讀者投稿《封建思想奶奶篇》
*相信呢個奶奶的故事係2017年最爆的故事,除非唔係!*
奶奶有三個仔, 大仔結婚後想生好耐都生唔出小朋友, 我老公排第三(我地有兩個女), 二仔就有個仔。事情發生係我生完細女大約3個月。有一日,奶奶同我講︰我地鄉下呢有D 人無細路哥,佢D 兄弟會將自己生的小朋友送左畀個無得生的。好似將BB送畀阿大伯做女咁,以後就當係大伯個女,***你之後可以再生過***。反正都係送畀自己屋企人,又唔係送出去畀其他唔識的人。
我聽到的第一個反應︰你當我母雞生蛋咁生?我個寶貝黎架!第二個反應︰你呢個大伯娘唔想生仔身材走樣叫人幫你生?(好嬲好嬲,但依然要保持理智)我個下唔識反應,答佢,
我︰吓!你叫二伯送佢個仔畀大伯啦!我個女黎姐 (佢地重男輕女的) (問題︰點解係我?)
奶奶︰二個個個係仔黎架ma (shit! 重嬲!即係我個女就唔值錢,人地個仔就係命根)
我︰咁你叫二伯娘再生個畀大伯囉!(問題︰點解要係我?)
奶︰二伯娘咁大年齡啦!仲生鬼生馬咩!(就黎顛啦我!即係我係母雞嗎?)
我︰我接受唔到囉!而家咩年代呀!我唔會咁做!你睇得電視太多,而家唔會有人咁做!
奶︰我地以前鄉下好多都係咁架啦!阿哥細佬無得生, 就生左送畀佢做仔做女。反正都係自己人,唔會待薄佢。
我︰你鄉下係咁,而唔係鄉下,我唔會咁做。我個寶貝黎架!(全程勁嬲mode)
奶︰如果係bb 未出世前同你講定可能你就會捨得,而家生左,畀你見到佢先講你實唔捨得!(唔係呀化,你仲諗住生左即刻拿走個女唔畀我睇?你真係睇tbb 電視劇睇壞腦!)
我已經個心好痛,好似已經畀人搶走個女咁,好驚好嬲!我心諗無論如何我都唔會送自己的骨肉畀人。就算要左我條命都唔會咁做。就算係女, 都係我的寶貝, 我的心肝,唔好諗住搶走我個女!
當時我真係心跳加速,嬲到出冷汗,我抱住個女要即刻走,離開個到。
行到門口,奶奶又講︰阿邊個個女生左兩個都係仔,點解你生兩個都係女?
真係我今日仲有命係到同大家分享呢個故事,未被氣死都係我命大!
我笑住答︰生仔的quota畀你生晒!同埋生仔生女係睇個男架,你問你個仔點解!哼!
退一步海闊天高? 我話︰退遲一步連命根都無!Totally insane!
退一步海闊天高。