剛放左個長假，等我再繼續分享.......各位JM講得岩，打完斑之後，防曬真係不可少啊。今次第一次打斑，都係好朋友介紹的，不是什麼專科醫生，而係一間平實的美容中心。見佢打左幾次效果吾錯先放膽一試。
開頭入到去美容中心都有D緊張架，你知啦，師奶仔一名，吾想俾人當羊枯咁劏一頸血呀，一陣洗大左，又做得吾好點算呀。不過好彩果度D治療師態度又吾錯，無話好口甜舌滑，首先佢地用皮膚分析機幫我影相，又話我知面上既色斑邊d係深層同淺層，仲好詳細咁介紹打斑用既激光儀器係用1064，又講左打斑前後要注意d咩，同埋打既時候塊面會有咩感覺，等我都叫有d心理準備。聽完之後，個人都輕鬆好多喇，跟住就即刻打斑了。
治療師話打斑有機會會起沙、結焦的，呢個要視乎客人既皮膚反應而定。打斑原來吾係想像上咁痛，只係好似俾橡筋keep住彈咁，同埋打既時候有些少燒濃既味道(治療師話我因為第一次打，面毛吸光)，打完斑之後塊面有少少紅，治療師最後幫我敷左個保濕MASK同塗防曬，做完Treatment仲即刻可以化妝，吾會肉肉酸酸咁出街；臨走仲提我返去要記得敷足7日保濕MASK(因為打斑之後皮膚會好乾)，同埋，記得塗防曬(如果吾係就等於白做了)。而面上紅印返屋企2日之後就已經退左了。
發表於 
返回列表
