上星期我地約咗人返大陸食晚飯,因為估可能食到好夜,所以叫工人幫我地執套衫,我地帶個大旅行袋出發。
後來食完飯都不算很夜,於是搭車回家。
返到屋企, 嚇咗一跳, 因為好似食品工場咁, 成屋曲奇味,半張餐枱放咗蛋糕和餅乾, 有些用保鮮紙包著(屋企的保鮮紙),有些放在即棄食品盒內(工人自己買), 一層層疊高, 每層有5-6盒, 放咗十幾行, 另外仲有些麵粉糊待製作。廚房焗爐和煤氣爐都煮緊食物, 仲有2盆蛋糕仔待焗。
我平時會叫工人做麵包, 每天做6個左右, 最近麵粉用得很快,工人話佢平時下午用麵粉煮食, 不想成日食飯。因為麵粉不是太貴, 我老公去批發場5kg一大包咁買, 上次見5KG好快就無, 又搬10kg返來。
我同工人講, 不可用屋企用品出去賺錢, 佢反問我, 如果比$50, $100我作租用廚房,叫我開價。我當然不願意,我屋企2年前才大裝修,所有廚房用品都買貴嘢,因不想成日壞成日換咁麻煩。
第二日,我問2nd工人(我請咗2個工人),才知佢鄉下打風, 農作物失收,又有2間屋起緊, 支出好大, 所以要賣嘢揾外快。工人仲話其實有其他工人都係咁做,佢都係有樣學樣。
呢個工人一向表現麻麻,又唔同我講嘢(佢有嘢只同2nd工人講,由2nd工人講我知,或用WHATSPP問),對住我地只係問一句答一句,有時當聽唔到,對我地父母都係木口木面,另外又欠缺主動又計較,已經決定咗唔續約。希望合約快D完,快D送走佢。