本帖最後由 rose-mag 於 17-1-16 21:59 編輯
真係無陰公,點解唔掉番轉當自己係個仔去諗下:攞3rd Hon已經覺得好醜,唔想去畢業禮,因為場刊會寫係攞咩Hon畢業,其他同學都會心知肚明,更加唔想喺父母面前出醜,明知阿媽實好似天跌落嚟咁大件事,瞞得就瞞,過咗海做唔成神仙都叫做冇得追番。。。又想個仔大學畢業,又想佢叫自己去影相去佢畢業禮,又想佢攞1st Hon。。。媽媽,1st Hon每班得一兩個架咋,要畢業都要付出架,佢係唔係攞1st Hon嘅料先?我當年畢業果班同學,拎1st Hon果個今日又如何?拎2nd Hon畢業嘅,有今日係跨國公司CEO,有做緊全職主婦,有移民捱緊騾仔嘅,仲有兩三個廿幾歲風華正盛就病死咗嘅,3rd Hon果幾個,今日都好地地,有工有家庭。。。人生流流長,一張大學畢業文憑、一場畢業禮真係唔係咩咁大不了,你樣樣都睇到咁緊,喺你身邊嘅人唔怕你有鬼啦,淨係呢度嘅BK會員冇見過真人,隔住個mon都感受到果種怨氣,你係佢阿媽,但佢嘅人生係佢嘅,由佢自主。
花旗太太生活在花旗國,留意時差,你問我未必即時答到。