yyoouu 發表於 16-3-16 19:05
請問你如果芭堤雅嗰個水上市場唔值得去,咁曼谷嗰個水上市場呢?因為同行嘅屋企人好想去水上市場見識下,Th ...
芭提雅的所謂水上市場, 其實只係人工景點, 所以並唔能夠體驗真正的水上市場.
如果要參觀水上市場的話, 可選擇曼谷周邊的各大大小小水上市場(不下10個)
如果你要我介紹的話, 時間上你又配合到的情況下, 會建議參觀AMPHAWA水上市場, 但AMPHAWA只於周五,六,日營業, 而更以周六最旺. AMPHAWA雖然地方唔大, 但其特色為黃昏水上市場, 河兩旁的商店會一直營業至晚上9點多, 除參觀兩旁商店外, 更可以即場參加遊船河活動, 而且費用極便宜, 下午時間可選擇廟宇聯遊, 旁晚則有螢火蟲TOUR.
如果旅程時間充裕的話, 更可以STAY一晚, 體驗一下河邊小旅館的滋味, 於第二朝清晨5點左右, 到河邊觀看泰國和尚沿河道化緣. 但周五,六房間真係好難訂得到, 往往要提前幾個月前預訂.
在參觀AMPHAWA的同時, 一般人會將周邊(10分鐘以內)的MAEKLONG美功火車市場(電視經常有介紹, 火車到的時候, 火車軌兩旁的小販馬上收檔, 等火車走咗再繼續做生意)一併加入行程(現時好似仲係維修中,5月後才重開).
其實AMPHAWA離曼谷唔係好遠, 唔塞車的話一個鐘多DD就到, 可以包車一天遊方式參觀, 順道參觀途中經過的佛統府.
打住咁多先, 你先消化吓, 睇睇有乜問題再問.