我媽媽已經95歲, 但仍然行得食得, 每日如果天氣好,都會落街行一陣, 但平時在家已經係多數會去瞓覺, 早午晚餐食完就去瞓, 7月時因為多數下雨, 所以有一個月無落街, 之後就發覺腳腫, 經大家商量後就送佢入院檢查, 一CHECK之下, 發現已經係腎衰竭, 腎功能無晒, 醫生表明唔會有機會出院, 叫我地心理準備 , 日子倒數中. 其實媽媽年紀咁大, 我地都係只望佢可以睡夢中去, 不要受折磨.
在醫院1個月時間, 見佢由可以食野到後期昏睡, 初時會問幾時可回家, 我地都氹佢話仲有檢查未做晒, 到後來已經係瞓多過清醒,就咁走了.
我媽生前成日講好想瞓瞓下就走, 雖然唔係佢最想的在家中去, 但起碼佢唔係有痛症下而去, 我每次去探佢, 問佢有無唔舒服, 佢都係答好攰,好想瞓, 唔痛.
而呢個月係我地見媽媽最多既時間, 佢都講點解你地咁齊人, 成日黎探佢, 個個都要番工,打理家庭, 早D番屋企休息啦.
[img align=right]http://i116.photobucket.com/albums/o21/keiyan76/CEO.gif[/img]