善意提示，慢慢接觸朋友多左，又同我屋企兄弟姊妹相處落，老公份人先開朗d)
性格開朗健談d,對佢同客人溝通幫助好大。
慢慢穩定左d, 公司賺、錢多左。我地實在係唔夠住，先決定換樓。因為多左個仔。

而老公公司既性質係一份勞動工作。
好多時佢自己都會落手落腳做。
亦唔係99睇到，好似諗到個仔公司有幾個員工仔就巳經係大老細甘。老公由細到大都無咩特別興趣，佢既興趣就係打機同車。打機自從有仔囡之後佢都介左，因為番到屋企都無乜時間打，都係陪仔囡玩。唯一興趣淨番車，所以曾經換車個時，99講到老公同我，好似十惡不赦甘，老公其實對此好反感。(把口就多少都加埋老公個名一齊話，但主要其實咪又係賴我)

成日開口埋口讚自己個仔自細就好慳，又平實。(我心諗平實係唔等於一生人。唔可以擁有個人興趣)甘同其實係話我唔平實，見車就想換車，無乜分別。

我老公係好簡單既人，佢對自己外型無乜感覺，我買乜佢就著乜，從來唔會對時裝有興趣。但佢既一碌木好處就係，佢亦唔會阻止我買3，佢會乖乖企係到自己發呆等

但佢算乾淨企理整齊既人。
但我99同佢班大佬就好dirty既。

私人傳訊

寫我心情

伯爵府

積分: 16855

153^#

發表於 15-9-21 18:41 |只看該作者

回覆：一條刺的開始

好正面的人生

慢慢來, 吾洗急, 但最緊要快.

私人傳訊

小海濘

複式洋房

積分: 435

154^#

發表於 15-9-21 19:41 |只看該作者

回覆：kit999 的帖子

私人傳訊

piggyhaha

大宅

積分: 1221

BK Milk勳章

155^#

發表於 15-9-21 22:05 |只看該作者

回覆：一條刺的開始

私人傳訊

美之選468

公爵府

積分: 26519

156^#

發表於 15-9-21 22:42 |只看該作者

追

私人傳訊

kit999

大宅

積分: 1043

157^#

發表於 15-9-21 22:51 |只看該作者

回覆：一條刺的開始

老公引述99怕d咩

老公後來有講番起，
大約內容係，群腳以前有個女朋友。
本身係5家姐既朋友黎。
唔知點樣機緣巧合上識左。
老公話個時佢自己好細個，
隔左甘耐都唔記得，群腳究竟係幾時開始同個女仔拍拖。但總知一定拍左拖超過10年，而分手又係成10年前既事。
而之後一直群腳就無再識過女友。

講得好零碎。
老公話覺得群腳一直係儲到錢既。
當時本身巳談婚論嫁。
反而女家就唔介意擺唔擺酒。
而99就想佢地擺酒
(因為99既無知，99可能都成日覺得擺酒係有錢賺，個時都係因為佢，我地先擺酒，本身想寧願拎d錢去一個月旅行)
女家提議，與其擺酒，不如拎錢買樓。
男家就唔肯，酒可照擺，樓唔會買。
可伸請公屋
群腳覺得要同呀媽一齊住。
女家什至覺得如果佢兩個唔夠錢買樓既話，可以借小小出黎。
99聽到，話如果買樓既話，供樓會好辛苦之類啦，又供得耐，供一個月。夠住公屋大成年啦。(佢口頭蟬)
但最終兩家襯家係傾掂左既。
老公話99係肯讓步既。(我出奇)
襯家話如果唔夠又肯借，99又話如果真係要買樓的話係要買自己附近就ok。
甘以為攪掂啦。
但最後竟然係群腳自己唔肯，
群腳話一定要娶個老婆係同呀媽一齊住。
據說，99係有勸過群腳：住附近都ok啦。
但群腳覺得要一齊住先得。

但群腳又有試過挽留過女友既，但最終係群腳自己挽留完之後又唔肯讓步。最後老公話佢地正式分手就真係唔知幾時，應該係我地岩岩拍拖個時，
但話：佢地由買樓與否，同住與否，擺酒定唔擺，分手定唔分手，應該都拗左年幾。最終都係結唔成婚，就正式分左手。而我識我老公既頭一年，我係好小上去，所以我完全無機會見過群腳女友。

聽完老公大約零碎引述，我自己拼圖拼番出黎就應該係大約係以上甘喇

我其實覺得群腳比99傻得更圴雲。
想成家立室，同人地個囡拍左十幾年拖。
女家都肯出錢又出力，但佢竟然要同呀媽一齊住先肯

女家比你浪費左10幾年青春，