vet 發表於 16-10-18 13:00
家境富裕的我會博, 樓主話送去英國要儲多少少錢, 比我就唔會博了, 除非有一筆錢足夠完成大學。
...
我同意,當然係要經濟支持到先搏,如果搞到又要賣樓又要借錢咁,就真係唔會搏
不過又真係睇下有幾吃力啦,如果條數都計得掂嘅,我都傾向搏一搏。我講嘅嗰兩個成功個案,其中一個家境都唔富裕,送個仔出去時,要個大女幫手一齊供,好彩家姐都生性,知道呢個係細佬嘅一個機會,願意自己節衣縮食。結果比佢地搏到,個仔出到去,換左一個教學模式,成個生猛晒,信心返晒來,兩個 term 就見到成績突飛猛進,後來 first hon 畢業,返來香港入左國泰做機師,而家成家人都享受緊佢嘅平價機票
總嘅來講,如果小朋友係成熟生性識諗嘅,我贊成早 d 送出去,早 d 習慣外國嘅教育方式,容易融入當地文化。但如果小朋友未定性,家長要考慮自己唔喺身邊引導,青春期會唔會容易群到壞朋友學壞,呢樣比學業更重要。另一方面,如果小朋友而家喺香港嘅成績唔理想,而家長認為原因也許係因為香港嘅教育方式唔適合佢,咁不妨早 d 送出去,換一個教育模式,可能就係佢翻身嘅機會