哦~~ 雙向呢家野, 真係要我主動時, 佢都要有回應先得架麻(唔旨望99會主動啦, 被動地回應下都好丫!)
就好似佢病左, 果個星期我日日早午晚3餐, 另加下午茶, 又要有營養, 又要好食, 又唔敢重覆, 驚佢食得悶, 仲被人嫌3嫌4, 一時話咸一時話甜, 我係即刻重新煮過架! 點知煮左, 係我面前就食2啖, 我拎轉背就成兜倒左!
我諗, 你去私家醫院, 請個貼身看護都冇咁好服侍啦!
到佢病好左, 就大聲唱我咁耐都冇理過佢!! 仲話其他新抱對佢好好, 有打電話過黎問候佢!!
佢真係當D仔同隔離鄰舍係盲既定係老人痴呆啊! 個個都見住我日日服侍佢, 家陣佢講D咁既野?
好彩佢D仔有良心, 個個都鬧鬼佢, 個新抱對你咁好都唔知足, 仲老屈人地!
好啦, 到我病左啦, 我唔洗亦唔想佢服侍返我轉頭, 我有手有腳, 亦受唔起, 但都唔好打電話過黎第一句就話:"阿X你病左呀, 咁邊個煮飯比我個仔食呀!"
嘩!! 真係火X到我丫!! 你個仔成30歲, 有手有腳, 又唔係幾廿蚊都冇, 唔係連行落街買盒飯都唔識丫麻!! 定係我地住係山卡啦皇國, 周圍方圓百里乜都冇呀! 洗咁驚你個仔冇飯食?!
我之後比左個電話佢個仔聽, 99亦講左同一番說話! 結果比個仔鬧佢, 好人好姐有手有腳, 邊度都有飯食啦!
之前單野已經令到老公好唔LIKE, 覺得自己個老婆咁樣被人恰法, 於是就叫我, 以後99病, 唔洗再去服侍佢同睇佢架啦, 打個電話過去已經係好孝順好乖架啦!
既然99覺得打電話問候比起我做妹仔服侍佢更好, 就一於聽晒佢話啦!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!